Aizawl | December 27, 2018: Dt 24th Dec, 2018, Dar 2:00 pm khan Saitual ah Krismas Costume parade neih a ni. Hei hi Saitual Chhimveng Presbyterian Kohhran S.S Committee & KTP ten an buatsaih a ni.
He thil hi christmas nihna awmzia leh a hlutna kan lo hriat thar leh theih nan a buatsaih an ti tiin thu kan dawng a. thupui atan Remna hman a ni.
Sunday School Dept. hrang hrangte inchei dan tur ruahmanna fel tak neih a ni a, a then vantirhkoh, Berampute, Mari & Josefa, khawchhak mifingte, Mas Putar te, Band party ang tea inchei a ni a, Saitual SDO (c) kawt atanga chhuakin NEC road zawh phein Saitual North kawnah kual a ni a, main road ah let lehin Chhim Veng Biakin Tualah hun tawp hman a ni.
Kalkawngah hian a remchan na hmun apiangah Bible thu hmanga au rual a ni.
Kawngkam vela mite tan sweet vawr a ni a, a hlawkthlak an ti khawp mai.
Reported By:
F Lalnuntluanga
Post a Comment
He post chungchanga i ngaihdan lo sawi ve rawh: