OM IN BJP THLAWP

PRESS STATEMENT OF PU VANLALHUMA KAWLNI PRESIDENT OPERATION MIZORAM AIZAWL.

OPERATION MIZORAM hi kumin 1st January 2018 khan din ani a, a thil tum ber chu Mizoram tan a hlawk thei ang bera hnathawh ani. He thil tih hlawhtlinna awlsam ber ni a lang chu ram roreltu ṭha neih ani.

Kum 30 chuang zet Congress leh MNF sawrkar kan hrawn tawh te àwm dan kan hre chiang tawh hle. *An lak atangin beisei tur thil ropui a awm tawh lo. Mihring ngai leh thu ngai bak hriat tur a awm lo ani.

OM hian, nasa takin kan ram tihdam a, dinthar leh dan kawng kan dap a, MNF leh Congress chu kan beisei tawh loh avangin kan hnâr buai ta lova. August 5, 2018 khan pawl hrang hrang panga (5) te nen Chaltlang Tourist Lodge ah Consultative meeting kan nei a, hemi ṭum hian NGO pathum bak ah ZPM leh PRISM party te an tel a. Hemi ṭum a OM thu ken ber chu Zoram siamtha turin, mahni in phat in, i thawkho ang u tih ani. Beiseina sang tak kan neih laiin ZPM atangin harsatna kan nei a, kan kaltlang thei ta lo ani.

OM chuan, Mizoram ramri chinfel kan ngaipawimawh a, Foreigners hnawhchhuah kan hmanhmawh a, dan rorelna felfai leh Mipui (khawsak harsa zawk te) hmangaihna thinlung pu chung a, khaichhuah kan ngaipawimawh ber. Heng thil hi Political Agenda anih miau avangin politic kal dik hnuai atang lo chuan, neih theih niin kan hre lo ani. Heng thil tih theihna kawng hnai ber ni a kan hriat chu vawiin hian sawiselna kar ah huaisen takin kan zawh ta ani

OM IN BJP A SUPPORT NA CHHAN

Operation Mizoram chuan, kan ram siam ṭha tur hian, Party system hi tihbo theih a duh hle a,theihtawp in ṭan pawh kan la ve a ni. Thlei bik awm lova mitin huap sawrkar neih anih theih nan public referrendum lak a, Mipui Candidate hial siam tum in ruahmanna pawh thui tak kan siam hman a. Mahse India ram kalphung hi Party system a nih miau avangin, mipui lam tan a veikhawr thlak dawn a kan hriat avangin kan ṭhulh leh ta ani.

Tuna kan ram awm dan leh politician te min hruai dan ang hi chuan, kan hmabak hi thim hle in kan hria a, kan lo kal tawh dan aṭang leh tun a Party hrang hrang Policies & Manifesto atang pawh hian kan hnam hian damna a hmu zo dawn lo tih a chiang reng. Kan ram hruaitu ni thei tur zingah hian, a chhan hriat loh a hausa em em, Anticipatory bail nen a ram hruai tum te, chengkhat mah eiru lo chunga phai ram khawpui lian a Babel insang sa thei te leh thil diklo chhuichhuak tura Commission Chairman ni chunga zai zap taka, pakhat a dik a, pakhat a thiam ( 50 : 50 ) ti tute hi kan tinzawn theih tawk an la ni rih hian bei a tidawng tak zet ani.

Khawvel hmun dang leh India state dangah te chuan, hruaitu tha leh tumruh Hnam hmangaihtu an neih chuan ram in hma a sawn ṭhin tih kan hria. Keini ramah chuan chutiang hruaitu chu tun dinhmun ah chuan kan nei ve lo tih a lang reng mai. Heng party leh hruaitute hi lo thlang nawn leh ta pawh ni ila,  Zuntei Nu, ka siam ang che min ti a, lungngaihna hlir lungngaihna hlir tih ang bak kha anih hmel loh. Heng bakah hian, Central ah BJP an sawrkar lai ani a, Politics chhe ber hmanga Sakhaw thil ah nasa taka dawt hmanga puhchhe mek tute an ni a, Central sawrkar do rawn tu te hlir ram hruaitu atana lo thlan chhuah hi  kan ram tan thil finthlak niin a lang lo.

Hruaitu tha nei silo, Politics a lalna duh vang ringawt a, dawt pawh pawisa lo hruaitu thlan leh ngawt ai chuan, kumin inthlan ah hian, lungsi taka Sawrkar laipui thawhpui theih tur  BJP Sawrkar hi Mizoram hian a mamawh a, kan mipui rethei te khaichhuak tur te, kawngpui tha nei tur leh thlai thar hralhna thu ah te, Prime Minister Package hmanga Power Project siam te, leh basic & Infrastructure Development Project hrang hrang te hi BJP sawrkar atang chuan awlsam takin tih theih ani ngei dawn tih a chiang a. Hun kal zel ah Mizoram hi mahni a inrelbawl thei khawp a, kan lo inhmakhawsuih a pawimawh a,  Infrastructure Development lama kan tlabal lutuk hi thapui chhuah a kan nawr a hun ta, Tualvungi ko tur khan,  kei ka thiam ti nazawng kha an tirh tlak loh ang khan, chakai leh tlaiberh tir mai lova, Vahui ngei tirh chhuah i tum tawh ang u.

Chutichuan, kan ram dinthar anih a, hmasawnna kairual,  dikna leh inremna thlifim len velna thliarkar anih theihna kawng awm chhun nia kan hriat Mizoram BJP chu lungsi takin keini Operation Mizoram te chuan tun inthlan ah hian kan support in kan campaign pui dawn tih kan puang a ni. Party thenkhat ten, thudiklo hmangin

nasa takin chirhtheh mek mahse, kumin inthlan hi Kohhran hruaitu thlanna tur ni lovin, Ram hruaitu thlanna tur ani tih hi OM ngaihdan ani. Kan politician hlemhle leh sihal meibul anga fing vervek ten mipui te an bum nawn loh nan theihtawp chhuah kan tum dawn a ni.