Vawiin khan Mizoram hmun dang rualin NGO Co-ordination huaihawtin Kolasib-ah pawh Kolasib District Deputy Commissioner tualah 'Hnam Chhan Hnatlang' neih a ni.
Kolasib DC in bru delete tura a ziahna-ah la ngaituah tur anga a ziah avangin mipui an lungawi lova. A thu ziahna pawh mipuiin an hal a ni.
Zan dar 7:30 a pel a, Kolasib boruak a la sosang hle. Police an thlen belh a, an buai mek nia thu dawn a ni.
Kolasib DC Office chu tukverh darthlalang vel a chhe hneh hle nia thu dawn a ni bawk.
7:43 - Kolasib ah current an tithim leh tawh.
Mipui leh Police an intibuai nia thu dawn a ni a. Buaina hi a sosang zel rih nia hriat a ni bawk e.
He buaina avang hian hliam tuar an awm nual tawh nia thu dawn a ni a, mi engzat chiah nge hliam tih erawh hriat a la ni lo.
Mizo sang chuang an pungkhawm a. Tuikuk E-roll a telh te reject tur leh delete tura nawrna chu Kolasib DC Arun T IAS in a pawm theih loh vangin an la buai mek.
8:20
Kolasib DC Office gate tichhiain mipui an lut nia thu dawn a ni.
Police lam atangi Lathi charge bakah, mipui hnawh tiau nan tear gas hman an tum nia thu dawn a ni bawk.
8:36:
Police lam chuan mipui thinrim hnawhdarh nan Tear gas an hmang tan tawh.
8:40
Kolasib DC tual chu lehkha leh thil dang an hal a, a kang mek niin thu kan dawng.
Mipui thinrim sosang hi a boruak a sang hle nia hriat a ni a, an tin mai dawn lo nia hriat a ni.
Hliam an awm nual tawh a. Engzat nge hliam a, tute nge hliam erawh zan thil a nih vangin hriat theih a ni lo.
Hetih lai hian DC Office bungrua a chhe nual tawh nia hriat a ni a. Mipui thinrim hian lehkha thenkhat an hal niin thu kan dawng bawk.
(Chanchin update zel a ni e. Lo ngaichang la)
(DC tuala buaina video clip)
Lo update char char teh u. Chanchin kan lo ngaichang e
ReplyDeleteKan lo update zel e...
DeleteLo update char2 teh u....
ReplyDeleteLo Update zel ruu
ReplyDeleteNizanlam news tharlam a hriat theih em
ReplyDeleteUpdate har taeh ve
ReplyDeleteComment lamah hian ti tawh mai ila.
ReplyDeleteJoint CEO atanga ennawn tura thupek chhuah a nih hnu khan mipui an tin darh ta niin thu kan dawng e.
Power supply off a nih vangin 'Live' thei an awm lova, pawi kan ti takzet.
Post a Comment
He post chungchanga i ngaihdan lo sawi ve rawh: