HNAM CHHAN HNATLANG: NAKTUKAH CHHUNZAWM A NI DAWN

Aizawl | November 6, 2018: ECI team, state sorkar hotute leh NGO Coordination Committee hruaitute inbiakna chu tun mai (Nov 6, 7 pm) khan a zo va, ECI team chuan ngun taka NGO lam thu thlen an ngaihthlak sak na in thutlukna an siam theih loh thu leh ECI hnenah thlen hmasak an ngaih thu an sawi a. CYMA president Vanlalruata chuan ruahman lawk angin naktuk (Nov 7) hian Hnam Hnatlang chhunzawm tur niin a sawi. 

NGO hian CEO chhuak tura an duh thu leh Relief Camp a awm mek Bru te chu Mizoram chhungah, anmahni vote neihna polling station-ah ngei vote thlak tir ni se an duh thu an thlen niin CYMA president chuan a sawi a ni. 

- The Frontier Despatch

HNAM CHHAN HNATLANG KOH LEH A NI

Vawiin tlaia Jt. NGO Co-ordination leh ECI palai te inkawmnain rah duhawm a chhuah loh avangin, naktuk 7.11.2018 (Nilaini) hian, "Hnam chhan hnatlang", Aizawl-ah neih chhunzawm tur a ni a, MZP Headquarters, Sub-Headquarters leh Branch te mahni awm hmunah theuh, a remchan dan ang anga NGO Co-ordination hnuaiah, 'Hnam chhan hnatlang' lo nei chhunzawm turin kan in hriattir a ni e. 

Aizawl a "Hnam chhan hnatlang" ah, MZP chhungkua (Secretaries/NESO/ECM/College S.U Leaders leh Hnampual zirlai pawl) te zing dar 8:30 ah a hmun ngaiah a tam thei ang ber kal turin kan in hriattir a ni.

               Sd/-
(LALNUNMAWIA PAUTU)
General Secretary

MZP General Headquarters, Aizawl

CYMA lam thuchhuah

CEO sawnchhuahna order a awm loh avangin, ni 7.11.2018 (Nilaini) a CEO Office kawta Hnam Hnatlang nei turin a hnuaia Branch YMA te hi ruat an ni a, tlawmngaih chhuah a a tam thei ang ber hnatlang a thawkchhuak turin kan in beisei a. Hnatlanga chhuak turte hi zing dar 8:30-ah kim tur a ni e.

1. Tuikual South
2. Venghlui
3. Tuikual North
4. Tuikhuahtlang
5. Khatla
6. Mission Veng
7. Saron Veng
8. Dawrpui
9. Zarkawt
10. Chhinga Veng
11. Electric Veng
12. Upper Republic
13. Dawrpui Vengthar
14. Dinthar
15. Chanmari

Peter Chhakchhuak,
Asst. Secretary,

Central YMA