" . . . ZPM Thalai hian hmeichhiat mipatna kawnga pu ber a him loh thu a thawhpuite ngeiin an sawi, sawimam puia hmanhlel lovin AMC Fund leh Scheme dang hre turin lehkha zir nawn leh rawh se . . ."

Aizawl | October 6, 2026: Congress Thalai chuan vawiin khan thuchhuah siamin, " . . . ZPM Thalai hian hmeichhiat mipatna kawnga pu ber a him loh thu a thawhpuite ngeiin an sawi, sawimam puia hmanhlel lovin AMC Fund leh Scheme dang hre turin lehkha zir nawn leh rawh se . . ." an ti.

"Ni 30.9.2026 (Nilaini)-a ZPM Thalaiin UD&PA in AMC kuta SASCI Rs. 5 Crore a pek chungchangah Ward XIX Corporator Dr Lalmalsawma Nghaka leh Ward IX Corporator B Lalawmpuii ten UD&PA Minister K Sapdanga hnena thil awm dan an thlen chungchanga an thuchhuah hi Congress Thalai chuan atthlak a tiin, hetiang thuchhuah siam tur chuan thil nihphung hrethiam tura lehkha zir nawn leh turin a ngen a ni.

Ni 29.9.2026 (Thawhlehni)-a Ward XIX Corporator Dr Lalmalsawma Nghaka leh Ward IX Corporator B Lalawmpuii ten UD&PA Minister K Sapdanga hnena thil awmdan an thlen hi Ward Fund ni lovin UD&PA in AMC kuta SASCI Rs 5 Crore a pek chungchang a ni zawk.

UD&PA Department in SASCI sum atangin Cheng Vaibelchhe nga (Rs. 5 crore) Aizawl Municipal Corporation ah a pe a. Hei hi Aizawl khawpui chhunga Tui-Luankawr siamna tur (Composite Work Drain) a ni. AMC hian Aizawl khawpui chhung Ward hrang hrang ah a sem darh a. Amaherawh chu Ward No. XIX leh Ward IX ah he sum hi dah (allocate) a ni ve loh avang leh K Sapdanga Department chan UD&PA hnuai atanga, sum awm thei ang ang rualkhai taka pe ve ngei turin an ngen mai a ni. Hemi hrethiam lo khawpa Politics tuinu bual-at leh an pute thil pawi tih sawimam ringawta hun khawhral lo turin Congress Thalai chuan ZPM Thalai a chah a ni.

SASCI sum hi ZPM pawisa a ni lo a, Mipui sum, rulh leh ngai Loan a ni a, hemi rulh lehna tur atan pawh hian Ward-XIX leh Ward IX mipui-te pawh Sorkar-a Tax chhung lut turte tho an ni. Hei vang hian rualkhai taka Ward zawng zawnga pek hi an tihtur a ni.

Congress sorkar lai khan AMC ah nasa takin sorkarin duhsakna lantirin, Aizawl khawpui pawhin hma nasa takin a sawn a. Tuna ZPM Minister thenkhat pawh a zarzo tute an ni. NEDP sum atangin nasa takin Corporator te an hnathawhna tur a inzat theuha pek thin niin, Ruling bial leh Opposition bial thliar hran a ni ngai lo. NLUP pawh nasa taka sawisel thintute ngei pawh duhsakna pek thin a ni. Hetianga mipui sorkar zuar si a, sawrkar hnua thliarkar rilru a pu leh si hi Mizoram tana sorkar tha anni lova, ZPM Thalaite pawh hian fund awmzia hre turin an pu ber hmeichhiat miptatna kawnga a fihlim lo nia a thawhpuite ngeiin an sawi, sawi mama hun khawhral lova lehkha zir nawn leh turin Congress Thalai chuan a hriattir a ni.

MIZORAM PRADESH YOUTH CONGRESS COMMITTEE HQRS., AIZAWL: MIZORAM

No.MPYCC/Mz-B/2025-2026/112

Dated: Aizawl the 6th October, 2026.

PRESS RELEASE

" .....ZPM Thalai hian hmeichhiat mipatna kawnga pu ber a him loh thu a thawhpuite ngeiin an sawi, sawimam puia hmanhlel lova AMC Fund leh Scheme dang hre turin lehkha zir nawn leh rawh se .."

- Congress Thalai

Ni 30.9.2026 (Nilaini)-a ZPM Thalaiin UD&PA in AMC kuta SASCI Rs. 5 Crore a pek chungchangah Dr. Lalmalsawma Nghaka, XIX Corporator leh Pi B. Lalawmpuii, Ward IX Corporator ten UD&PA Minister Pu K. Sapdanga hnena thil awmdan an thlen chungchanga an thuchhuah hi Congress Thalai chuan atthlak a tiin, hetiang thuchhuah siam tur chuan thil nihphung hrethiam tura lehkha zir nawn leh turin a ngen a ni.

Ni 29.9.2026 (Thawhlehni)-a Dr. Lalmalsawma Nghaka, XIX Corporator leh Pi B. Lalawmpuii, Ward IX Corporator ten UD&PA Minister Pu K. Sapdanga hnena thil awmdan an thlen hi Ward Fund ni lovin UD&PA in AMC kuta SASCI Rs. 5 Crore a pek chungchang a ni zawk.

UD&PA Department in SASCI sum atangin Cheng Vaibelchhe nga (Rs. 5 crore) Aizawl Municipal Corporation ah a pe a. Hei hi Aizawl khawpui chhunga Tui-Luankawr siamna tur (Composite Work Drain) a ni. AMC hian Aizawl khawpui chhung Ward hrang hrang ah a sem darh a. Amaherawh chu Ward No. XIX leh Ward IX ah he sum hi dah (allocate) a ni ve loh avang leh Pu K. Sapdanga Department chan UD&PA hnuai atanga, sum awm thei ang ang rualkhai taka pe ve ngei turin an ngen mai a ni. Hemi hrethiam lo khawpa Politics tuinu bual-at leh an pute thil pawi tih sawimam ringawta hun khawhral lo turin Congress Thalai chuan ZPM Thalai a chah a ni.

Sd/-

(RICKY LALRAMNGHAKA)

Secretary,

i/c Media, Info & Publicity, Mizoram Pradesh Youth Congress Committee,

Aizawl : Mizoram.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]