"thu dik lo leh belhchian dawl lo hmanga sorkar hmasa beih hi sim a hun," ~ Lalawmpuia Khiangte

Aizawl | Oct 21, 2026: "Mizo mipuiin zalènna kan neih theihna tura nunna thapa Zofate inpumkhatna tur leh Hnam anga kan dinchhuahna tura beitu Pathianin MNF Party min pe hi a lawmawm tak zet a, Mizo ka ni inti tan chuan MNF Party hi kan awmna tur a ni,' tiin Pu Lalawmpuia Khiangte, President, MNF Aizawl West-II Block chuan nizan, ni 20.10.2026 zan khan Tuikual South MNF Joint Unit tlawhna hunah a sawi.

Pu Lalawmpuia Khiangte chuan, "Tunhnaiah kan bialchhunga AMC atanga tuizem siam chungchanga Pi Lalrinpuii, Health Minister thusawi video ka lo hmu ve a, thudik zik tluak hre si lova thu diklo leh belhchian dawllo hmanga Sawrkar hmasa a rawn bei chiam mai kha a pawi ka ti a. Kan Sawrkar zahawm taka mawhphurhna lian tak tak chelhte hian hetiang hi an sim a hun a ni," tiin "An intiam anga Kalphungthar hmel hmuh tur a awm tak loh avangin an party unit leh block te bakah worker-ten an beidawng tan a, a mawm inchuhna a lian zel a, kum 2028 MLA inthlan lo awm turah MNF Party kovah Sawrkarna a innghat leh ang tih ringtu an party miteah an pung zel a ni," a ti bawk.

"MNF Party chu Mizo mipui tana ding kan nih angin chu mawhphurhna chu hlenchhuak turin nghet taka dingin ke kan pen zel a. Ram leh hnam politics dik tak kalpui turin kan tha kan tichak thar mek a ni," tiin "Bialtu MLA nei lo ang mai kan ni a, kan bial tana hmasawnna hna thawk thei MLA nei leh ngei turin Bial mipuite. MNF Party hi min beisei mek a. Keimahni lama insiamthat ngaite siam tha in, Aizawl West-II bialchhunga mite chu MNF party-a rinna nghat ngam turin ka ngen a ni," Pu Lalawmpuia Khiangte chuan a ti bawk a ni.

Heng bakah hian Party inkaihhruaina kawnga inrelbawl dan tur leh party mipuite tan lak thar dan tur hrang hrang te a sawi bawk a ni.

Unit tlawh chhuah hun hi Pu R. Zohmingthanga, Block Vice President-in kaihruaiin, Pu H Lalhmingmawia'n hunserh a hmang a, Pu J.Lalnunthar, Block Secretary i/c E Roll hnen atangin report ngaihthlak a ni a, Nl.Rachelle V.Nunhluzuali'n kalkhawmte zaiin a awi bawk a ni.

*THU DIKLO LEH BELHCHIAN DAWL LO HMANGA SAWRKAR HMASA BEIH HI SIM A HUN*

- Lalawmpuia Khiangte

- President, MNF Aizawl West-II Block

"Mizo mipuiin zalènna kan neih theihna tura nunna thapa Zofate inpumkhatna tur leh Hnam anga kan dinchhuahna tura beitu Pathianin MNF Party min pe hi a lawmawm tak zet a, Mizo ka ni inti tan chuan MNF Party hi kan awmna tur a ni,' tiin Pu Lalawmpuia Khiangte, President, MNF Aizawl West-II Block chuan nizan, ni 20.10.2026 zan khan Tuikual South MNF Joint Unit tlawhna hunah a sawi.

Heng bakah hian Party inkaihhruaina kawnga inrelbawl dan tur leh party mipuite tan lak thar dan tur hrang hrang te a sawi bawk a ni.

Issued by:

IT & PUBLICITY COMMITTEE

MNF Aizawl West-II Block

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]