"PWD minister chuan fur zawhah kawng kan siam dawn tih kum 3 a sawi tawh. Education Minister chuan MSZU hmun tihfel hmain a chhungkhatte hnaah a lo thun fai vek,"

Aizawl | Oct 22, 2026: Mizoram Ex-Minister, Adivasi Congress National Executive Member leh MPCC Vice President Zodintluanga chuan vawiin khan thu sawiin, "Mizorama MLA inthlanpui neiha kum tawpa '8' a awm apiangin Serchhip bialtu MLA, CM nibawk an tla ziah, kun 2028 ah tunge tla dawn" a ti.

Zodintluanga chuan, "ZPM sorkar lai ang em em a kawngchhia a la awm lo. PWD minister chuan fur zawhah kawng kan siam dawn tih kum 3 a sawi tawh. ZPM sorkar Education Minister chuan MSZU hmun tihfel hmain a chhungkhatte hnaah a lo thun fai vek. Hetiang sorkar thlak tur hian Congress kan lo kir leh dawn a ni," a ti.

'ZPM sorkar chu ZNP sorkar tiin thlak a ni mek. ZPM sorkar nana thawh hlawk em em te ZNP sorkarah an beidawng mek.'

'Central a Congress sorkarlaiin Kristian tihduhdah a thleng ve fo. Mahse tute nge a titu te? BJP note RSS te an ni. Vawiina ZNP sorkarin mawngzawm an tum mek te hi an ni," a ti bawk.