LPR - 6 ni ruk chhungin LPR - 5 a lehkhabu hralhna sum lut cheng 1,30,674 in khûm ta!

Aizawl | Oct 23, 2026: Mizo ziak mite tana a hlawma an lehkhabu ziak phosakna hun pawimawh ber LEHKHABU PHO RÛNPUI (LPR-6) chu tluang takin Vanapa Hall Hulhliapah kalpui zel a ni a. Nimin Oct 22 khan khaw chhe karah lehkhabu 665 zet hralh leh niin, a hralhna man hi Rs 1,55,133 hmuh leh a ni a. LPR - 6 ni ruk chhungin LPR - 5 a lehkhabu hralhna sum lut cheng 1,30,674 in khûm ta!

Lehkhabu Pho Rûnpui (LPR-6) a hralh tlem ni ber a ni a, hei hi khua a chhiat avangin tlawhtu an neih tlem phah niin Organising Committee hotute chuan an sawi a ni. Heti hian, kum kalta LPR-5 a lehkhabh hralhna zawng zawng belhkhawm Rs 10,11,733 chu, kumina LPR -6 a a ni rukna thlenga lehkhabu hralhna sum hmuh zawng zawngin a khûm ta a. Vawiin thlenga lehkhabu hralhna hi Rs 11,42,407 a ni a, heti hian LPR-5 a sum hmuh zawng zawng aiin Rs 1,30,674 in a tam tawh zawk thung a ni.

Lehkhabu Pho Rûnpui hi October ni 23, 2026 (Zirtawpni) hian, ni dang aia rei hawn tum a ni a, zan dar 9 thleng hawn tum a ni. Hei hi sorkar hnathawk leh chhun lama kal hman lote pual a nih thu Organising Committee Secretary Dr K Remruatfela chuan a sawi a ni. Zirtawpni leh Inrinniah Lehkhabu Pho Rûnpui hi kalpui leh tum a ni a, Mizo ziak mite kut chhuak ṭha tak tak lei turin a duh apiang MWA chuan an sawm nawn leh a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]