PRO FIGHT | Haier Best Boxer atan Lalkhawngaiha thlang

byAdmin — 0
Mizoram Labour Link LPS Pro Fight 2026
Zan 28-na: October 16, 2026 (Zirtawpni) - 8:00 PM : Bout 5  @ LPS Arena, Falkland



RESULT : TITLE FIGHT
FLYWEIGHT
Vanlalenkawltira (Champhai Dinthar) def Lalrinngheta (Tuipui)
= Unanimous Decision (39-37, 39-37, 39-37)

* Title Fight-a a inlan zawn vawi thumnaah Enkawla a hlawhtling a, Pro Fight vawi 12 neih tawhah lightfly/fly-a champion thei mi hrang pasarihna a ni nghal. Kum 23 mi Enkawla hian 2023 khan NT Lalbiakkima a hneh lo a, 2024-ah Lalrinngheta lakah tlawm lehin kum hnih hnuah a chhang let a, phu takin Tuipui boxer Rinngheta lakah chakin a vawi khat nan a champion. Kum 24 mi Rinngheta'n vawi thum champion a tumna a tihlawhtling zo lo a, weight hrang pahnihah champion tawhin fly title a lak hmain 2022 khan bantam-ah a champion tawh a ni.


WELTERWEIGHT
Lalnunzira (Haulawng) def HC Lalramfela (Venghlui)
= Split Decision (38-39, 40-36, 39-37)

* Pro Fight-a a tel vawi khatnaah Zira'n Haulawngah champion kawnghren a hawn dawn a, a tir round hnihnaah lehlamin nawr na viau mah se mar leh tlo takin a khel tluan a, a ding lamin a dawm hnem hle a ni. Kum 31 mi Ramfela'n a hun hnuhnungah hnuhma ropui hnutchhiah tumin a bei ngawrh hle na a, weight hrang pathuma champion hmasa ber nih a tumna a hlawhtling ta lo. 2014 atangin awl nei miah lovin Pro Fight-ah 2015 bantam leh 2023 light champion Ramfela a tel a, vawi kua a inlan hnuah harsa ti tak chungin Pro Fight thlahna thu a sawi a, Haier Best Challenger lawmman a dawng.

MIDDLEWEIGHT
Samuel Zadeng (Bawngkawn West) def F Lalthanliana Junior (Electric Veng, Lunglei)
= Unanimous Decision (39-37, 40-36, 39-37)

* Bawngkawn West rawlthar Samuela'n hnek thui bik a nihna a champion-pui a, Pro Fight-a a tel vawi khatnaah champion thei zingah a inziak lut a, middleweight-a champion thei parukna a ni. 2017 hnuah middle title humhim thei an awm lo tluang zel a, title fight-a a inlan zawn vawi thumnaah Thanliana a chak zo lo a, round li an inbeih chhungin amah aia inchi lia sang lakah chet a harsat a ti hle a ni.

BANTAMWEIGHT
L Joseph Buihringpachha (College Vaih, Siaha) def Lalrambuatsaiha (Ramthar North)
= Unanimous Decision (39-36, 38-37, 39-36)

* Pro Fight-a an tel vawi khatna ve veah rawlthar pahnihin title an inchuh a, amah aia kum hniha upa lakah kum 17 mi Joseph-a'n puitlin takin a khel a, thiamna leh theihna kawng hrang hrangah chungnung zawk a nihna pho langin Haier Promising Boxer chawimawina a dawng. Nikum December khan Mega Fight final-ah Buata'n Siaha rawlthar a hneh lo tawh a, chhan let tumin a pantuah tang char char mah se round hnihna thlengin hnek fuh a harsat a, round hnuhnung pahnihah a khelh dan tidanglamin el tham zawkin inlan mah se a dinhmun a siam zo lo.  

LIGHTWEIGHT
Lalkhawngaiha (Venghlui) def Lalruatmawia (Chhiahtlang)
= Unanimous Decision (39-38, 39-38, 39-37)

* Khawngaiha'n a hun tawn tawha ropui ber a hmang. Mipui thawm bengcheng leh ring tak karah fim takin a khel tluan a, tharum leh thahrui a nei that avanga lehlam nawr hneh thin Ruatmawia thatna dan behsakin fuh leh chiang takin a lo hnek a, inhnek tawnah a kut a dik bawk. Title Fight-a inlan champion lai pathum zingah kawnghren kawl zui thei awm chhun a ni a, 2024 semifinal aia chiangin boruak nei lian Ruatmawia lakah a chak a, lightweight huanga vawi khat aia tam champion thei Lalmuanpuia, Anthony Lalduhawma leh Lalrinawma te sulhnu a chhui. A zawna a champion bakah mi mal chawimawina hlu ber Haier Best Boxer-a thlan a ni a, Orient Goldsmith Fighter of the Night lawmman a dawng tel bawk.


Orient Goldsmith Fighter of the Night
- Lalkhawngaiha (Venghlui)

MI MAL CHAWIMAWINA :

Haier Best Boxer : Trophy + Haier Washing Machine kg 7
- Lalkhawngaiha (Venghlui)

Haier Best Challenger : Trophy + Rs 10,000
- HC Lalramfela (Venghlui)

Haier Promising Boxer : Trophy + Rs 10,000
- L Joseph Buihringpachha (College Vaih, Siaha)

Haier Best Referee : Trophy + Rs 7,500
- Goerge Lalsangzela (Bawngkawn South)

Haier Best Judge : Trophy + Rs 7,500
- Chawnghmingmuana (Venghlun, Lunglei)


LPS PRO FIGHT CHAMPION TAWHTE :

LIGHTFLY/FLY
2009 - Laldinsanga (Khatla)
2010 - ZD Lalchhuanawma (Lunglei)
2011 - Laldinmawia (Tuipui)
2014 - NT Lalbiakkima (New Siaha)
2015 - NT Lalbiakkima (New Siaha)
2016 - NT Lalbiakkima (New Siaha)
2017 - NT Lalbiakkima (New Siaha)
2019 - NT Lalbiakkima (New Siaha)
2022 - Laldinsanga (Ramthar Lunglei)
2023 - NT Lalbiakkima (New Siaha)
2024 - Lalrinngheta (Tuipui)
2026 - Vanlalenkawltira (Champhai Dinthar)

BANTAM
2009 - Vanlalhruaia (Khawkawn)
2010 - Lalnunhlua (Chaltlang Lily Veng)
2011 - Michael Zodinpuia (Ramhlun Venglai)
2014 - Lalnunhlua (Chaltlang Lily Veng)
2015 - HC Lalramfela (Chawngtlai)
2016 - Zonuntluanga (Dinthar)
2017 - Zonuntluanga (Dinthar)
2019 - Laldingliana (Tuipui)
2022 - Lalrinngheta (Tuipui)
2023 - Laldinsanga (Ramthar Lunglei)
2024 - Laldinsanga (Ramthar Lunglei)
2026 - L Joseph Buihringpachha (College Vaih, Siaha)

LIGHT
2009 - Lalmuanpuia (Ramthar)
2010 - Anthony Lalduhawma (Govt Complex)
2011 - Anthony Lalduhawma (Govt Complex)
2014 - Lalmuanpuia (Ramthar)
2015 - Lalmuanpuia (Ramthar)
2016 - Anthony Lalduhawma (Govt Complex)
2017 - Lalrinawma (Govt Complex)
2019 - Lalrinawma (Govt Complex)
2022 - Vanlalawmpuia (Khuangthing)
2023 - HC Lalramfela (Chawngtlai)
2024 - Lalkhawngaiha (Venghlui)
2026 - Lalkhawngaiha (Venghlui) 

MIDDLE
2010 - Zarzoliana (Sawleng)
2011 - Zarzoliana (Sawleng)
2014 - HC Johnkenty Vanhlimpuia (Tuipui)
2015 - HC Johnkenty Vanhlimpuia (Tuipui)
2016 - Zarzoliana (Sawleng)
2017 - Zarzoliana (Sawleng)
2019 - C Lalduhawma (Ramhlun South)
2023 - C Lalhruaitluanga (Chawngtlai)
2024 - F Lalthanliana Junior (Electric Veng Lunglei)
2026 - Samuel Zadeng (Bawngkawn West)

LIGHTHEAVY
2009 - Abel Lalawmawia (Serchhip)
2010 - Abel Lalawmawia (Serchhip)
2011 - Abel Lalawmawia (Serchhip)
2014 - Abel Lalawmawia (Serchhip)
2015 - PC Lalmuankima (Saron Veng)
2016 - HC Johnkenty Vanhlimpuia (Tuipui)
2017 - HC Johnkenty Vanhlimpuia (Tuipui)
2019 - HC Johnkenty Vanhlimpuia (Tuipui)

FEATHER
2022 - Lalrosangzuala (Chaltlang)

WELTER
2022 - C Lalhruaitluanga (Chawngtlai)
2023 - Lalruatzela Hauzel (Mission Veng)
2024 - Lallawmawma (Tuipui)
2026 - Lalnunzira (Haulawng)
























































| EXPLORE MIZORAM |
• Mizoram's Most Trusted Website | Mizoram's Online Encyclopedia •


[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]


(Feedback at: admin@exploremizoram.com )
Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post