Ni hnih awh tur Grassroots Sports Development Programme (GSDP) Trainers Training

Aizawl | Oct 22, 2026: Mizoram State Sports Council (MSSC) leh Samagra Shiksha Mizoram buatsaihin vawiin khan Ramhlun Indoor Stadium-ah ni hnih awh tur 'Grassroots Sports Development Programme (GSDP) Trainers Training' tan a ni. Zing dar 10 khan training hawnna inkhawm tawi hi GSDP Co-ordinator Hmingthansanga kaihruaiin a hawng a, MSSC Sports Promotion Officer H Laldinsanga'n a telpui bawk.

Vawiin training hi resource person hrang hrangte'n training an pe a. Sports association pakua atangin coach 100 chuang an tel a, Mizoram district 11 atangin sports discipline hrang hrang coach te an tel a ni.

Mizoram pumah GSDP center 46 a awm a, naupang kum 6 - 14 inkar 1300 chuangin thla ruk chhung training an nei leh dawn a. Heng coach te hian training an pe dawn a ni.

GSDP trainers training-a sports discipline hrang hrang; Archery, Badminton, Boxing, Judo, Hockey, Taekwando, Wrestling, Weightlifting leh Football te an tel a ni.

He hunah hian MSSC Sports Promotion Officer H Laldinsanga, MPed C Lalruatsanga, Strength and Conditioning Coach C Lalbiakhlua, MSSC Physiotherapist Lalthasiami leh Sports Psychologist Vanlalduhsaka te'n vawiin khan training an pe a. Sawihona hun hlawkthlak tak an hmang a, trainer kalkhawm te'n hlawkthlak an ti hle.

Naktuk hian, sports discipline hrang hrangte hmunpuiah thiamna bik nei resource persion tha tak tak te'n training an pe leh dawn a ni.