MZP-in college bus harsatna chungchang Education Minister hnenah thlen; "Bus Driver nei sa te tan ngaihtuah hmasak a ni ang," ~ Education Minister

Aizawl | Oct 17, 2026: MZP-in college bus harsatna chungchang Education Minister hnenah thlen; "college hrang hrangin Bus an neih theih nan hmalak mek a ni a, Bus Driver nei sa te tan ngaihtuah hmasak a ni ang," ~ Education Minister

Mizo Zirlai Pawl hruaitute chuan October ni 16, 2026 (Zirtawpni) tlai lam dar 4:00 khan School Education Minister Dr.Vanlalthlana chu a Pisa-ah hmuin, MZP rorelna sang ber Assembly a rorel bawhzuina leh College hrang hrang buaina thlen a ni.

He inkawmhona hunah hian MZP hruaitute chuan, MZP Assembly rorel bawhzui nan heng a hnuaia point hrang hrangte hi Minister hnenah an thlen a ni:-

1. Mizoram chhunga College hrang hrang ten an mamawh Bus an neih theih nan a hmala turte

2. CUET, NEET leh All India Exam ah Mizo zirlaiten Exam Centre chungchângah harsatna an tawh thin avângin Mizoram-ah Computer Based Test(CBT) Exam Centre dah belh a nih theih nan te.

3. Zofate kan inpumkhat lehzual theih nan, Sikul zirlaibu-ah mizo hnam hrang hrangte chanchin telh a nih theih nan hmalak pui tur leh

4. Zirlaibu-ah Mizo tawng diktak hman a nih theih nan a hmala tura ngen a ni.

School Education Minister chuan, Mizoram chhunga college hrang hrang Bus an neih theih nan a hmalak mek a nih thu leh Bus Driver nei sa te tan ngaihtuah hmasak a nih tur thu a sawi a, Computer Based Test(CBT) Exam centre pawh neih belh a nih theih nan Computer pawh ngaihtuah belh mek a nih tawh thu leh 600 chuang lei belh leh turin ruahmanna a awm mek thu a sawi.

Minister chuan, Mizo hnam chi peng hrang hrang chanchin chu zirlaibu-ah telh an tum thu a sawi a, zirlaibu a Mizo tawng dik tawk lo pawh siamthat a nih tawh thu MZP hruaitute a hrilh a ni.

Heng bakah hian MZP hruaitute chuan, October ni 27, 2026 "Zirlaite Ni" leh MZP din champhaphak ni bawk chu Mizoram chhung School hrang hrangah thupui nei chunga hun hman ngei a nih theih nan Minister hi an ngen a, College SU Leaders in a tun hnaia buaina an tawh hrang hrang pawh sawipui a ni.

MZP PRESS RELEASE

MZP HRUAITUTE'N SCHOOL EDUCATION MINISTER AN HMU

October ni 16, 2026(Zirtawpni) tlai lam dar 4:00 khan Mizo Zirlai Pawl hruaitute chuan School Education Minister Dr. Vanlalthlana chu a Pisa-ah hmuin, MZP rorelna sang ber Assembly a rorel bawhzuina leh College hrang hrang buaina thlen a ni.

He inkawmhona hunah hian MZP hruaitute chuan, MZP Assembly rorel bawhzui nan heng a hnuaia point hrang hrangte hi Minister hnenah an thlen a ni:-

1. Mizoram chhunga College hrang hrang ten an mamawh Bus an neih theih nan a hmala turte

2. CUET, NEET leh All India Exam ah Mizo zirlaiten Exam Centre chungchângah harsatna an tawh thin avângin Mizoram-ah Computer Based Test(CBT) Exam Centre dah belh a nih theih nan te.

3. Zofate kan inpumkhat lehzual theih nan, Sikul zirlaibu-ah mizo hnam hrang hrangte chanchin telh a nih theih nan hmalak pui tur leh

4. Zirlaibu-ah Mizo tawng diktak hman a nih theih nan a hmala tura ngen a ni.

Minister chuan, Mizo hnam chi peng hrang hrang chanchin chu zirlaibu-ah telh an tum thu a sawi a, zirlaibu a Mizo tawng dik tawk lo pawh siamthat a nih tawh thu MZP hruaitute a hrilh a ni.

Sd/-

(C. LALHMINGSANGA)

General Secretary

Ph: +91 7005941431

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]