‘MUHCS ah rorelna dik awm rawh se’

Aizawl | Oct 19, 2026: Mizoram Pradesh Congress Committtee (MPCC) Spokesperson Dr Lallianchhunga chuan vawiin kan thu thar thehdarhtute kawmin, "MUHCS ah rorelna dik awm rawh se" a ti a. "MUHCS sum hi Health Minister pawisa a ni lo va, mipui pawisa a ni a, vaibelchhe engemaw zat chu sorkar hnathawk leh pensioner te an hlawh atanga pek luih tir an ni a, MUHCS a inziak lut te’n inziah luh man (Registration Fee) sang tak an chawi bawk a ni. MUHCS sum hman dan zawng zawng pawh hi langtlang taka kalpui tur niin kan ngai," a ti.

Dr Maliana chuan, ZPM sorkarin kum 2 dawn MUHCS a kalpui chhung hian a chhawrtu damlote hmaizah vangin a pawng atakin Congress Party chuan kan sawisel duh ngai lo va. Healthcare hi mipui pawisa thawhkhawma kalpui a nih avangin a hmang tur zawng zawng chuan hmang thei vek se tih hi Congress Party duhdan a ni. ZPM sorkarin MUHCS a inziahluhna man pawh hi mi harsa te ban phak tawkin tihniam ngei rawh se, tih hi Congress party in kan la phut reng a ni.

Tun hnaia MUHCS chungchanga sorkar leh Synod Hospital inremna bik chungchang lo lar leh hluai pawh hi Congress Party chuan uluk takin kan zir chiang a. MUHCS hnuaia damlo an enkawlna Rate tur atana inremna an siam danah Synod Hospital meuh pawhin demna a tawk lek lek mai hi fel lo kan ti hle a, hei hi a chhan chu MUHCS chungchanga rorelna dik a awm loh vang niah Congress Party chuan a ngai a ni. Synod Hospital chu Kohhran enkawl a nih avangin langtlang takin thil tih a duh ang tih kan ring a, mahse ZPM sorkarin Confidentiality Clause a siam avangin langtlang takin thil an ti thei lo ni mai zawkah kan ngai a ni. Tin, Synod Hospital, Durtlang tana MUHCS hnuaia rate an bithliah hi sawisel chi ah kan ngai lova. Mizoram chhunga Hospital tha tana pawm theih rate pangngai State Sorkarin a bithliah sak hi damlo leh an chhungte tan mai bakah kan ram economy hmasawn nana tha a nih avangin kan lawmpui hle a ni.

MUHCS sum hi Health Minister pawisa a ni lo va, mipui pawisa a ni a, vaibelchhe engemaw zat chu sorkar hnathawk leh pensioner te an hlawh atanga pek luih tir an ni a, MUHCS a inziak lut te’n inziah luh man (Registration Fee) sang tak an chawi bawk a ni. MUHCS sum hman dan zawng zawng pawh hi langtlang taka kalpui tur niin kan ngai.

Mizoram pawn Pvt Hospital te awlsam tak leh Rate tha taka MUHCS hnuaiah inremna (agreement) ZPM sorkarin a ziahpui theih laiin, kan ram ngeia Pvt Hospital tha tak tak te nena inremna kawng zawng lo a, Pharoa thinlung khauh tak ang Health Minister in a la pu tlat hi hriatthiam harsa kan ti a. MUHCS a inziak lut si, Mizoram chhung MUHCS Empanelled Hospital a khum chang lo tam tak Pvt Hospital a enkawl ngai damlo engemaw zat an awm reng. Heng damlo te tan hian rorelna dik kan phut tlat bawk a ni.

Mizoram chhunga MUHCS la zawm ve lo te hi Pvt Hospital 9 chauh an ni tawh a. Mipuite mamawh dan enin an Grade mila MUHCS zawm ve an hreh loh thu sorkarah an thlen tawh chungin, ZPM sorkarin chhuanlam siama tihkhawtlai ngar ngar tum a ang hle. Pvt Hospital thenkhat te’n an zawm theihloh tura MUHCS kalpui luih tlat hi Healthcare System tha a ni thei lo niin kan ngai. Minister in ‘pawl kan dawr tawh dawn lo, damdawiin mal zelin kan dawr tawh dawn’ a tih hi Mizoram pawna damdawiin te a mal te te a dawr a, Rate sang tak tak an pawmpui dungzuia kal pui a tum hi eirukna kawngkhar inhawn theihna niin kan hria a. Pawl ang chuan engkim member ten langtlang taka an inhriatpui tawn theih laiin, damdawiin mal ang chuan inremna mantang / puan-hnuai thil inpek ruk theihna remchang tak a awm thei dawn niin kan hria a. Pharoa thinlung ang maia a thinlung tikhauh lo turin Health Minister kan beisei a ni.

Kum 2008-2018 chhunga Congress sorkar kha hriselna kawngah a thawk tha hle. Niti Aayog in State leh UT te’n Health Care lama an thawh that dan a zir chianna, ‘Health States, Progressive India: Report on the Ranks of States and Union Territories’ – ah pawh Mizoram hi State Tê (Small State) zingah kum 2019-2020 thleng khan a titha ber a ni ziah thei a ni. MUHCS hi a chhia kan ti lo va, mahse hmang pha lo leh hmang thei lo chhungkaw tam tak an awm tih hi sorkarin pawm se la; heng mite’n an hman ve theih ngeina turin huapzo taka thutlukna siam turin sorkar kan phut tlat a. Hei hian Mizoram pawna damlo refer tur a titlem anga, MUHCS sum tam tak phai lama kal tur a tihtlem phah bawk ang.

PRESS STATEMENT

‘MUHCS ah rorelna dik awm rawh se’

- Dr. Lallianchhunga

Spokesperson, MPCC

ZPM sorkarin kum 2 dawn MUHCS a kalpui chhung hian a chhawrtu damlote hmaizah vangin a pawng atakin Congress Party chuan kan sawisel duh ngai lo va. Healthcare hi mipui pawisa thawhkhawma kalpui a nih avangin a hmang tur zawng zawng chuan hmang thei vek se tih hi Congress Party duhdan a ni. ZPM sorkarin MUHCS a inziahluhna man pawh hi mi harsa te ban phak tawkin tihniam ngei rawh se, tih hi Congress party in kan la phut reng a ni.