Kawlkulh-ah sa emaw intiin inkap hlum!

Aizawl | Oct 19, 2026: Kawlkulh khaw mi, Zodina, (kum 54) chuan an khaw pa vek, tlangval Luahzauva(50), Kawlkulh Dinthar chu an ramkalnaah sa emaw tiin a kap a, Luahzova hi ka pawh chhawn lovin a boral niin thu dawn a ni.

Inkah palhna hmun hi Kawlkulh leh Puilo inkar, Kawlkulh atanga km 8 vela hla a ni a. Pu Zodina leh Luahzauva te in chhungkhat hnai an la ni a, Luahzauva nu leh Zodina nupui pate unau an la ni. Luahzauva hi a u nena khawsa an ni.

Ruang hi posmortem tur ani a, Kawlkulh Community Hall-ah dah rih niin thil tul ang buaipui turin Khawzawl Police te nghah mek a ni.

ZORIN-in a tarlan danin, Tukin zing khan Pu Zodina hian zing ram kalin Kawlkulh ram chhung vek, Ralte pa tui ramah a ram kal a. He tih mek lai hian Tv.Luahzauva hi Ralte Pa Tui ramah hian tukthuan ei khamin a Sa thangkamin a ram chhuak ve bawk a. Zing dar 10:30 vel khan Luahzaua chetla chu sa emaw tiin Pu Zodina hian a kap palh a. Ka pawh chhawn lovin Luahzauva hia boral nghal. Chawhnu lam dar 2:00 ah ruang hian in a thleng a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]