Mizo Inchai Title Fight 2026

MBOCWWB Rahbi Chhertu Mizo Inchai Title Fight 2026

Zan 1-na : October 28, 2026 (Nilaini) - 8:00 PM @ LPS Arena, Falkland

RESULT

MIZO INCHAI TITLE FIGHT : PATE

Johny Lallawmkima (Saitual) def B Lalawmpuia (Saitual) def

= 12-0

* Lalchhanhima kalsan Pate title inchuhin Saitual inchak chak ve ve an innuai a, thawh sawm an inbeih chhungin kg 9-a rit zawk Lawmkima'n tharum leh thahrui a nei zawk tih a lantir a, title a chuh vawi khatnaah a champion nghal.

A tir atangin a nawrtu zawkah kum 27 mi Lawmkima a tang a, thawh lina thlengin amah aia kum hniha naupang lakah Awmpuia a inveng thei na a, thawh nganaah a bawkkhup zawngin Lawmkima'n vawi 10 chhiar thleng a bawhbet. A hnuah inbawhbet awm zui mah se Lawmkima'n thawh rukna leh thawh sawmnaah vawi khat ve ve nawr chhuakin point hnih a hmuh belh a ni.

2022 champion Awmpuia'n kum hnih kal ta khan Chhanhima lakah title a hloh a, lak kir leh tum mah se thawh sawm an inchai chhungin Lawmkima lakah point khat mah a hmu lo va, a tuan rang zawk mah se tharum leh thahruiah a el zo lo.

Champion thar Lawmkima'n kawnghren bakah Rs 50,000 a dawng a, Awmpuia'n Rs 30,000 a la a ni.

MIZO INCHAI TITLE FIGHT : NULAIHAWL

Elizabeth Rohlupuii (Bawngkawn West/Melriat, title holder) def Ruthi Lalhruaitluangi (Kolasib Saidan)

= 51-0

* Kum 23 mi Rohlui'n a vawi hnih nan Nulaihawl title a humhim a, thawh nga an inchai chhungin Kolasib tleirawl Hruaii'n a el phak lo a, hneh takin a thunun tluan. Thawh tinah vawi 10 chhiar thlengin Rohlui'n a bawhbet vek a, thawh hnihnaah a zangthal zawnga a bawhbeh hmain a nawr chhuak tel a, point 11 hmuin thawh dang zawngah point 10 vek a hui a ni.

Title Fight-a a inlan vawi khatnaah kum 17 mi Hruaii ruh a la no deuh a, thawh thumna an zawh hnuah awmze neiin a bei let tawh lo. Nawi takin thawh hnuhnung pahnihah a inlan a, tlawm sa leh awlsam taka bawhbeh mai theihin a che a, mualphothlak takin hun tawp a hmang.

2022 atanga champion Rohlui'n Rs 50,000 dawngin kg 67-a rit a ni a, kg 70 chung lam inelna Nulian title chuh a tum tih a sawi lawk a, a tihlawhtling dawn em tih erawh a hriat loh. Title a chuh phak avangin Hruaii'n Rs 30,000 a dawng a ni.

FREESTYLE WRESTLING (EXHIBITION)

Kg -45 : Johny Lalruatsanga (Mamit) def Lalduhawma (Kolasib)

= Technical Superiority (Chungnung takin a chak)

Kg -55 : Rohit Halder (Aizawl) def Lalmuansanga (Kawnpui)

= By Fall (Chungnung takin a chak)

Kg -45 : Emily Lalliansangi (East Lungdar) def Nancy Lalremruati (Mamit)

= By Fall (Chungnung takin a chak)

Kg -65 : Samuel VL Hmangaihzuala (Thenzawl) def Franky Ramthanpuia (Mamit)

= By Fall (Chungnung takin a chak)

* Freestyle Wrestling Exhibition-a inlante hian Rs 2,500 theuh an dawng.

* Lunglei North MLA & Vice Chairman HPC Pu V Malsawmtluanga'n inchai tan a nih hmain thu a sawi a, Mizoram sorkarin Olympics 2036 thlir chungin infiamna lamah hma a la a, infiamna thlan bik zingah wrestling telin Mizo Inchai Title Fight-in phurna leh beiseina a siamsak ngei a ring a, nasa taka hmasawnna a thlen theih nan Title Fight leh Freestyle Wrestling Exhibition a khuh hawng a ni.

============

MBOCWWB Rahbi Chhertu Mizo Inchai Title Fight 2026

Zan 2-na : October 29, 2026 (Ningani) - 8:00 PM @ LPS Arena, Falkland

FIXTURE

FREESTYLE WRESTLING (EXHIBITION)

Kg -50 : Lalduhsaka (Kolasib) v Vanlalchhuanga (Aizawl)

Kg -40 : Mary Lalduhawmi (Mamit) v Vanlalhriatpuii (Maite)

MIZO INCHAI TITLE FIGHT (NUTE)

Lalvenhimi (Bethlehem, title holder) v C Lalrinfeli (Electric Veng, Lunglei)

FREESTYLE WRESTLING (EXHIBITION)

Kg -85 : R Vanlalmuana (Aizawl) v Zorammawia (Kolasib)

Kg -60 : Lalbiakkima (East Lungdar) v Lalhruaitluanga (Kolasib)