THIL TUM ROPUI TAK NEI ZEL RAWH

_Keimahni Kan Ni E_

- By Rick Warren 

- October 27, 2026

“Pathian chuan engkim a ti thei a, chu chu in hre si a— in ngaihtuahnate, in suangtuahnate, in dil phâk aia tam zâwk, in mangannaah pawh in ngaihtuah ngai loh leh in suangtuah ngai loh thil a ti thei a ni!” (Ephesi 3:20 MSG)

Pathian chuan khawvelah a thil tum te a tihhlawhtlin theihnan mi hrang hrang hnenah thil tum hrang hrang a nei a ni. Chuvang chuan thil pakhat phur takin i ti a, mi dang pawh i ngaihthah theihloh phah a ni. Pathianin nangmah ni turin a siam che a. Pathianin nangmaha a thiltum tihlawhtling turin thuneihna i nei a ni.

Engtinnge i thiltum chu Pathian thiltum a ni tih i hriat theih ang? Kawng hnihin i hrilhfiah thei ang. Pakhatna, Pathian pek thiltum chuan midang a ṭanpui ṭhin a, mahni hma a sial ngai lo. Pahnihna, thil pek thiltum chu a lian lutuka nangmahin i tihlawhtling thei lo vang. Pathian chuan, “Thiltum ka pek tur che hi chu a lian lutuka keimahah i innghah loh chuan i tihlawhtling thei lo vang” a ti a ni.

Mi tam tak chuan thil tum lian tak an tihlawhtling thei ṭhin lo va. An thil sawi ṭhin pathum ilo en teh ang:

*1. "Thiltum ka nei lo, a chhan chu a hlauhawm em vang a ni.”* A dik alawm, a hlauhawm a ni. Thiltum ti tur chuan rinna a pawimawh a ni. Kum 40 chuang lai mai Saddleback Kohhrana senior pastor ka nih chhunga thutlukna ka siamte khan thihna min hlauhtir a ni. Chuvang chuan hun engemaw kalta aṭang khan ka nun chu hlauhnaa innghat lo vin, ka thil hlauh zawng chu ka ti ta mai zawk a ni.

Chu chu huaisenna a ni. Hlauh i neih loh chuan huaisenna i mamawh lo. Huaisenna chu hlauhna awmlohna hi a ni lo. Huaisenna chu hlau chung chung pawha Pathianin ti tura a tih che tih mai hi a ni.

*2. “Thlamuanna ka neih loh avangin ka thiltum hi ka ti thei lo vang.”* Hei hi thudik chu a ni, i thiltum ti tura rahbi hmasaber i rah hma loh chuan thlamuanna i nei thei lo vang. I chet hma chu Pathianin thlamuanna a pe lawk lo che a ni. Hlauhna chu i nei ngei a lawm, nimahsela lithuk lam i pan a, tuifawn te i hmuh chiah khan thlamuanna chu a lo thleng mai a ni.

*3. “Thil tum chu ka nei ṭhin a lawm, mahse a hlawhtling ngai lo.”* Pathianin thiltum a pek che a la hlawhtling lo a nih pawhin beidawng mai suh. Thiltum leh a tak inkarah khawtlaina a awm fo ṭhin a ni. 

Diktak chuan, zinkawngah hian khawtlaina hi a tel ve hrim hrim, a chhan chu Pathianin i rinna ṭhanlennan a hmang a ni. Pathian hun ruat hi chu a dik fo ṭhin.

"Pathian chuan engkim a ti thei a, chu chu in hre si a— in ngaihtuahnate, in suangtuahnate, in dil phâk aia tam zâwk, in mangannaah pawh in ngaihtuah ngai loh leh in suangtuah ngai loh thil a ti thei a ni!” (Ephesi 3:20 MSG)

Pathianin i thiltum chu a hmang ṭangkai a - thiltum hlauhawm te, thiltuma thlamuanna i neih loh te, thiltum lo thleng mai thei lo chu - i rinna ṭhantir nan leh thil ropui tak tihnan a hmang a ni.

Ngaihtuah zui atan

* A chung a thu sawi pathum zîngah khian engber nge i sawi ve tawh le?

* Eng thil i tihin nge i lungawi? Pathianin i thinlungah a dah i thil tumte chuan, i thil tih lungawi em emte chu engtin nge a lantîr?

* Mahni tân chauha ngaihtuahna innghat i thil tumte i nei tawh em? Chûng i thil tumte chu eng nge lo thleng ta?

*[Lettu: Sangpuia]