Aizawl khawpui chhunga hman tur Transformer 276 vailiam!

Aizawl | October 2026: Power & Electricity Department chuan Vawiin khan MRT Stockyard, Zuangtui-ah Aizawl khawpui chhunga semchhuah tur Distribution Transformer-te an vailiam.

He hun hi Power & Electricity Minister F. Rodingliana chuan a hmanpui a, khuallian niin a flag off a ni.

Khuallian F Rodingliana chuan, "Power intodelh tura sawrkar hmalakna te tarlangin, solar atangin reiloteah MW 100 kan thar theih thuai beiseiawm thu a sawi a. Tin, Vankal bula Tuichang PSP DPR pawh ennawn mek niin, MW 350 atanga MW 400 vel siamchhuah theih beiseiawm thu a sawi bawk.

Tin, heng bakah hian Tuirini-a MW 24 tharchhuak thei chu hnathawh bul tan mek a ni a, MW 132 tharchhuak tur Tuivai pawh a hmaa PPP mode-a kalpui tura hmalak chu, Mizoram sawrkar ta liau liau tura EPC mode-a kalpui turin thutlukna siam fel a nih tawh thu a sawi bawk.

Reiloteah Lammualah Gas Insulated Sub-Station (GIS) sak hna tan thuai a nih tur thu sawiin, he Sub-Station hian Aizawl khawpui chhung power semchhuahna rit lutuk nasa takin a chhawk zangkhai dawn a, power supply tha zawk pekna kawngah nasa takin a pawimawh dawn a ni," a ti.

Department technical lamin report-a an tarlan danin, Kum 2024 atanga tun sawrkar hnuaia Department-in power sem leh pekchhuahna tihchangtlun nana Transformer an lei tawh zat chu a vaiin 276 a ni.

1. Distribution Transformer - 264
   - 25 kVA - 4
   - 63 kVA - 23
   - 100 kVA - 55
   - 160 kVA - 80
   - 250 kVA - 62
   - 500 kVA - 40

2. Power Transformer (33/11 kV) - 9
- 6.3 MVA - 1
- 10 MVA - 8

3. Power Transformer (132/33 kV) - 3
   - 6.3 MVA - 1
   - 12.5 MVA - 1
   - 25 MVA - 1

Grand Total - 276

He Transformer-te hi Aizawl khawpui chhunga Power Supply rintlak zawk a awm theih nana sem tur a ni a.

Tun hnaia Aizawl-a current tlakchhamna sutkian nana hmalakna pawimawh tak a ni. He hunah hian P&E Department hotu lu te, Engineer- te leh thawktu pawimawh tak tak te an tel a ni.

Flag Off programme hi ZPM General Headquarters atangin General Secretary Pu R. Malsawmtluanga leh Pu Jerome Bawlte, Secretary ten Minister hi an tawiawm bawk a ni.

---

Transformer te hi Aggregate Technical & Commercial Loss (AT&C loss) sang lutuk tihhniamna tura sorkar hmalakna a nih piah lamah power supply tha zawk mipuite hnena pekna tur ruahmanna a ni a.

Power loss (AT&C loss) chu tun dinhmunah 26% lai a nih avangin a ngaimawhawm a, Ministry of Power pawhin heihi tihniam turin Mizoram sorkar a rawn nawr thin a, he Energy loss tihniam tura ruahmanna pakhat a ni.

AT&C loss tih hniamna tura ruahmanna pakhat Aizawl khawpui chhunga Aerial Bunch Cable(ABC), current hrui dum kan tih mai zam hna thawh mek pawh zawhfel tep a ni.

RDSS hnuaiah LT(Low Tension) line KM 575 zam turah KM 484.62 a thui zam tawh a ni a, HT(High Tension) Line KM 56.03 a thui zam tur chu zawhfel tawh a ni .

Aizawl Smart City Project hnuaia Kulikawn leh Bawngkawn inkar, KM 10 vel zam tur chu zawhfel tawh a ni bawk. Solar atangin reilote ah MW 100 kan thar theih thuai beiseiawm bawk .

Vankal bula Tuichang PSP siam tur pawh DPR buatsaih mek a ni a.Heng bakah hian Tuirini MW 24 tharchhuak thei chu hnathawh bul tan mek a ni a, MW 132 tharchhuak tur Tuivai pawh a hmaa PPP mode-a kalpui tura hmalak chu Mizoram sorkar ta liau liau tura EPC mode a kalpui turin thutlukna siam fel a nih tawh a ni.

~ F Rodingliana
Ministers P&E
Mizoram