ZPM Thalaiin, Congress Sawrkar laia bulṭan Zodin Square Multi-Level Parking leh MNF Sawrkar laia Mizoram Green India Mission (GIM) hnuaia dan bawhchhiatna chungchang ngaihtuah dawn!

Aizawl | Sept 25, 2026: ZPM Thalai General Headquarters chuan vawiin khan thuchhiah siamin, CAG Report-in Congress Sawrkar laia bulṭan tawh Zodin Square Multi-Level Parking a dan bawhchhiatna a hmuh chhuah leh MNF Sawrkar laia Mizoram Green India Mission (GIM) hnuaia Rs. 9.19 Crore hman a nih dan chungchanga dan bawhchhiatna an hmuh chhuah chungchanga hmalak dan tur ZPM Thalai General Headquarters Executive Committee Meeting-ah ngaihtuah a ni ang, an ti.

ZPM Thalai General Headquarters chuan tunhnaia CAG Report lar tak pahnih, MPCC Vice President Pu Zodintluanga UD&PA Minister a nih laia bulṭan tawh Zodin Square Multi-Level Parking chungchang leh MNF General Secretary Pu TJ Lalnuntluanga Forest Minister a nih laia Kolasib Forest Development Agency (KFDA) in Green India Mission hnuaia sum an hmuh Rs. 9.19 crore zet GIM Implementation Guidelines, 2014 bawhchhia a hman a nih dan chungchangah zawhna kan dawng fova, Anti Corruption Bureau emaw Lokayukta lama hmalak kan tum leh tum lohte zawhna kan dawng ṭhin a ni.

CAG Report-in a tar lan danin Zodin Square Multi-Level Parking building sak nan Rs. 25 Crore dah niin, tender chhuah lovin Congress Sawrkar khan he hna hi JMT Architects hnenah a pe a, hei bakah hian Robotic Parking System sak hna Rs. 8.95 Crore pawh tender chhuah lovin "undue favour"(duhsak bikna) hmangin he hna hi pek a ni bawk a, CAG Report kan lo thlir danah General Financial Rules bawhchhiatna a awm ngeiin kan hmu a ni.

Hei bakah hian MNF Sawrkar lai, kum 2023 March ni 30 khan State Forest Development Agency (SDFA) in Kolasib Forest Development Agency (KFDA) hnena Rs 9.19 Crore a hlan chhawn chu hman ral a nih dan voucher a awmlo niin CAG Report-in a tarlanga, report hian Green India Mission Implementation Guidelines 2014 bawhchhiatna a awm thu a tarlang bawk a ni.

Heng dan bawhchhiatna awm anga CAG Report-in a tarlan hi ZPM Ṭhalai General Headquarters chuan ngawih bo pui chiah kan ngai lova, September ni 29 a Executive Committee Meeting kan neih turah Committee in bawhzui ṭha a tih leh tih loh rel a ni dawn a ni.

ZPM THALAI GENERAL HEADQUARTERS

PRESS RELEASE

PR No. 56 of 2026

Friday, the 25th September 2026

CAG Report-in Congress Sawrkar laia bulṭan tawh Zodin Square Multi-Level Parking a dan bawhchhiatna a hmuh chhuah leh MNF Sawrkar laia Mizoram Green India Mission (GIM) hnuaia Rs. 9.19 Crore hman a nih dan chungchanga dan bawhchhiatna an hmuh chhuah chungchanga hmalak dan tur ZPM Thalai General Headquarters Executive Committee Meeting-ah ngaihtuah a ni ang.

PR No. 56 of 2026

Friday, the 25th September 2026

Issued by:

SD/- Paul Lalramliana

Secretary

Media & Publicity Department

ZPM Thalai General Headquarters

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]