Sept 21 atang khan Bengaluru-ah Mizo pa pahnih chin hriat lohin bo; an chhungte an mangang hle!

Aizawl | Sept 26, 2026: Mizoram mi pahnih—Vanlalhlua (t-shirt hring dâl ha) leh Lalrinawma (t-shirt navy blue ha)—chu September 21, 2026 (Thawhtanni) zan aṭang khan Bengaluru khawpuiah an chin hriat lovin an bo mek a, an chhungte chu an awmna chhin an hriat loh avangin an mangang hle niin thu dawn a ni.

An chhungte lam aṭang leh police hnena bo report (missing report) thehluh aṭanga hriat theih chinah, an pahnih hian hna thawk tura Bengaluru-a kal dun an ni. September 22, 2026 (Thawhlehni) aṭang khan an phone switch-off ve ve-in biak theih an ni tawh lo va, an chhungte nen pawh tun thlengin eng inbiakpawhna mah an la nei thei lo a ni. Lalrinawma hi kum 40 mi vel niin, Ngur khua (Mizoram) mi a ni a, inhlawhfa tura Bengaluru pan a ni. Ani hi Vai ṭawng leh Sap ṭawng thiam lo, Mizo ṭawng chauh thiam a nih avangin, amah biakpawh theihpui Mizo hmu lova a hrang a nih hlauh phei chuan dinhmun hlauhawmah a ding thei dawn a ni. A ṭhianpa Vanlalhlua erawh hi chuan Mizo ṭawng bakah Hindi a thiam thung.

He thil thleng chungchangah hian Bengaluru Police hnenah report thehluh tawh niin, Lalrinawma hi Amruthahalli / B-Sector chhehvel aṭanga bo nia hriat a ni a; thuneitute chu an pahniha zawn hmuh an nih theih nan theihtawp chhuahpui turin an ngen bawk.

Tun dinhmunah hian an chanchin leh an awmna tichiang thei thuthang engmah hriat a la ni lo va; an him nge an hliam tih takngial pawh hriat a la nih loh avangin, a hmutu emaw an chanchin hria emaw chuan hma la nghal thuai turin an chhungte chuan mipuite puihna an ngen a ni. Thil ho te anga lang—tu emaw nena kal dun lo hmuh palh, hna zawng lai, hmun khawia emaw thleng/chawl, emaw bus/train-a chuang lai lo hmuh mai pawh nise—an chanchin chhui zui zel nan a hlu em em vek a ni.

A bik takin Bengaluru leh a chhehvela Mizo khawsa mek, welfare, kohhran, zirlai pawl (MSU), hnathawkte (inzawmkhawm pawl), NGO leh tlawmngai pawl hrang hrangte chu he ngenna hi min thehdarh pui tur leh an awmna hriat theih nan theihtawp min lo chhuahpui turin ckan ngen tawp che u a ni.

1. Lalrinawma

Kum: 40 mi vel

Khua: Ngur, Mizoram

Ṭawng thiam: Mizo chauh (Hindi leh English thiam lo)

Inhlawhfa tura Bengaluru kal

Bo hun: September 21, 2026

2. Vanlalhlua

Lalrinawma ṭhianpa / kawppui

Ṭawng thiam: Mizo leh Hindi

Lalrinawma nen bo dun anga hriat

Biakpawh theih hnuhnun ber: September 21/22, 2026

Hria emaw hmu emaw kan awm chuan: Anmahni chanchin hria emaw lo hmu emaw chuan Amruthahalli Police Station, Bengaluru, emaw a hnuaia chhungte biakpawhna number-ah hian hriattir nghal turin an ngen e:

7085214574

7005798524

8798446717

6909587438

He ngenna hi Bengaluru leh Karnataka vela Mizo awmte zingah zau thei ang bera in-share/thehdarh tura ngen kan ni e.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]