ZPM Quo Vadis! Titanic lawng pil meka chuang himna zawng ZPM te chhanchhuahna lawng 'MNF' ah kan lo lawm vek a che u.

Aizawl | Sept 24, 2026: Aizawl huamchhunga Constituency hrang hranga MNF Block tlawhchhuah Programme chu vawiim khan hman chhunzawm zel niin, Aizawl West I, Block II te tlawhin, Sairang VC Hall, Venglai ah Team Leader, MNF Treasurer Lalruatkima hova hun hlawk thlak tak hman a ni. He hunah hian thusawiin, Mitin chunga roreltu thu thua awm tur kan nih angin, a duh zawng khai chhuak a, a duhloh zawng benghniam thei kan Pathian en tlatin, malsawm tlakin i thawk ang u. Kan nitin nun, khawtlang leh kohhranah pawh MNF chu danglam bik, a taka Mizo Kristian nun mawi lantirtu kan nih zel a ngai. Thangthar ze mil zawng leh kaihruai dik tura theihtawp chhuah a ngai a, chu chuan kan party chauh ni lovin hnam anga kan dinchhuahna tur kawng pawimawh tak a keng tel a ni. Kan awmdan hian kan Hnam, kan ram a ti ropuiin, a ti tlachhe thei a. Hnam rilru pu tak chunga kan Politics zinkawng hi kan zawh a ngai a ni, Ruatkima chuan a ti.

Kan Sawrkar kal mek dinhmun thlirin, ram leh hnam tana thil thalo lam kawng an zawh takzel a vangin, dik tak leh tha taka kal beiseina neitu ten an tlansan mek a, an hotu lawk, VUC member hialte pawhin an bansan zel a ni. ZPM huang chhunga pawl hrang hrang infin khawm chu ZNP fir pawlah an chang chho mek a, an Dan tidanglama an CM leh a thurualpuite tundin zelna, lal ngailo lal zia alo lang chho zel a. Titanic lawng kehchhe pil meka chuang, a fing hmasa in damkhawchhuahna dapa an zuang chhuak mek ang kha an ni, tiin, manganga tal mek te chu chhanchhuahna lawng MNF ah lo chuang zel turin kan sawm takmeuh a ni. Ram tana thil pawi an tihin, kan nitin ei hmuhna tam tak a ti khawlhkham chho zel a. FCAA 2023 an adopt avanga kan leilung behchhana eizawng mekten harsatna tamtak an tawk hi a pawi kan ti a, Sawrkar thara arang thei ang bera an harsatna hi phuhruk a ngai a ni, MNF Treasurer chuan a ti bawk.

Kan ram hi kan Hnam, kan sakhaw himna a nih zel a, Thangthar lokal turte chen zelna tlaka him leh thlamuanga siam a ngaih laiin, tunah chuan thlaphanna in a man mek a. Chhanchhuak tura MNF Sawrkar a ngaiin, chutiang tur chuan MNF chuan thatawp chhuahin hma kan la mek a, danglam ngam, dik ngam, huaisen ngam, tlawmngai zel tur MNF kan nih zel a tul a ni, a ti bawk.

Mizo National Front

General Headquarters

Aizawl, Mizoram

Press Release

*ZPM Quo Vadis !*

*Titanic lawng pil meka chuang himna zawng ZPM te Chhanchhuahna lawng MNF ah kan lo lawm vek a che u.*

- Lalruatkima, Ex-Minister & Treasurer, MNF

Vawiin ni 24, September 2026 hian Aizawl huamchhunga Constituency hrang hranga MNF Block tlawhchhuah Programme chu hman chhunzawm zel niin, Aizawl West I, Block II te tlawhin, Sairang VC Hall, Venglai ah Team Leader Pu Lalruatkima, Treasurer hova hun hlawk thlak tak hman a ni. He hunah hian thusawiin, Mitin chunga roreltu thu thua awm tur kan nih angin, a duh zawng khai chhuak a, a duhloh zawng benghniam thei kan Pathian en tlatin, malsawm tlakin i thawk ang u. Kan nitin nun, khawtlang leh kohhranah pawh MNF chu danglam bik, a taka Mizo Kristian nun mawi lantirtu kan nih zel a ngai. Thangthar ze mil zawng leh kaihruai dik tura theihtawp chhuah a ngai a, chu chuan kan party chauh ni lovin hnam anga kan dinchhuahna tur kawng pawimawh tak a keng tel a ni. Kan awmdan hian kan Hnam, kan ram a ti ropuiin, a ti tlachhe thei a. Hnam rilru pu tak chunga kan Politics zinkawng hi kan zawh a ngai a ni, Pu Ruatkima chuan a ti.

He hun hi Pu Liandinga, President, Aizawl West I Block II MNF-in kaihhruaiin, T. Upa B. Lalrinthanga, Sairang Venglai in hunserh a hmang a, MNF General Headquarters atangin Pu LT Kima, Gen Secy., Er. Lalrinawma, Gen. Secy. & Ex-Minister, Pu VL Krosshnehzova, Gen. Secy., Pu J. Lalremruata, Gen. Secy., Pu Zodinpuia, Gen. Secy., Pu H. Zonunsanga, Ex- Exe. Corporator AMC & Secretary, MNF leh Pu Vanlalneia, Ex-Corporator AMC & Secretary MNF te kalin, anni hnen atang hian fuihna thu tha tak tak ngaihthlak a ni bawk. Aizawl West I Block II atangin Unit, Group leh Block hruaitute bakah member thahnem tak an kalin, thu tha tak tak an sawi bawk.

Sd/-

(PETER CHHANGTE)

Secretary

Media & Publicity Deptt.

MNF General Headquarters

No.536/2026

Dt. 24.9 2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]