Toyota showroom Aizawl-ah The NE Star music talent hunt Live Audition

Aizawl | Sept 4, 2026: Toyota sponsor in Unitex Inc. chuan nimin khan Toyota showroom Aizawl-ah The NE Star, music talent hunt Live Audition neih a ni.

Indian Performing Right Society Limited (IPRS) nen a thawkdun in, hmarchhak biala music lama thiamthil nei tha tak tak te an inlan a ni.

Veolf (Vena Fanai) in program hi host in inlawmna thuchah a sawi a, zaithiam talent nei tha tak tak Ruth Chali (Evenflow) leh Booma (Sound from the Hills) te zai ngaihthlak a ni.

Host, Veolf (Vena Fanai) in khuallian te hmelhriattirna leh lawmna thu a sawi a, Zorammawia Tochhawng (DP) bakah, Sandip Kumar Dhar (GM), TKM te'n thusawina hun an hmang bawk.

Endiktu pathum te inhmelhriattirna neih a ni a, he inelna endik tur hian HOM, Michelle Varte leh Social Welfare W&CD Joint Secretary Zonunthari te an thu a ni.

He live audition ah hian zaithiam leh rimawi lama talent nei tha tak tak te na inlan a, an zinga thazual thlan chhuah pahnih te hian Mizoram state aiawh tura thlan chhuah an ni ang. Hetiang bawk hian state dang pasarih a an state aiawh tur thlanna neih a ni.

Mizoram aiawh tur thlan chhuah te hi Sept 16, 2026 ah NE Star Instagram account-ah tarchhuah a ni ang.

State tin atanga thlan chhuah te hi Sept 27, 2026 ah Guwahati-ah finale inelna an nei ang.

Audition zawh hnu hian Unitex Inc aiawhin Walo Kronu chuan lawmthu sawina a nei a ni.