Thingdawlah sarthi pahnih an nei - chakai chhit chesual leh lirtheiin naupang chil hlum!

Aizawl | Sept 12, 2026: Thingdawl Chhimveng, PCI Venglai Biak In thlangah vawiin tlai khan Lirthei-in naupang a chil hlum.

Ricky Vanlalpeka fapa Daniel-a (kum 7 niin thu dawn a ni) chu Naupang inkhawmpui atana chang an zir zo a haw chu, Biak in thlangah truck in a chil a, a hmunah ka pawh chhawn lovin a thi.

Vawiin tlai dar 4 vel khan Thingdawl-ah SML truck-in mipa naupang Daniel Vanlalmalsawmpuia kum-7 mi a chil hlum.

Daniel Vanlalmalsawmpuia leh a thiante hi kawng sirah an infiam a, balu phur truck lo tlan chuan a hnawl a, a hmunah hian a thi nghal a ni.

Lirthei khalhtu hi mipui thirim laka a him zawk nan khawtlang hruaituten Kolasib police kutah an hlan nghal a ni.

Malsawmpuia ruang hi zaninah lumen tur niin naktukah postmortem zawhah vui tur a ni.

F Lianṭhuama, Thingdawl Hmarveng chu nizan lama Chakai chhita haw loh avangin an zawng a, vawiin khan a ruang an hmu a.

Vawiin khan zawn chhuah a ni.

Heng mitthi te hi zaninah lumen tur an ni.

SUNNA LEH TAWRHPUINA

Ka bial chhung mi, Pu F. Lianṭhuama (Kum 60) S/o Laikhuma (L); Thingdawl Hmar Veng chu September 11, 2026 zana a ram kal chu chesualin a nunna a chan a. Chhiat tawh thu kan hriat lai mekin vawiin September 12, 2026 khan Daniel Malsawmpuia (Kum 6) S/o Ricky Vanlalpeka chu vanduaithlak takin lirtheiin a chil avangin kâ pawh chhawn lohin a nunna a chan bawk a ni.

Ka bial chhunga chhiatna lo thleng hi a pawi ka tiin min ṭhawng hle a. Nunna chân te kan lainatin an kalsan tak an chhungkuate leh Thingdawl khawtlang mipuite thinlung takin ka tawrhpui a. Pathian thlamuanna leh awmpuina kan dil sak a ni.

K. LALDAWNGLIANA

MLA , 4-Tuirial (ST) A/C

12th September, 2026