MPCC-in "Zirlaite Au Aw" hun hmang

Aizawl | Sept 12, 2026: Mizoram Pradesh Congress Committee (MPCC) chuan vawiin khan Lal Thanhawla Auditorium, Congress Bhawan-ah "Zirlaite Au Aw" (Chhatroon Ki Goonj - Students Voice) hun an hmang a, MPCC Vice President Lalnunmawia Chuaungo, IAS (Rtd) chuan hmanpuiin, Aizawl khawpui chhunga College leh University zirlai eng emaw zat an tel.

Lalnunmawia Chuaungo, Sr. Vice President MPCC chuan, Mizoram leh India ram zirna hi siam that a ngai hle. Thalai mahni ke a ding thei, chhungkua leh Khawtlang, kan ram tana thawk tura chher chhuahna bulpui ber chu Zirna hi a ni. India ram zirnaah danglamna thlen tir a ngai a. Central-a sorkar BJP chuan he danglamna hi thlentir tumin nasa takin hma a la a. Mahse hei hi Education tha zawk leh danglamna thlentu ni lovin anmahni sakhua bik chawivul tumna zawk a ni, a ti.

Lalnunmawia Chuaungo chuan, Congress Party chuan Thalaite a dah No.1 dawn. Thalaiten an beisei hmasawnna tihlawhtling turin Congress Party chuan Mizoram Youth Manifesto 2028 atan Mizoram Thalaite telna hmun (platform) leh Mizoram Thalaite huapzo policy siam turin Mizoram Youth Manifesto & Policy atana rawtna thlen theihna tur Forum pawh lian tham tak a siam dawn a. Zirlai a mamawh apiang te tan englai pawhin ka awm reng dawn a ni, a ti.

Hlauhna hi zirlaiten an paih a, an hnawl a ngai, tih sawiin Pu Lalnunmawia Chuaungo chuan, In chakna chu tawn hriat (experience) leh huaisenna a ni. Hna pawh a awm ang ang dil a tha. Ei leh bar kawnga hmasawnna kawng lian, hna lian tham thawk tur hetiang thlen tura zirna kawnga danglamna thlen thei sorkar kan mamawh. Chutiang danglamna thlen turin zirlaiten rilru nghet put a ngai, a ti bawk.

He hunah resource Person Prof. Dr. Zodinliana Pachuau MZU chuan, Zirlaite Au Aw hun hi Students First movement a ni, tih sawiin, Pu Rahul Gandhi hovin he Campaign hi AICC, Youth Congress leh NSUI te'n June 17, 2026 khan Kota, Rajasthan atangin a kalpui tan a. India ram Zirlai te harsatna hrang hrang - NEET paper leak, exam cancel, exam tihtawp thut thut leh recruitment tlai lutuk vang te, Zirna senso sang lutuk leh coaching fee to lutuk bakah Thalai te bakah mi nawlpui tana hnathawh tur hmuh harsa (Unemployment) lutuk leh sorkar hna ruak hnawh khah si lo tam lutuk bakah Zirna system dik lo - Privatisation, Centralisation leh Sanghification vanga he Student Movement hi kalpui a ni a. Mizoramah pawh sorkar hnalak leh Exam result chiang lo vangin zirlai tam tak rilru nasa taka hliam sak an ni a. MPSC pawh office kal thei lo khawpin zirlai lungawi lo ten an dang hial a ni. Zirlaiten an dikna chanvo chang tura au chhuaka danglamna siam tura au chhuah a ngai, a ti bawk.

Vawiina Zirlaite Au Aw tih hunah hian Aizawl khawpui College leh University zirlaite nen hmathlir sawihona leh Mizoramah ngei pawh sorkar hna lak mumal lo leh dik lo, Exam cancel leh result dik lo nasa lutuk avanga an rilru natna leh tih reh dan tur nia an hriat te thalaiten langtlang takin an sawi a ni.

He hun hi Pu Ngurdingpuia Pachuau, President MPYCC leh Chairman Chhatroon ki Goonj Committee Chairman in a kaihhruai a. Pu C. Lalhriatpuia Co-Chairman leh President NSUI (Mz) in inlawmna thusawiin Pu Lalnunzira, Treasurer MPYCC in lawmthu sawina hun a hmang a ni.

MIZORAM PRADESH YOUTH CONGRESS COMMITTEE HQRS., AIZAWL: MIZORAM

No.MPYCC/Mz-B/2025-2026/109 Dated Aizawl the 13th September, 2026

PRESS RELEASE

Vawiin ni 13.9.2026 (Inrinni) khan Lal Thanhawla Auditorium, Congress Bhawan-ah "Zirlaite Au Aw" (Chhatroon Ki Goonj - Students Voice) hun hman a ni a. Hemi hun hi Pu Lalnunmawia Chuaungo, IAS (Rtd), Vice President MPCC chuan a hmanpui a. Aizawl khawpuia College leh University zirlai engemaw zat an tel.

Pu Lalnunmawia Chuaungo, Sr. Vice President MPCC chuan, Mizoram leh India ram zirna hi siam that a ngai hle. Thalai mahni ke a ding thei, chhungkua leh Khawtlang, kan ram tana thawk tura chher chhuahna bulpui ber chu Zirna hi a ni. India ram zirnaah danglamna thlen tir a ngai a. Central-a sorkar BJP chuan he danglamna hi thlentir tumin nasa takin hma a la a. Mahse hei hi Education tha zawk leh danglamna thlentu ni lovin anmahni sakhua bik chawivul tumna zawk a ni, a ti.

Pu Lalnunmawia Chuaungo chuan, Congress Party chuan Thalaite a dah No.1 dawn. Thalaiten an beisei hmasawnna tihlawhtling turin Congress Party chuan Mizoram Youth Manifesto 2028 atan Mizoram Thalaite telna hmun (platform) leh Mizoram Thalaite huapzo policy siam turin Mizoram Youth Manifesto & Policy atana rawtna thlen theihna tur Forum pawh lian tham tak a siam dawn a. Zirlai a mamawh apiang te tan englai pawhin ka awm reng dawn a ni, a ti.

Sd/-

(MALSAWMDAWNGKIMI)

Secretary,

i/c Media, Info & Publicity, Mizoram Pradesh Youth Congress Committee

Aizawl : Mizoram.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]