Ropeway leh Skywalk chungchangah RRR-a High Court-ah; "ka dikna hailan a nih nan High Court-ah zualko ka tum ta e,"

Aizawl | Sept 17, 2026: Ex Minister leh Hachhek bialtu MLA Robert Romawia Royte (RRR) chuan, Ropeway leh Skywalk chungchangah High Court kal a tum a, ""ka dikna hailan a nih nan High Court-ah zualko ka tum ta e," a ti.

"Ropeway leh Skywalk chungchang chhuina ah Discharge mai turin ka lo inring ngawt a.Mahse dan kalha chetna emaw eirukna thila inhnamhnawihna ka neihlohzia a chian vek laiin he thil atanga min chhui zui lova chhuah zalen (discharge) ka dilna pawm a nih loh avangin High Court-ah ka dikna hailan a nih nan zualko ka tum ta e," a ti a.

"Thudiklo hmanga chargesheet siamtute nen High Court Field zawlah kan inkhel law law ang chu⚽️💪🏿😂

Civil constructions a Running Account Register awmze hrelo an awm anih pawhin kan entir anga kan hrilhfiah ve tawh ang chu mawle.Officials leh ‘Cials lote pawh thudiklo hrilhtu an awm chuan Chargesheet thar lehzel an ni ngei ang," tiin thuchhuah a siam.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]