"Kan ram leh hnam hi kan kuta awm a ni," MNF Treasurer Lalruatkima

Aizawl | Sept 17, 2026: MNF Party Block tlawhchhuah Programme, Sihphir Venghlun Branch YMA Hall-ah vawiin khan neih niin, Aizawl East I Block MNF huamchhunga amite nen hun hman a ni a, he hunah hian MNF Treasurer Lalruatkima chuan thusawiin, kan ram leh hnam hi kan kutah a awm a ni tih hria a, mawh inphurh tir a, sawrkarna chang leh ngei turin MNF chuan hma ala sauh sauh a ni. Thalaite duhzawng leh itzawng ngaihtuah chunga an tana hamthatna leh innghahna tlak Sawrkar din kan tum a. Zoram mipuite thlamuanna tur Sawrkar ngelnghet leh huaisen din turin kan inbuatsaih sauh sauh a ni. Sawrkarna siam turin kil tina MNF ten theihtawp kan chhuah a ngai a, phur tak leh hmabak eng tak nei tih inhre chunga hmalam kan pan deuh deuh a tul a ni, a ti.

Ruatkima chuan, Social Media ah mipui lawm zawng leh mitla zawng kan uar a, heng hi thil pawimawh tak a nih rualin, a taka thil tih, sawi mai nilo, a nihna ang taka thawk nih hi a pawimawh a. Dawt sawi phei chu thil huatthlala a tling a. Thusawi hmasa leh hnuhnung inkalh lo, sawi dan inang, document nena fiah ngam MNF chuan kan sawi zel tur a ni. East I bial hmasawnna tam tak leh kan President Pu Zoramthanga a inzawm tlat a. He bial hmasawnna mita hmutu tan chuan MNF tluka a taka thawk an awmlo tih hi thil chiang em em a ni. Media a pholan chin pawh thutak leh dik a nih a tul takzet a ni, a ti.

Ram intodelh ni turin neitu thinlung neih a tul a. Mikhual rilru pua ram kaihhruai te, tlanchhe chung leh midang tlawn chunga ram hruai hi kan ram hmelma a niin, Tuna kan Sawrkar neih mek kalsana Sawrkar thar kan din thuai hi a nghahhlelhawn takzet a ni, MNF Treasurer chuan a ti bawk.

He hun hi Lalrosiama Hauzel, Vice President, Aizawl East I Block MNF-in kaihhruaiin, MNF General Headquarters atangin VL Krosshnehzova, Gen. Secy., J Lalremruata, Gen. Secy., Zobiakvela, Gen. Secy. te kalin, an ni hnena atang hian fuihna thu tha tak tak ngaihthlak a ni bawk. PC Thlamuanpuia, President, Aizawl East I Block MNF in thu a sawi bawk. He hunah hian chhung atangin Unit, Group leh Block hruaitute bakah member thahnem tak an kal bawk a ni.

Mizo National Front

General Headquarters

Aizawl, Mizoram

Press Release

KAN RAM LEH HNAM HI KAN KUTA AWM A NI.

- Lalruatkima, Treasurer, MNF GHQ

Vawiin ni 17, September 2026 hian Party Block tlawhchhuah Programme, Sihphir Venghlun Branch YMA Hall-ah neih niin, Aizawl East I Block MNF huamchhunga amite nen hun hman a ni a, he hunah hian Pu Lalruatkima, Treasurer, MNF GHQ chuan thusawiin, kan ram leh hnam hi kan kutah a awm a ni tih hria a, mawh inphurh tir a, sawrkarna chang leh ngei turin MNF chuan hma ala sauh sauh a ni. Thalaite duhzawng leh itzawng ngaihtuah chunga an tana hamthatna leh innghahna tlak Sawrkar din kan tum a. Zoram mipuite thlamuanna tur Sawrkar ngelnghet leh huaisen din turin kan inbuatsaih sauh sauh a ni. Sawrkarna siam turin kil tina MNF ten theihtawp kan chhuah a ngai a, phur tak leh hmabak eng tak nei tih inhre chunga hmalam kan pan deuh deuh a tul a ni, a ti.

Pu Ruatkima chuan, Social Media ah mipui lawm zawng leh mitla zawng kan uar a, heng hi thil pawimawh tak a nih rualin, a taka thil tih, sawi mai nilo, a nihna ang taka thawk nih hi a pawimawh a. Dawt sawi phei chu thil huatthlala a tling a. Thusawi hmasa leh hnuhnung inkalh lo, sawi dan inang, document nena fiah ngam MNF chuan kan sawi zel tur a ni. East I bial hmasawnna tam tak leh kan President Pu Zoramthanga a inzawm tlat a. He bial hmasawnna mita hmutu tan chuan MNF tluka a taka thawk an awmlo tih hi thil chiang em em a ni. Media a pholan chin pawh thutak leh dik a nih a tul takzet a ni, a ti.

He hun hi Pu Lalrosiama Hauzel, Vice President, Aizawl East I Block MNF-in kaihhruaiin, MNF General Headquarters atangin Pu VL Krosshnehzova, Gen. Secy., Pu J. Lalremruata, Gen. Secy., Pu Zobiakvela, Gen. Secy. te kalin, an ni hnena atang hian fuihna thu tha tak tak ngaihthlak a ni bawk. Pu PC Thlamuanpuia, President, Aizawl East I Block MNF in thu a sawi bawk. He hunah hian chhung atangin Unit, Group leh Block hruaitute bakah member thahnem tak an kal bawk a ni.

Sd/-

(LALLIANZUALA FANAI)

Jt. Secretary

MNF General Headquarters

No. 531/2026

Dt. 17.9.2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]