MZP-in hnam dang enkawl leh thawhna Petrol pump te Sept 17 atanga khar turin a hriattir!

Aizawl | Sept 14, 2026: Mizo Zirlai Pawl (MZP) General Headquarters chuan, Mizoram chhunga hnam dang enkawl leh thawhna Petrol pump chu September ni 17, 2026 (Ningani) atanga khar turin a hriattir a.

Mizo Zirlai Pawl (MZP) General Headquarters chuan, Mizoram chhunga hnam dang Mizo hming hawh leh hnam dang (vai) sumdawng an rawn pung chho zel chu a vei takzet a, hei hi hnam anga min chimralna kawng hawngtu zau tak anih avangin, MZP chuan a ngaimawh hle a, a tawp thlengin hma a la zel dawn a ni, an ti a.

Mizoram chhunga hnam dang Petrol pump enkawl leh hnam dangte thawhna Petrol pump chu September ni 17, 2026 (Ningani) atanga khar turin MZP chuan a hriattir a.

Heng hnam dang (vai) sumdawnpui a, September ni 17, 2026 a mipui dawr theih loh a inkhar zawng zawngte a tul anga an hming puanzar a ni ang, an ti bawk.

Hemi bawhzuina atan hian, MZP GHQ chuan, an MZP Headquarters, Sub Headquarters, Branch leh Hnampual zirlai pawl a an thawhpui zawng zawngte'n mahni huam chhunga Petrol pump inkhar zawng zawngte lo chhinchhiah tur leh a tul anga Petrol pump neitute hming leh an sumdawnpui hnam dang (vai) te lo chhinchhiah vek turin an inhriattir a ni.

AMPEDA (All Mizoram Petroleum Dealers Association) Emergency chuan Sept 9 khan thuchhuah siamin, MZP chu tihluihnaa sum chhuhsakah an puh a, "Tuna pawisa an lo laksak tawh te hi Sept 16, 2026 ral hma a an pe kir lo leh tun a pawisa pe tura an tih te hi an hnuk kir lo anih chuan Mizoram a petrol pump zawng zawng te chu Sept 17, 2026 atangin tiam chin awm lo a khar a ni ang," tiin thu an lo chhuah tawh a ni.

*MZP PRESS RELEASE*

Dated Aizawl the 14th September, 2026

Mizoram chhunga hnam dang Petrol pump enkawl leh hnam dangte thawhna Petrol pump chu September ni 17, 2026 (Ningani) atanga khar turin MZP chuan a hriattir a.

Hemi bawhzuina atan hian, MZP Headquarters, Sub Headquarters, Branch leh Hnampual zirlai pawl a kan thawhpui zawng zawngte'n mahni huam chhunga Petrol pump inkhar zawng zawngte lo chhinchhiah tur leh a tul anga Petrol pump neitute hming leh an sumdawnpui hnam dang (vai) te lo chhinchhiah vek turin kan in hriattir a ni.

Heng hnam dang (vai) sumdawnpui a, September ni 17, 2026 a mipui dawr theih loh a inkhar zawng zawngte a tul anga an hming puanzar a ni ang.

*Issued by: Mizo Zirlai Pawl: General Headquarters*

REF:AMPEDA/2027/9 DATE:09/09/2026

PRESS HANDOUT

Vawiin Dt.09.09.2026 (Nilaini) a AMPEDA (All Mizoram Petroleum Dealers Association) Emergency Meeting chuan kan member thenkhat te hnathawk Pump Manager ( Hnamdang) te MZP in an office a hreng a, Rs.2 lacs (cheng nuaihnih) Account no. 10763514287 (SBI main branch) ah tih luihna a Dt 07.09.26 an transfer tir leh pump thenkhat a Rs. 1.2 lac (cheng nuai khat leh singhnih) Account no. sawi taka transfer tur an tih mek hi AMPEDA Emergency meeting chuan tha a ti lo hle a, a tawp thleng in kan do zel dawn a ni.

Tuna pawisa an lo laksak tawh te hi Dt 16.09.2026 ral hma a an pe kir lo leh tun a pawisa pe tura an tih te hi an hnuk kir lo anih chuan Mizoram a petrol pump zawng zawng te chu Dt 17.09.2026 atangin tiam chin awm lo a khar a ni ang.

Hetianga tih luihna a pawisa in chhuhsak le hnathawk te in hrensak hi AMPEDA chuan pawi a ti in tun hnu ah chuan thleng tawh lo se a ti.

Issue by ALL MIZORAM PETROLEUM DEALERS ASSOCIATION Headquarters : Aizawl

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]