"Kan Bible hian dawt sawi hi a phal lo mai ni lovin dawtsawi thin te chu thlarau bawlhhlawh a ti hial a ni. Hetiang a nih laia Mizorama dawt leh thubelh chian dawllo a lengvel hi Mizoram tan a pawi hle a ni," ~ RRR

Aizawl | Sept 19, 2026: Pang Zirlai Pawl (PZP) Jt Headquarters, Aizawl buatsaihin vawiin khan IPR Auditorium-ah Freshers Social cum Zirlai tithate chawimawina hun an hmang a, Hachhek bialtu MLA Robert Romawia Royte chuan khuallian niin a hmanpui.

Khuallian MLA Robert Romawia Royte chuan Zirlai pass tharte lawmpui thusawiin, "zirna chu a tha zawnga danglamna thlentu a ni," a ti a, "Kan Bible hian dawt sawi hi a phal lo mai ni lovin dawtsawi thin te chu thlarau bawlhhlawh a ti hial a ni. Hetiang a nih laia Mizorama dawt leh thubelh chian dawllo a lengvel hi Mizoram tan a pawi hle a ni," a ti.

He hun hi PZP Vice President Lallaamzuala'n a kaihhruai a, Aizawl PZP member an tel ṭha hle a, tlaiah ruai an ṭheh nghal a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]