"Boruak ṭha lo hring chhuak thei argument siam hi Chakma activist intite hian sim rawh se,"

Aizawl | Sept 19, 2026: Tunlaia Mizo leh Chakma inkar boruak sawipuiin, tukin (September 19, 2026) khan YMA Tlabung Branch chuan Joint Meeting a ko a. Tlabung chhehvela khaw hrang hrang atangin VC leh YCA aiawh mi 80 chuang an kal khawm.

YMA Tlabung Branch Executive Committee member bakah, Tlabung VC, MZP, MSU leh MHIP aiawh hruaitu thahnem tak an kal bawk.

Kalkhawmte hian resolution an pass:

1) Tlabung hi hman aṭanga tun thlengin Mizote khua leh eng tik lai pawha Mizote luah lum reng ṭhin ram a ni. He thil nihna dik (historical fact/ record) nawh reh emaw tihdanglam tuma hmalakna apiang chu YMA Tlabung Branch leh Tlabung mipuiten a tâwp thlengin kan dodal zel ang.

2) Mizo leh Chakma inkara boruak ṭha lo hi Tlabung leh a chhehvel ni lo, hmun dang daih aṭanga Chakma tute emaw rawn siam leh chawh thawh a ni deuh zel a; he issue, contentious tak hi ral khat aṭanga sawi leh, boruak ṭha lo hring chhuak thei argument siam hi Chakma activist intite hian sim rawh se.

3) Chakmate zingah official leh official ni lem lo, forum hrang hrangah Tlabung hi Demagiri tia sawi an la awm zeuh zeuh a, Tlabung luahtu leh neitu Mizote tan Demagiri tih hi a awm ve loh avangin, Demagiri ni loin Tlabung tih hi sawi dan dik a ni tih pawm turin chhehvela Chakma VC leh YCA-te kan inhriattir a ni.