"Hockey hmangin missionary kan ni thei," ~ K Laldawngliana

Aizawl | Sept 7, 2026: Boys Hockey Academy Ground, Kawnpuiah, K Laldawngliana MLA, 4-Tuirial Constituency Mizoram Open Hockey Tournament, Closing Function hun hman a nia, he hun hi vawiin khan K Laldawngliana, MLA chuan khuallian niin a hmanpui.

Khuallian chuan thusawiin, "Hockey game hmangin ringlo mi tam takte zingah missionary kan ni thei. Hockey hi India national game anih avangin ngaihhlut a hlawh reng dawn a. India ramah leh tualchhungah pawh eizawnna tlak a ni tih kan hriatreng a tul a ni," a ti.

Dawngtea chuan, Mizoramah Hockey ground tha pathum chauh kan nei chungin, hockey vanga eizawnna hmu thahnem tak an awm tawh a. Tuirial bial atang pawhin hockey vanga eizawna hmu thahnem tak an awm mek a ni. Hei vang hian ka ngai pawimawh a, MLA zingah he lai bial hi open hockey tournament huaihawt thei awmchhun kan ni. Bial dangah pawh hetiang tournament hi huaihawt zel se a duhawm hle a ni, a ti.

Tuirial bialtu MLA chuan, infiamna hi ruihhlo nen chawhpawlh a rem lova. Lal Isua nen i inkhel ang u. Chhungkua, kohhran khawtlang, ram leh hnam tana mi tangkai ni turin tih takzetin i bei ang u, tiin infiammi kalkhawmte a fuih a. Dawngtea hian open tournament chhunga player upa ber Pu Rangthangvunga kum 80 leh player naupang ber te hnenah leh, NIS coach chhuak tharte hnenah lawmpuina thilpek a hlan bawk.

He hun hi Kawnpui Hockey Association President R Vanlalpeka chuan a kaihruai a. Nl. Lalrinchhani, ECM (KHA) chuan hunserh a hmang. Hockey Mizoram hruaitute hnen atangin thusawi ngaihthlak a ni bawk.

Mizo National Front

General Headquarters

Mizoram : Aizawl

*Press Release*

HOCKEY HMANGIN MISSIONARY KAN NI THEI

-K. Laldawngliana MLA

Mimkut thla vawiin ni 7, 2026 (Thawhtanni) chawhnu dar 2:00pm hian Boys Hockey Academy Ground, Kawnpuiah, K. Laldawngliana MLA, 4-Tuirial Constituency Mizoram Open Hockey Tournament, Closing Function hun hman a ni a. He hunah hian Pu K. Laldawngliana, MLA chuan khuallian niin a hmanpui.

Pu Dawngtea chuan, Mizoramah Hockey ground tha pathum chauh kan nei chungin, hockey vanga eizawnna hmu thahnem tak an awm tawh a. Tuirial bial atang pawhin hockey vanga eizawna hmu thahnem tak an awm mek a ni. Hei vang hian ka ngai pawimawh a, MLA zingah he lai bial hi open hockey tournament huaihawt thei awmchhun kan ni. Bial dangah pawh hetiang tournament hi huaihawt zel se a duhawm hle a ni, a ti.

Tuirial bialtu MLA chuan, infiamna hi ruihhlo nen chawhpawlh a rem lova. Lal Isua nen i inkhel ang u. Chhungkua, kohhran khawtlang, ram leh hnam tana mi tangkai ni turin tih takzetin i bei ang u, tiin infiammi kalkhawmte a fuih a. Pu Dawngtea hian open tournament chhunga player upa ber Pu Rangthangvunga kum 80 leh player naupang ber te hnenah leh, NIS coach chhuak tharte hnenah lawmpuina thilpek a hlan bawk.

He hun hi Pu R. Vanlalpeka, President, Kawnpui Hockey Association chuan a kaihruai a. Nl. Lalrinchhani, ECM (KHA) chuan hunserh a hmang. Hockey Mizoram hruaitute hnen atangin thusawi ngaihthlak a ni bawk.

Sd/-

(PETER CHHANGTE)

Secretary

Media & Publicity Department

Mizo National Front

Memo No. 526/2026

Dt. 7.09.2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]