H Ramdinpuii thattu-a puh Denghmingthang a tlanchhuak

Aizawl | Sept 1, 2026: Mualthuam N Tleirawl, H Ramdinpuii that tu-a puh, Denghmingthanga chu nizan, zan lai dar 12 pelh hnu khan Lunglei Police Station atangin a tlanchhuak a. Ngawrh taka zawn mek a ni a, a chin hriat a la ni lo.

Police kut atanga a tlan chhuah dan hi hriatchian a la ni lova, eng vanga hetia tlan chhuak thei mai nge a nih tih pawh hriat a la ni rih lo.

Denga a tlanchhuah hnu hian, Police te ngenna angin Mausen-ah lirthei tlan lo enfiah a ni a, mahse, a hnuah tihtawp leh a ni.

Nimin chhun khan, Lunglei District Jail atangin thu zawhfiah turin Lunglei Police Stationah lak chhoh a ni a. Nizan zan lai velah khan Lockup atangin a tlanchhuak ta niin thu dawnna chuan a tarlang.