GEN Z LO ṬHIN VE !!

David Sailo

16th September 2026

Khawi Party ah mah mihring duhthusam a awmkhawm theih loh ang. Chutih laiin a awmkhawmsa a ṭha thei ang bera remkhawm thiam erawh Political Party a thil ṭul leh pawimawh ber a ni. MNF han inrem thar leh dan en hian Gen Z a hawi viau lo a tih theih.

Working President ah Dr.R.Lalthangliana dahin CM Candidate an hawi tir tawh anga, Pu Zoramthanga hi President zuiin MLA erawh a chuh tawh dawn loh thu puangin ṭhalai zawk tan hmun siamin boruak neih hat an tum tawh tura ngaih an ni a, hetianga insiamrem thuai hi Neutral ten an thlir mek dan pawh a nih a rinawm.

Tuna an ruat thar pathumte hi an hun lai chuan an ṭha ve viau thei e. Tunah chuan Upa Wing emaw Adviser emaw an khân ber tawh ang. Vice President inruat vak vak te hi Party chakna ber emaw kan ti chho mek a, Vice President kan ti hlu lo lek fang a ni. Hei aia Formation ṭha zawk hi chu a awm mawle !!

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]