Mualṭhuam N Tleirawl thattua puh Denghmingthanga man leh tawh

Aizawl | Sept 3, 2026: Mualṭhuam N Tleirawl H Ramdinpuii thattu-a puh Denghmingthanga chu zanin khan Vanhne ram chhungah an man niin thu dawn a ni.

Denghmingthanga hi Lunglei Police station aṭangin a tlan chhuak a, zawn mek a ni a. Zanin khan man a ni ta a ni.

H Ramdinpuii thattu a puh, Denghmingthanga chu zanin dar 6:30 vel khan thlam pakhata alo mu lai Police ten an man tih Lunglei Police te hnen atanga thu dawn a ni.

AIR tarlan danin, Vanhne, Thuampui dai leh Hmawmgva lui ruam leh Tawng lui kam vel thlengin an zawng a, Branch hrang hrang YMA te pawhin Police hi an pui a ni.

A bo zana lock up a duty 2nd BN MAP Constable Lalnunfela chu suspend a ni tih 2nd Bn MAP Commandant Francis Lalnuntluanga chuan vawiin khan a sawi a, hemi zana duty dang erawh suspend tulna awm a hriat a nih loh vangin action lak a ni lo a ni.

Hetihlai hian Southern Range DIG chuan leave a lak avangin vawiin tlai khan Eastern Range DIG C Lalnunmawia chuan Southern Range DIG charge a la ve nghal a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]