CM leh party President nih khawp theih turin ZPM-in dan an siamtha!

Aizawl | Sept 8, 2026: ZPM General Headquarters Executive Committee Meeting vawi 9-na Vawiin chawhmaa Dawrpui Multipurpose Hall-a thukhawm chuan, CM leh party President nih khawp theih turin dan an siamtha!

ZPM emergency Executive meeting chuan ZPM Dan bu Constitution Article 21-na nihna leh mawhphurhna sawifiahna point no 1 Minister leh Party Elected Office Bearer nihna chelh kawp theih a ni lo ang; tih chu siam danglamin Chief Minister (minister dang tel lovin) in Party Elected Office Bearer a chelh kawp thei ang tiin lungrual takin pass a ni.

August 26, 2026 khan ZPM General Headquarters Executive Committee meeting chuan Party Elected Office Bearer te chu VUC te kutah ruat theihna a lo dah tawh a.

August 31 khan ZPM Secretary general PB Lalsawmliana chuan, thuchhuah siamin Sept 4 a thukhawm turin ZPM General Headquarters Emergency Executive Committee meeting a ko a, hemi hnu hian, Sept 8 atan sawn leh niin, vawiin khan an thukhawm ta a ni.

PRESS RELEASE

ZPM General Headquarters, Mizoram Aizawl

Media & Publicity Department

PR No. ZPM -09/0A/2026/51

Dated Aizawl, the 8th September, 2026

Vawiin chawhma dar 11.00 khan ZPM General Headquarters Executive Committee Meeting vawi 9-na Dawrpui Multipurpose Hall, Aizawlah neih a ni a.

Executive meeting chuan ZPM Dan bu Constitution Article 21-na Nihna leh Mawhphurhna sawi fiahna Point No. 1 Minister leh Party Elected Office Bearer nihna chelh kawp theih a ni lo ang; tih chu siam danglamin Chief Minister (minister dang tel lovin) in Party Elected Office Bearer a chelh kawp thei ang tiin lungrual takin pass a ni.

August ni 26, 2026 khan ZPM General Headquarters Executive Committee meeting chuan Party Elected Office Bearer te chu VUC te kutah ruat theihna a lo dah sa tawh a ni.

Sd/-

(LALHRUAITLUANGA KAWLNI)

Jt. Secretary

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]