AH&Vety Minister C Lalsawivunga'n Bana Kaih hnuaiah Vaphai-ah Vaimim nuaina khawl hlan, Saikhumphaia Vaimim chinna hmunpui tlawh

Aizawl | Sept 17, 2026: Bana Kaih (Hand Holding) hnuaia Pilot Project, ranchaw atana Vaimim nuaina khawl leh hmanraw pawimawh Silpaulin hlanna hun chu vawiin chawhnu khan Vaphai Community Hall-ah neih a ni a. Hun hmasa chawhma lamah Saikhumphaia Vaimim chinna hmunpui chu AH &Vety Minister C Lalsawivunga hova tlawh a ni.

Chawhnu lamah Vaphai Community Hall-ah inkhawmna hun hman a ni a, he huna thusawitu khual lian C Lalsawivunga chuan, "Vaphai khaw taima khuaah hetiang hun kan hmang thei hi ka lawm takzet a. Mizoram sorkar chuan Veterinary, Horticulture, Agriculture leh Rural Development Department-te thawkho turin hmalak (Convergence) a ni a, kut hnathawktute tan Chief Minister Pu Lalduhoma hian a ngaihtuahna zawng zawng a sen a vangin Department pakhat chauh mal kal lova, kuthnathawktute tana thawhho a pawimawh tiin hma kan la chho mek a ni," tiin Department atanga hmanrua a pekte chu tangkai taka hmang turin a chah a. "Mizoram hian Organic Farming kan kalpui tak tak a hun ta a, chemical thil kan hmang nasa lutuk hian kan hriselna kawngah pawh nasa takin nghawng a nei niin ka hria a, chuvangin Mizoram chhunga kuthnathawktu, thei leh thlai chingtu zawng zawngte damdawi hmanga enkawl loh, ram leilung hang leh tha hmanga thlai leh thei hrisel chinga thar turin ka ngen tak meuh meuh che u a ni' a ti bawk.

He hun hi AH & Veterinary Secretary Lalsangliana chuan a kaihruai a, AH & Vety Dy.Director Dr Robert Rualthankhuma chuan technical report pein Vaphai VCP C Rengkhuma, chuan thu a sawi bawk. Hemi hnu hian Vaimim nuaina khawl leh hmanraw hlanna hun hman a ni.

AH & Vety Department chuan Handholding Scheme hnuaiah ranchaw tur Vaimim leh Bekang contract farming chu district pathum - Saitual district-ah Buhban leh Teikhang, Khawzawl district-ah Khawhai, New Chalrang leh Rabung, Champhai district-ah khaw paruk - Vaphai, Tlangsam, Ruantlang, Khuangleng, Thekpui leh Tualcheng khuahah te kalpui mekin kum thum chhung atan project Rs.4.08 crore ruahman a ni a. He Pilot project hnuaia Vaphai khuaah hian chhungkaw 114 zetin Vaimim an ching a, Saikhumphai leilet atang ringawtin Vaimim tin 20000 vel atangin Rs.100 lakh vel tharchhuah theih an beisei.

District pathuma khaw hrang hrangah pilot project kalpuitu chhungkaw 530 an awm a ni. AH & Vety Department Animal Feed Plant-ah hian Vaimim quintal 3600 vel kumtin mamawh a ni a. He project atanga an beisei ang loneituten an tharchhuak a nih chuan Department kum khat mamawh an tharchhuah theih an beisei a, Mizoram pumpui mamawh tharchhuak tur erawh chuan nasa leh zuala hmalak a ngaih dawn thu Department hotute chuan an sawi a ni.

BANA KAIH HNUAIA VAPHAI KHUA VAIMIM CHINGTUTE HNENAH PU C.LALSAWIVUNGA'N VAIMIM NUAINA KHAWL LEH HMANRUA A PE

Aizawl, 17th Sept.2026 : Bana Kaih (Hand Holding) hnuaia Pilot Project, ranchaw atana Vaimim nuaina khawl leh hmanraw pawimawh Silpaulin hlanna hun chu vawiin chawhnu khan Vaphai Community Hall-ah neih a ni a. Hun hmasa chawhma lamah Saikhumphaia Vaimim chinna hmunpui chu AH &Vety Minister Pu C.Lalsawivunga hova tlawh a ni.

Chawhnu lamah Vaphai Community Hall-ah inkhawmna hun hman a ni a, he huna thusawitu khual lian Pu C.Lalsawivunga, AH&Vety Minister chuan, "Vaphai khaw taima khuaah hetiang hun kan hmang thei hi ka lawm takzet a. Mizoram sorkar chuan Veterinary, Horticulture, Agriculture leh Rural Development Department-te thawkho turin hmalak (Convergence) a ni a, kut hnathawktute tan Chief Minister Pu Lalduhoma hian a ngaihtuahna zawng zawng a sen a vangin Department pakhat chauh mal kal lova, kuthnathawktute tana thawhho a pawimawh tiin hma kan la chho mek a ni," tiin Department atanga hmanrua a pekte chu tangkai taka hmang turin a chah a. "Mizoram hian Organic Farming kan kalpui tak tak a hun ta a, chemical thil kan hmang nasa lutuk hian kan hriselna kawngah pawh nasa takin nghawng a nei niin ka hria a, chuvangin Mizoram chhunga kuthnathawktu, thei leh thlai chingtu zawng zawngte damdawi hmanga enkawl loh, ram leilung hang leh tha hmanga thlai leh thei hrisel chinga thar turin ka ngen tak meuh meuh che u a ni' a ti bawk.

He hun hi Pu Lalsangliana, Secretary, AH & Veterinary Department chuan a kaihruai a, Dr.Robert Rualthankhuma Dy.Director, AH & Vety chuan technical report pein Pu C.Rengkhuma, VCP, Vaphai chuan thu a sawi bawk. Hemi hnu hian Vaimim nuaina khawl leh hmanraw hlanna hun hman a ni.

Issued by Media & Publicity Department, ZPM General Headquarters, Aizawl.

Issue No.159 of 2026

Date : 17/9/2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]