A u hnung zuiin Lt Andy L Khobung chu Army officer atan commission a ni ve leh ta!

Aizawl | Sept 5, 2026: Chanmari West-a cheng mek Lalhmingsanga Khobung fapa Lt Andy L Khobung, chu Maratha Light Infantry-a officer ni turin vawiin khan Offcier Training Academy (OTA), Chennai-ah commission a ni a. He thil hi Mizoram tana hun ropui leh hriatreng tlak a ni.

Officer puitling a lo nih takah hian Lt Andy hian rawngbawlna, inpêkna leh inhlanna zinkawng zahawm tak hi Indian army uniform inbelin a zawh chho zel dawn a ni.

He a hlawhtlinna chhinchhiahtlak tak bakah hian Lt Andy Khobung leh a u Capt Dayne Thiamsangliana te hian mêl lung danglam tak an phun a, hriat theih chinah anni hi Mizoram atanga unaua Indian Army a commissioned officer hmasa ber an ni. An hlawhtlinna hi an chhungkaw tan chang ni lovin Mizoram state pum tana thil ropui tak a ni.

Mizoram aṭanga India sipai officer a nihna kawng thui tak hi a huaisenna, invawnna, tumruhna leh ram tana a inpêkna puang chhuaktu a ni.

Lt Andy-a'n bung thar a kai hian Indian army tradition te vawng nung zel se, ram tân huaisenna nen dinhmun harsaah thawkin, hlawhtlinnaah inngaihtlawm tak leh kawng engkima zahawm taka thawk turin kan duhsak e.