Nihar Kanti Chakma-in ngaihdam dil

Aizawl | August 27, 2026: Ex Minister Nihar Kanti Chakma chuan MZP Headquarters, Lunglei leh Mizoram mipui chungah a thiltih avangin, hriatthiamna leh ngaihdamna a dil tih, MZP Hqr Lunglei President hnenah lehkha a thawn.

Nihar Kanti Chakma hian tun hnaia a thu sawi darh chungchangah nimin lam khan, YMA Tlabung Branch leh, khawthlang mipui chungah hriatthiamna leh ngaihdam a lo dil tawh a,

MZP Hqr Lunglei chuan August 26 khan lehkha thawnin, Mizo mipuite hnenah ngaihdam dil turin an hrilh a. MZP hqtrs Lunglei lehkha angin, Nihar kanti Chakma hian vawiinah hriatthiamna leh, ngaihdam dilna lehkha hi a tichhuak leh a ni.

Nihar Kanti Chakma chuan, "MZP Headquarters, Lunglei Ieh Mizoram mipui chungah he ka thil tihpalh avang hian thinlung takin hriatthiamna leh ngaihdamna ka dil takzet a ni. Zirlai tha tak min zirtir a, tun hnua fimkhurna tura min zirtirtu tha tak a nih ngei pawh ka beisei a ni," a ti a.

"Artificial Intelligent (AI) hmanga ka Flyer siam chungchangah turn loh deuhin, MZP Headquarters, Lunglei leh Mizoram mipuite pawi ka sawi palh a, Hnam anga inhnialna chawk chhuak thei thil leh rilru tina thei ka sawi palh hi pawi ka ti takzet a ni. Tunlai khawvel thiamnain a ken tel Al hi ka zir tan ve a, kan tawng(Chakma) a ka ziah, Al hmanga English tawnga ka Iehtir chu nguntak Ieh fimkhur taka lo enfiah leh nachang ka hre lo a, History dik lo a lo awm hlauh mai a, rin loh deuhin a lo viral to bawk si a, pawi ka ti takzet a ni," tiin a lehkhaah hian a ziak bawk.

Chakma community chuan Kum 1947 a India leh Pakistan then hran a nih lai khan, Chittagong hills track chu Muslim ram a ni lo chungin, Pakistan ram chhungah behtir a nih thu sawiin, tunhnaiah Chittagong Hills Track chu India rama beh tir dan kawng an dap nia hriat a ni a.

Hemi hmalakna kal zel ni ngeia hriatin, August.17 chu Chakma Black Day atan hmangin, Mizoram leh ram pawna chakma ten urhsun takin an hmang a ni.

Chakma Black Day 2026 kaihhnawihah Nihar Kanti Chakma chuan Statement a tihchhuahah, Tlabung khua pawh Chittagong Hills Track huam chhunga awm ang leh, South Lushai Hills District a a beh hma zawng, Chittagong hills track huam chhunga awm, chakma luah ram angin a sawi a ni.

He a thusawi hi Tlabung Br YMA, YMA Sub Hqtrs Lunglei leh MZP hqtrs Lunglei ten an duh lohna an tichhuak a ni.

To,

The President,

Mizo Zirlai Pawl Headquarters, Lunglei

Subj: Hriatthiamna leh ngaihdam dilna

Ram tana thawhpui duhtak,

A hmasain chibai ka buk a che.

Artificial Intelligent (AI) hmanga ka Flyer siam chungchangah turn loh deuhin, MZP Headquarters, Lunglei leh Mizoram mipuite pawi ka sawi palh a, Hnam anga inhnialna chawk chhuak thei thil leh rilru tina thei ka sawi palh hi pawi ka ti takzet a ni. Tunlai khawvel thiamnain a ken tel Al hi ka zir tan ve a, kan tawng(Chakma) a ka ziah, Al hmanga English tawnga ka Iehtir chu nguntak Ieh fimkhur taka lo enfiah leh nachang ka hre lo a, History dik lo a lo awm hlauh mai a, rin loh deuhin a lo viral to bawk si a, pawi ka ti takzet a ni.

MZP Headquarters, Lunglei Ieh Mizoram mipui chungah he ka thil tihpalh avang hian thinlung takin hriatthiamna leh ngaihdamna ka dil takzet a ni. Zirlai tha tak min zirtir a, tun hnua fimkhurna tura min zirtirtu tha tak a nih ngei pawh ka beisei a ni.

In khawngaihna diltu,

(NIHAR KANTI CHAKMA)

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]