"Kan Chief Minister hian dawt sawi tawh suh se, Mizo hnam-in zalenna a sual lai leh a kaihhnawiha a dawt sawi te hi pawi kan ti," - Co-ordination Committee on Ex-MNA & PAMRA

Aizawl | August 27, 2026: Co-ordination Committee on Ex Mizo National Army Association (Ex-MNA) & Peace Accord MNF Returnees Association (PAMRA) chuan thuchhuah siamin, "Mizo hnam-in zalenna a sual lai leh a kaihhnawiha a dawt sawi te hi pawi kan ti," an ti.

Co-ordination Committee on Ex Mizo National Army Association (Ex-MNA) & Peace Accord MNF Returnees Association (PAMRA) chuan, "Lalduhoma hian dawt a sawi huai thin hle a. Mizo hnam-in zalenna a sual lai leh a kaihhnawiha a dawt sawi te hi pawi kan ti a, keini hnam Sipaite hian Mizo mipuite hnenah thu dik kan rawn puang chhuak e," an ti.

ZONUNI leh THINGPUISEN-a A DAWT SAWITE :

1. Shillong Accord 1976, a sawi hi a awm lo. Hetah hian khatih laia Chief Mininister Pu Ch Chhunga nen tel vein a in sawi leh nghal a, a phuah chawp mai a ni. Kum 1966 Independence puan atangin Inremna neih 1986 thlengin Pu Laldengan Shillong a rap leh tawh lo.

2. Pu Laldenga hmu turin Londonah Pi Indira Gandhi in a tir lova, Mizoram Pradesh Congress Committee tirh zawk a ni. Pass port a lo nei sa a, a remchan avanga tir an ni.

3. ILP pawh hi Inremna neih hma kha chuan Parliament te duh ang anga tih danglam theih a ni a. Inremna neih atang erawh chuan Inremna Bung 8-na in a sawi angin, Mizoram Sorkar rawn lo chuan tih danglam theih a ni tawh lo.

Pu RK. LIANZUALA (L) HNENA A DAWT SAWI TE :

1) Mizo Hnam Sipai ‘L’ Battalion ah Head Clerk niin a in sawi a, ‘L’ Battalion Longroll (Register Book) ahPu Lalduhoma hming a chuang lo. A insawi anga Clerk hi nise, a ma hming chu a ziah hmaih hauh lovang. ‘L’ Battalion din laia tel, tun thlenga la dam an awm nual a, ‘L’ Battalion ah a awm tih hria an awm lo.

2) Pu R. Thangmawia hova China kal tuma a in sawi hi dawt a ni. Pu R. Thangmawia hi Senator a ni a, China kal tur a Detail a ni lo. China ah hian vawi hnih kal a ni a, a vawi khatna chu Maj Demkhosiek hovin a ni a, a vawi hnihna chu Col. Biakvela hovin a ni.

Pu Lalduhoma hi Mizo Hnam tan Zalenna sualin lo pen chhuak ve se kan ti hle a. Mahse Zalenna suala rammu zawng zawng te hian Pu Lalduhoma a tel ve tih hria kan awm lo hi a mak hle mai. Remna a awm theih nana Pawl hrang hrang leh mimal, Kohhran thlengin hma latu kan hria. Pu Lalduhoma hi chu amah leh amah a insawi tih loh hi chu a hming hi a lang tel ve ngai lo. Chuvangin, Mizoram Chief Minister hian dawt sawi bansan in thudik chauh sawi turin kan ngen a ni.

CO-ORDINATION COMMITTEE ON EX-MIZO NATIONAL ARMY ASSOCIATION AND PEACE ACCORD MNF RETURNEES ASSOCIATION

PRESS RELEASE

*Kan Chief Minister hian dawt sawi tawh suh se.*

Pu Lalduhoma hian dawt a sawi huai thin hle a. Mizo hnam in zalenna a sual lai leh a kaihhnawiha a dawt sawi te hi pawi kan ti a, keini hnam Sipaite hian Mizo mipuite hnenah thu dik kan rawn puang chhuak e.

ZONUNI leh THINGPUISEN-a A DAWT SAWITE :

2. Pu Laldenga hmu turin Londonah Pi Indira Gandhi in a tir lova, Mizoram Pradesh Congress Committee tirh zawk a ni. Pass port a lo nei sa a, a remchan avanga tir an ni.

4. Pu RK. LIANZUALA (L) HNENA A DAWT SAWI TE :

Sd/-

(LALCHHUANAWMA)

Secretary

Co-ordination Committee on Ex-MNA & PAMRA

Dt. 27.8.2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]