MZP leh sorkar aiawh inbia, thuchhuah a awm hma chu MPSC Pisa kai tur dang chhunzawm dawn!

Aizawl | August 12, 2026: MZP leh sorkar aiawh inbia, thuchhuah a awm hma chu MPSC Pisa kai tur dang chhunzawm dawn!

Vawiin August ni 12, 2026(Nilaini) chawhnu dar 1:00 khan Chief Secy Conference Room-ah, DP&AR Secretary Udit Prakash Rai kaihhruainain inkawmhona neih a ni a, he hunah hian MZP hruaitute, MPSC a harsatna tawk zirlai aiawhte leh MPSC thuneitute an tel a ni.

He inkawmhona hunah hian sawrkar aiawh, DP&AR Secretary chuan Mizoram sawrkar in a MPSC Reform Committee din a nih tur thu sawiin, Chief Minister hnen a thlen tawh thu a sawi a ni.

MZP hruaitute leh MPSC a buaina nei aiawh zirlaite chuan, MPSC a buaina hrang hrang chungchang ni 2 chhung Peaceful Protest neih a nih hnu leh ni 3 chhung zet MPSC Pisa kai tur dan a nih hnuah sawrkar aiawh thuneitute ho a meeting neih a ni hi a lawmawm a ti hle a, chutih rual chuan *MPSC Reform committee* dinna *Order* chhuah anih hma chuan August ni 13, 2026(Ningani) zing dar 9:00 atangin MPSC Pisa kai tur chu dan chhunzawm zel nise an ti.