"JCP kuta FCRA 2026 dah a nih theih nana hmalatu Mizoram sorkar leh Kohhran hruaitute chungah lawmthu kan sawi,"

Aizawl | August 12, 2026: Lok Sabha Parliament Monsoon Session chu vawiin khan nei chhunzawmin, Union Home Minister Amit Shah supplementary list of business motion-ah Foreign Contribution (Regulation) Amendment Bill, 2026, (FCRA) chu member 31 awmna Joint Committee of Parliament (JCP) endik hmasak tura thehluh a ni a. Hemi chungchangah hian, ZPM chuan thuchhuah siamin, "JCP kuta FCRA Bill 2026 a awm ngêi theih nana hmalatu Mizoram sorkar leh Kohhran hruaitute chungah lawmthu kan sawi," an ti.

Chief Minister Lalduhoma leh Mizoram Kohhran hruaitu pawl pahnih; Council of Churches in Mizoram (CCM) leh Mizoram Kohhran Hruaitute Committee (MKHC) te hian FCRA Bill 2025 hi JCP kuta a awm ngêi theih nan theih tawp an chhuah a. Chawlhni kal ta August ni 9, 2026 tlai dar 5.00 khan social media X kaltlangin Mizoram sorkar hian ngenna thu a thawn leh a, he hlawhtlinna hmel hmuh a ni ta hi a ropui kan ti tak zet a ni.

FCRA Bill 2026 hi sorkar laipui kuta a awm lâi ngeiin, Mizoram sorkarin a nihna anga pawm mai a nih loh nan a zirchiangtu tur JCP kuta dah a nih theihna turin theihtawp a chhuah chhunzawm a ni a. Tunah he hlawhtlinna ropui tak hi a thleng ta phawt a ni. Mizoram sorkar, mipui leh kohhran te thawhhona rah ṭha tak a thleng ta hi thil chhinchhiahtlak a ni a, hemi atana Union Home Minister Amit Shah inpekna hi thil lawmawm tak a ni a, a chungah lawmthu kan sawi.

FCRA bill 2026 chîk taka endik hmasa tura Joint Committee Parliament kuta dah turah hian member 31 an awm dawn a. Speaker ruat Lok Sabha member 21 leh Chairman ruat Rajya Sabha member 10 awmna Committee a ni ang.

FCRA Bill 2026 avang hian Mizoram Chief Minister Lalduhoma, CCM leh MKHC aiawh ten New Delhi-ah August ni 6, 2026 khan Union Home Minister Amit Shah an hmu a. Minister hnenah hian Memorandum te thehlutin, Amit Shah hian Parliament Session lamah ngaihven zui tur a nih thu a lo hrilh tawh nghe nghe.

Heti taka Mizoram sorkar, kohhran leh mipui ten FCRA Bill 2026 hi a nihna anga pawm a nih mai lohna tura hma lâk a nih lai hian sorkar laipuia sorkar zawm ber MNF erawhin thawm an nei lo. Mizoram aṭanga sorkar laipuia BJP kaihhruai National Democratic Alliance (NDA) zawmpui ber party-in hmalakna lang tham an nei lo hi an demawm hle a ni.

*PRESS RELEASE*

ZPM General Headquarters, Mizoram, Aizawl.

Media & Publicity Department

PR No. ZPM-09/0A/2026/46

Dated aizawl, the 12th August, 2026

*Dated Aizawl, the 12th August, 2026:*

Vawiin August ni 12, 2026 hian Lok Sabha Parliament Monsoon Session nei chhunzawmin, Union Home Minister Amit Shah supplementary list of business motion-ah Foreign Contribution (Regulation) Amendment Bill, 2026, (FCRA) chu member 31 awmna Joint Committee of Parliament (JCP) endik hmasak tura thehluh a ni a. JCP kuta FCRA Bill 2026 a awm ngêi theih nana hmalatu Mizoram sorkar leh Kohhran hruaitute chungah lawmthu kan sawi.

Chief Minister Pu Lalduhoma leh Mizoram Kohhran hruaitu pawl pahnih; Council of Churches in Mizoram (CCM) leh Mizoram Kohhran Hruaitute Committee (MKHC) te hian FCRA Bill 2025 hi JCP kuta a awm ngêi theih nan theih tawp an chhuah a. Chawlhni kal ta August ni 9, 2026 tlai dar 5.00 khan social media X kaltlangin Mizoram sorkar hian ngenna thu a thawn leh a, he hlawhtlinna hmel hmuh a ni ta hi a ropui kan ti tak zet a ni.

FCRA Bill 2026 avang hian Mizoram Chief Minister Pu Lalduhoma, CCM leh MKHC aiawh ten New Delhi-ah August ni 6, 2026 khan Union Home Minister Amit Shah an hmu a. Minister hnenah hian Memorandum te thehlutin, Amit Shah hian Parliament Session lamah ngaihven zui tur a nih thu a lo hrilh tawh nghe nghe.

Sd/-

(ZOHMINGTHANGA TLAU)

Joint Secretary

Media & Publicity Department

ZPM General Headquarters

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]