"MPSC zahawmna humhim leh hnazawng mek te tana rintlak a nih zel hi MZP chuan a duh a, tun hnuah mipuia insawifiah leh midang dem ringawt loin, rintlak leh rinngam ni tura an insiamthat zel hi kan beisei tak meuh a ni," ~ MZP
Aizawl | August 13, 2026: MZP chuan thuchhuah siamin, "MPSC zahawmna humhim leh hnazawng mek te tana rintlak a nih zel hi MZP chuan a duh a, tun hnuah mipuia insawifiah leh midang dem ringawt loin, rintlak leh rinngam ni tura an insiamthat zel hi kan beisei tak meuh a ni," an ti.
Mizo Zirlai Pawl (MZP) chuan Mizoram Public Service Commission (MPSC) a buaina tam tak awm avanga siamthat hnatlang ni nga (5) chhung a neih hnu-ah Mizoram Sorkar hnena MZP ngenna DP&AR changtu Chief Minister zahawm takin ngaipawimawh a Reform Committee “Committee to review the recruitment framework and process for public recruitment in the Government of Mizoram” a dinna order a chhuah tak avangin ni 12 August, 2026 khan ‘MPSC siamthat hnatlang’ chu a titawp ve nghal a. MZP chuan Zirlai hnazawng mek te tana recruitment process felfai zawk kalpui a nih theihna tura Mizoram sorkar-in Committee a din chu lawmawm a ti a, Mizoram sorkar hnenah pawh lawmthu a sawi a ni.
He Committee Chairman-in MZP leh Aspirant te chu an lungawi lohna zawng zawng leh MPSC a siamthat ngaite ziaka Committee-ah thehlut tura a sawm angin thehluh a ni dawn a. Chung an thehluh point hrang hrangte chu he Committee-in thla hnih chhungin zirchiang in, recommendation a siam dawn a, chung te pawh MZP chuan a vil zui zel dawn a ni.
MZP chuan he Committee-ah hian beiseina sang tak a nei a, MZP pawh committee-in a mamawhna apiangah chet chhuah a in peih reng a. Candidate te harsatna tawh mek chungchanga Chief Secretary in One Time Registration (OTR) bikah helpline siam a nih tur thu alo sawi tawh chu lawmawm kan ti a, Meeting-a DP&AR Secretary-in a sawi chhuah ang ngeia applicants ten OTR-a harsatna an neih zawng zawngah tanpui ngei tur leh candidate tumahin harsatna an tawh zuiloh kan beisei bawk a ni.
OTR chungchanga MPSC insawifiahna hi Mizo mipuite hmaa chiang zawka sawifiah kan duh a - Online Portal 2.0 hman tan tirhah khan Jr. Grade of MAH&VS candidate ten buaina an tawk a, Post 4 (pali) lakturah Written exam hmachhawn mi 74 an awm a, mi pali (4) chiah Interview tura koh niin, mi sawmsarih (70) i.e 94% te chu OTR-ah document upload-na a awm loh avangin Mizoram State Veterinary Council emaw Veterinary Council of India registration Certificate an upload lo a, chumi avang chuan reject / disqualified an ni. OTR-a Form an fillup hunlai 11th September, 2025 - 10th October, 2025 hian Online Portal ala changtlung lo hle a. Advertisement in a sawi Eligibility a Mandatory Document upload na tur Slot a Provide a awmlo hrim hrim bawk a. Tin, OTR la changtlun tawk loh avang leh OTR-a Others hman dan tur Instruction engmah a awmlo hrim hrim a ni.
Online Portal thar 2.0/OTR-ah hian Mandatory Document upload na hmun tur (slot) a awmlo a, document dang zawng zawng Others ah Upload vek tur tih Instruction an pek bawk siloh laia disqualification (Any Candidate who, on verification at any stage of the recruitment process, does not fulfil any of the eligibility conditions will be disqualified) kalpui nana hman leh si chu thil dik a ni lova, OTR-ah document ngai zawng zawng upload-na tur a awm miau loh avangin Candidate te thiam lohah kan ngai lova, OTR changtlun tawk loh vanga buaina awm a nih angin hnawl mai lo a, a taka (physical verification) endik hna hi kalpui zawk turah kan ngai.
Jr. Grade of MAH&VS Candidate buaina tawk te chu High Court-ah kalin Court chuan OTR system felfai loh vanga candidate te dikna chanvo hnawl chu tha ti lovin thutlukna a siam a, MPSC chu Personal Interview-ah mi 14 ko turin alo hriattir tawh a, Interview pawh zawh tawh a ni. An system chungchangah pawh 10th August, 2026 an MPSC Press note 3 of 2026 ah “Hetih lai hian, MZP hruaitute pawhin OTR hi an ngaihven êm avangin anni nen pawh sawihona leh demonstration te pawh neih a lo ni tawh a. An duhdan rawn thlen te pawh a theih chin chinah tih hlawntlin a niin, MPSC online portal pawh nasa taka tih changtlun chhoh zel a ni. Tuna buaina awm mek ang chi hi chu hun rei lote hnuah chuan kiang thuai tura beisei a ni.” an tih hian Candidate te thiam loh ni lovin Online Portal 2.0 system la fel famkim tawkloh zia a tarlang chiang hle a ni.
MZP chuan hetiang ang buaina hi MAH&VS ah chauh nilo, Candidate tam zawkah a thleng chho zel chu pawi a ti hle a. Technical Problem avang leh MPSC atanga Instruction felfai a awm loh avanga Candidate te tawrh tir chu India danpui, Article 14 (Equality before the law) leh Article 16 (Equality of opportunity in matters of public employment) palzutna lian takah a ngai a ni. Rajesh Kumar V. Bihar Public Service Commission (BPSC), Official Citation: 2023 4 Supreme Court Case (SCC) 690, He Court Case ah hian Candidate te chu Exam phal sak an nih hnu in Written result chhuak-ah Candidate tam tak an reject/disqualified leh thut si a, a chhan BPSC in a tlawhchhan ah Evaluation Method thar an hman vang a nih thu an sawi a, heihi Candidate te chuan exam hmain an hriat loh thu an sawi a ni. Supreme Court thleng he thu hi kalin a tawp-ah Court chuan Candidate tam tak nghawng a nih avangin Candidate te fimkhur loh vangah a ngai lova, “Fiah leh Chiang taka Information/Notice pek tawh tur a ni,” tiin result tih chhuah tawh chu ngaihtuah tha leh a “Reconsider” turin Commission chu a hriattir a ni.
Mipui leh Social Media hmangtu tam tak in - mi tlemte harsatna avanga mi tam tak tawrhna thlen leh mi tlemte thiamloh avanga buaina siam anga MZP te puhna awm hi thil a nihna tak hrelo a, chhui peihloh vang leh engmah thu bulbal hre silo a sawi ve mai mai vangah kan ngai a. System tha ni sela candidate tumah hi an buailo ang a, equal opportunity candidate zawng zawng ten an nei thei ang.
Court-a thubuai inchiah mek avanga engmah ti theilo anga MPSC insawifiahna leh tunah engmah tihdanglam ngawt a rem loh thu an tarlan hi mipui hruai kawi tumna a ni em tih kan zawt nawn duh bawk. Nimin-a DP&AR Secretary kaihhruaia meeting-ah heng court case sub judice te hi specific case nge a nih a MPSC exam process zawng zawng tiha kan zawhna chu chhana mumal kan hmu theilo a, an Press Note-ah hian an thil hriatchianloh an chhuah ta mai em ni tih hi kan zawhna a ni.
MPSC zahawmna humhim leh hnazawng mek te tana rintlak anih zel hi MZP chuan a duh a, tun hnuah mipuia insawifiah leh midang dem ringawt loin, rintlak leh rinngam ni tura an insiamthat zel hi kan beisei tak meuh a ni.
No.E-93/MZP-GHQ/2025-2027/45
Dated Aizawl, the 13th August, 2026
*PRESS RELEASE*
Mizo Zirlai Pawl (MZP) chuan Mizoram Public Service Commission (MPSC) a buaina tam tak awm avanga siamthat hnatlang ni nga (5) chhung a neih hnu-ah Mizoram Sorkar hnena MZP ngenna DP&AR changtu Chief Minister zahawm takin ngaipawimawh a Reform Committee “Committee to review the recruitment framework and process for public recruitment in the Government of Mizoram” a dinna order a chhuah tak avangin ni 12 August, 2026 khan ‘MPSC siamthat hnatlang’ chu a titawp ve nghal a. MZP chuan Zirlai hnazawng mek te tana recruitment process felfai zawk kalpui a nih theihna tura Mizoram sorkar-in Committee a din chu lawmawm a ti a, Mizoram sorkar hnenah pawh lawmthu a sawi a ni.
He Committee Chairman-in MZP leh Aspirant te chu an lungawi lohna zawng zawng leh MPSC a siamthat ngaite ziaka Committee-ah thehlut tura a sawm angin thehluh a ni dawn a. Chung an thehluh point hrang hrangte chu he Committee-in thla hnih chhungin zirchiang in, recommendation a siam dawn a, chung te pawh MZP chuan a vil zui zel dawn a ni.
MZP chuan he Committee-ah hian beiseina sang tak a nei a, MZP pawh committee-in a mamawhna apiangah chet chhuah a in peih reng a. Candidate te harsatna tawh mek chungchanga Chief Secretary in One Time Registration (OTR) bikah helpline siam a nih tur thu alo sawi tawh chu lawmawm kan ti a, Meeting-a DP&AR Secretary-in a sawi chhuah ang ngeia applicants ten OTR-a harsatna an neih zawng zawngah tanpui ngei tur leh candidate tumahin harsatna an tawh zuiloh kan beisei bawk a ni.
OTR chungchanga MPSC insawifiahna hi Mizo mipuite hmaa chiang zawka sawifiah kan duh a - Online Portal 2.0 hman tan tirhah khan Jr. Grade of MAH&VS candidate ten buaina an tawk a, Post 4 (pali) lakturah Written exam hmachhawn mi 74 an awm a, mi pali (4) chiah Interview tura koh niin, mi sawmsarih (70) i.e 94% te chu OTR-ah document upload-na a awm loh avangin Mizoram State Veterinary Council emaw Veterinary Council of India registration Certificate an upload lo a, chumi avang chuan reject/disqualified an ni. OTR-a Form an fillup hunlai 11th September, 2025 - 10th October, 2025 hian Online Portal ala changtlung lo hle a. Advertisement in a sawi Eligibility a Mandatory Document upload na tur Slot a Provide a awmlo hrim hrim bawk a. Tin, OTR la changtlun tawk loh avang leh OTR-a Others hman dan tur Instruction engmah a awmlo hrim hrim a ni.
Online Portal thar 2.0/OTR-ah hian Mandatory Document upload na hmun tur (slot) a awmlo a, document dang zawng zawng Others ah Upload vek tur tih Instruction an pek bawk siloh laia disqualification (Any Candidate who, on verification at any stage of the recruitment process, does not fulfil any of the eligibility conditions will be disqualified) kalpui nana hman leh si chu thil dik a ni lova, OTR-ah document ngai zawng zawng upload-na tur a awm miau loh avangin Candidate te thiam lohah kan ngai lova, OTR changtlun tawk loh vanga buaina awm a nih angin hnawl mai lo a, a taka (physical verification) endik hna hi kalpui zawk turah kan ngai.
Jr. Grade of MAH&VS Candidate buaina tawk te chu High Court-ah kalin Court chuan OTR system felfai loh vanga candidate te dikna chanvo hnawl chu tha ti lovin thutlukna a siam a, MPSC chu Personal Interview-ah mi 14 ko turin alo hriattir tawh a, Interview pawh zawh tawh a ni. An system chungchangah pawh 10th August, 2026 an MPSC Press note 3 of 2026 ah “Hetih lai hian, MZP hruaitute pawhin OTR hi an ngaihven êm avangin anni nen pawh sawihona leh demonstration te pawh neih a lo ni tawh a. An duhdan rawn thlen te pawh a theih chin chinah tih hlawntlin a niin, MPSC online portal pawh nasa taka tih changtlun chhoh zel a ni. Tuna buaina awm mek ang chi hi chu hun rei lote hnuah chuan kiang thuai tura beisei a ni.” an tih hian Candidate te thiam loh ni lovin Online Portal 2.0 system la fel famkim tawkloh zia a tarlang chiang hle a ni.
MZP chuan hetiang ang buaina hi MAH&VS ah chauh nilo, Candidate tam zawkah a thleng chho zel chu pawi a ti hle a. Technical Problem avang leh MPSC atanga Instruction felfai a awm loh avanga Candidate te tawrh tir chu India danpui, Article 14 (Equality before the law) leh Article 16 (Equality of opportunity in matters of public employment) palzutna lian takah a ngai a ni. Rajesh Kumar V. Bihar Public Service Commission (BPSC), Official Citation: 2023 4 Supreme Court Case (SCC) 690, He Court Case ah hian Candidate te chu Exam phal sak an nih hnu in Written result chhuak-ah Candidate tam tak an reject/disqualified leh thut si a, a chhan BPSC in a tlawhchhan ah Evaluation Method thar an hman vang a nih thu an sawi a, heihi Candidate te chuan exam hmain an hriat loh thu an sawi a ni. Supreme Court thleng he thu hi kalin a tawp-ah Court chuan Candidate tam tak nghawng a nih avangin Candidate te fimkhur loh vangah a ngai lova, “Fiah leh Chiang taka Information/Notice pek tawh tur a ni,” tiin result tih chhuah tawh chu ngaihtuah tha leh a “Reconsider” turin Commission chu a hriattir a ni.
Mipui leh Social Media hmangtu tam tak in - mi tlemte harsatna avanga mi tam tak tawrhna thlen leh mi tlemte thiamloh avanga buaina siam anga MZP te puhna awm hi thil a nihna tak hrelo a, chhui peihloh vang leh engmah thu bulbal hre silo a sawi ve mai mai vangah kan ngai a. System tha ni sela candidate tumah hi an buailo ang a, equal opportunity candidate zawng zawng ten an nei thei ang.
Court-a thubuai inchiah mek avanga engmah ti theilo anga MPSC insawifiahna leh tunah engmah tihdanglam ngawt a rem loh thu an tarlan hi mipui hruai kawi tumna a ni em tih kan zawt nawn duh bawk. Nimin-a DP&AR Secretary kaihhruaia meeting-ah heng court case sub judice te hi specific case nge a nih a MPSC exam process zawng zawng tiha kan zawhna chu chhana mumal kan hmu theilo a, an Press Note-ah hian an thil hriatchianloh an chhuah ta mai em ni tih hi kan zawhna a ni.
MPSC zahawmna humhim leh hnazawng mek te tana rintlak anih zel hi MZP chuan a duh a, tun hnuah mipuia insawifiah leh midang dem ringawt loin, rintlak leh rinngam ni tura an insiamthat zel hi kan beisei tak meuh a ni.
Sd/-
(LALENTLINGA)
Asst. General Secretary
Contact : +91 9612556605
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: