Aizawl | August 28, 2026: Mizo film 'TLAIZAWNG (Ka beiseina chelhtu)' chu August 7 zan khan vanapa hall-ah tlangzarh a ni a, vawiin thleng hian, nuai 10 chuang an lalut tawh. Lemchan thiam tawnhriat la nei lote an che ṭha hle.
He film hi Lersia play leh Runmawi-ah te e theihin dah a ni a, full HD hi cheng ₹250 man niin, Lersia atanga an hralhna ringawt pawh hi nuai 10 a chuang tawh a, Runmawi nen chuan, nuai 15 a la tling lo deuh ang a, a inkar velah an su mek niin an ngai.
Zote Entertainment hian 'TLAIZAWNG (Ka beiseina chelhtu)' siam nan hian cheng nuai 6 sen a ni a, Aizawl khawpui chhung - chawnpui leh kanan vengah te an chang a ni. Ffilm chang thiam hriat hlawh sa an inlan nual a, chutih laiin, Mizo film industry-a hmel thar hlak - Lalbiakdiki Chhangte kan hmu a, ani hi bawihpuii lemah rawn changin, mi thenkhat ngei hlawh khawpin a rawn phochhuak thiam a, lemchan lama a ropui zia a rawn lantir chiang hle. Mi thar Agnes Chawngthu a lang a, a lang rei lo na a, pawl 12 zirlai hian a chanpual a hneh sawh hle. Cafe-a nula lo lang ve, Lalengmawii pawh, film-a a inlan vawikhatna a ni a, he film hian Mizo film industry-ah mi thar a seng lut nual a ni.
A changtunu ber Esther Tlau pawh lead role a chan vawikhatna a ni a, a film pakhatna tia sawi theih a nihna chin a tam, an ti. He Saitual nula hi KTP General Conference 2026, Saitual-ah usher niin a thlalak a darh nasa a, KTP huangah chuan, a hmel tal lo hre tawhtu an tam hle. 'Tlaizawng'-ah lemchan lama a lo ril zia a rawn lantir a, ngainatu an tam viau niin thu dawnnnain a sawi.
A changtupa farnu lema thiam taka chang Awmawmi Khawlhring pawh, a vawi hnih inlanna niin, 'conductor zara' ah a lo inlan tawh a, Nu Machhungi leh Maawma Ngente te erawh, sawi ngai lo khawpa mi hriat hlawh sa an ni. A changtupa ber Hriatpuia hi film-ah a inlan vawi hnih a ni a, 'Tlan rawh' film-ah changtupa a ni tawh.
He thawnthu leh film hi Mike (Zote Entertainment) ziah leh direct a ni a, Kevin Lalruatfela chu assistant director a ni. Kevin hi Nu Machhungi fapa a ni bawk. Production Manager-ah Eli Siakeng a awm a, ani hia film-ah pawh a inlan ve a, nu machhungi thian tha ber a ni!
Director Mike chuan, "a changtute'n theihtawp tak meuh meuh an chhuah a, he dinhmun hi a thleng a ni. Anni hian chang kher lo se, he film dinhmun hi a danglam dawrhin ka ring," a ti.
A changtute leh crew te thawhhona that zia leh, a tul hunah chuan, mimal inlaichinna an neih te an dah bo thiam zia sawiin, "Nu machhungi leh Kevin pawh nufa an ni a, mahse, nufa an nihna dahbo thakin an thawk dun fo thin," tiin a thawhpuite a fak a ni.
A thawnthu chu:
Ngurpuii chuan a chhungte remti lo leh phallo chung chu Pasal a nei a, Mahse beisei loh takin a Chhul a fel loh avangin Nau a keng thei lova, chu thil avang chuan a Pasal anu chuan a lakah sual chhuah in a ti duh dah em em a, chu lai karah a in nghahna ber a Pasal lah chu a lerh bakah Nute thu thu a awm leh Nupui te thlavang pawh hauh ngamlo alo ni bawk nen, a khawvel a thim em em a, chu thil chuan a Rilru lam thlengin nghawng nasa tak a nei chho a ni. Ngurpuii chuan engtin nge chu a khawvel chu a hmachhawn anga, Heng harsatna hi engtin nge a sual let ang?
Film-a an kawr hak kha??
Khang an kawr hak, a hmaa thil inziak / print maiw tak tak te kha Traditional Twist te kutchhuak a ni a, anni hian Zarkawt leh Dawrpui-ah dawr an nei a, district hrang hrangah zawmpui neiin, Mizoram-a clothing brand thang duang ber leh mipui duh rawn an ni mek a ni. An thil siam-in a zir a, an kutchhuak a mawi bawk a, hnam dang, a bikin ram pawn lam khualzin te'n Mizoram an rawn zin hriatreng nana an thil hawnah Traditional Twist te siam T Shirt hi a tel zel tawh a, Mizo ram danga awmte pawhin, an chhhungte leh thiante an chah awl lo a ni.
Khang an kawr hak, a hmaa thil inziak / print maiw tak tak te kha Traditional Twist te kutchhuak a ni a, anni hian Zarkawt leh Dawrpui-ah dawr an nei a, district hrang hrangah zawmpui neiin, Mizoram-a clothing brand thang duang ber leh mipui duh rawn an ni mek a ni. An thil siam-in a zir a, an kutchhuak a mawi bawk a, hnam dang, a bikin ram pawn lam khualzin te'n Mizoram an rawn zin hriatreng nana an thil hawnah Traditional Twist te siam T Shirt hi a tel zel tawh a, Mizo ram danga awmte pawhin, an chhhungte leh thiante an chah awl lo a ni.
| Written & Directed by MIKE Produced by Zote Entertainment Asst. Director KEVIN LALRUATFELA Production Manager ELI SIAKENG Director of Photography MIKE Camera RAMHLIMPUIA MIKE Visual Effect Supervisor Diffusion G Editing MIKE |
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: