"A that loh zia kan hriat chian em avangin Congress party chuan VB-GRAMG hi kan duh lo a ni,"

Aizawl | August 28, 2026: MPCC President Lal Thanzara chuan nimin chhun khan press mite kawmin, ""A that loh zia kan hriat chian em avangin Congress party chuan VB-GRAMG hi kan duh lo a ni," a ti.

Congress Working Commi ee (CWC) chuan August 19, 2026 khan Indira Bhavan, New Delhi khawpui-ah in hmukhawmna neiin BJP Sawrkar in Vande Mataram, India mipui sak luih r an tum chu ngun takin ngaihtuahna a neih hnuah kum 1937 a CWC in an lo rel tawh angin hla chang 1 na leh 2 na chauh hi sak nise in thluthlukna an siam a ni. Hemi thuthluk na an siam chhan hi a chang 1 na leh chang 2 na hi ram hmangaihna thu leh hla a ni a. A chang dang erawh hi chu Hindu sakhua Durga leh Lakshmi biakna leh fakna thu anih avangin sakhaw dang be tu leh ringtu te tan sak a rem veloh vang a ni. Mizoram Pradesh Congress Commi ee chuan kan ram kan hnam kan sakhua a him zel theih nan Vande Mataram a vaia sak luih r tum na hi kan do zel dawn a. India hi sakhua zalenna ram a nia, pangpar huan pakhata pangpar hrang hrang mawi taka an par za angin, mipui te pawh chi, hnam leh sakhua inthliarna awm lova zalen taka khawsa tlang ho tur kan ni.

Foreign Contribution (Regula on) Amendment Bill, 2026 in a tum ber hi chu ram pawn atanga tanpuina hmanga minority leh Chris an ten India ram mipui te tana lo din school, college, hospital leh charity home chhuanlam chi hrang hrang hmanga htawp leh chhuhsak tumna a ni a, a bill-ah chiang takin a in ziak a ni. Kohhran mipui tawngtaina leh dodalna a nasat avangin BJP sawrkar chuan Joint Parliamentary Commi ee (JPC) ngaihtuah atan a pe a. He JPC member te hi a tam zawk BJP mi leh sa annih dawn a vangin Congress Party chuan tha kan loa, ngaihthatna tur a awm kan hre lo. Mizoram Pradesh Congress Commi ee chuan FCRA Bill 2026 duhloh lan r nan July 21, 2026 khan Black Day kan lo hmang tawh bawk ani. Congress Party chuan he Bill hi Parliament-ah pass anih loh nan hma kan la ang a, kan do zel dawn a ni.

India kut hnathawk tute chawikan nana Congress Sawrkar in an lo din tawh MGNREGA chu BJP sawrkar in VB-G RAM G in an thlak a. Miharsa zawk tamtak ten inhlawh fak nan an hman thin kha tunah hi chuan thla tamtak an hnathawh hlawh pawh hmu theilo in an awm a ni. An inhlawh theihna ni zat pawh a hma aiin a tlem ta sawt a, VB-G RAM G hi hlawhtling lo tura duan sa a ni, a chhan chu VB-G RAM G Act ah hian mipuiin thu neihna a nei tawh lova Central sawrkar in fund alloca on ah hian duhsak zawng leh duhsakloh state neihtheihna thuneihna sang tak a nei a ni.

MGNREGA ah chuan mipui in thuneihna sang tak neiin an mamawh ang in sawrkar in inhlawhna a siam sak thin a ni, thleibik nei lovin Central sawrkar in za a za a tum thin a ni. VB-G RAM G ah erawh hi chuan za a sawmli (100:40) state lian in a tum anga, keini state tenau ho chuan za a sawm (100:10) kan tum a ngai thung a ni. Mipui atanga chhiah pung a sum leh pai zawng ringawt sawrkar tan chuan kut hnathawk tute hlawh tur za a sawm (100:10) tum reng hi chu a harsa dawn a ni. Kut hnathawk tute tana a that loh zia kan hriat chian em avangin Congress party chuan hemi VB-G RAM G hi kan duh lo a ni. Pathian leh mipui zara kan sawrkar leh anih chuan kan hotuten a ngai anga kut hnathawk tuten hamthatna an hmuh leh theih nan MGNREGA din that leh an tum a ni.