"khawvelah hian eng thil pawh ti ila sawiseltu leh sawiselna kan dawng reng dawn tih hriat a ṭul; "Sawiselna kan dawn thin te hi buaina min thlentu an nih fo chuan hmasawn kan tumna kawng daltu lian tak a ni thei," ~ B Lalchhanzova

Aizawl | August 28, 2026: ICFAI University Mizoram Freshers' Social Programme August 28, 2026 (Zirtawpni) a Dawrpui Multiputpose hall-a hman chu Khuallian Minister of State B Lalchhanzova'n hmanpuiin, zirlaite chu thutlukna harsa tak tak siam ngai an hmanchhawn hunah Decision thlak zung zung loa nghet taka an dinpui theih tur leh an vawn tlat theih tur thutlukna siam ṭhin turin a chah. Eng thil emaw ina kan nun a rawn sut dawt changa rilru fim puloa thutlukna kan siam nghal zung zung hian kan hma huna nghawng thalo thlentirtu a ni thei a ni tih hriaa harsatna leh buaina kan hmanchhawnin rilru fim tak pu chunga thutlukna siam thin turin a chah a ni.

B Lalchhanzova chuan, khawvelah hian eng thil pawh ti ila sawiseltu leh sawiselna kan dawng reng dawn tih hriat a ṭul hle a ni a ti. Sawiselna kan dawn thin te hi buaina min thlentu an nih fo chuan hmasawn kan tumna kawng daltu lian tak a ni thei tih hriaa sawiselna karah pawh dik nia kan hriatah chuan huaisen taka din tlat a ṭul thu sawiin kan duh loh zawng thil alo thlen pawn tliakhnawp mai lova dawngsawng thiam zirlai ni turin kalkhawm te a chah a ni. Khawvela awm kan nih angin kan rin deuhin min rinawmawm loh san a nih pawn mihring ve tho a lawm tiin rilru ti zau thin ila, chutiang rilru nei ṭhin te chu khawtlang leh chhungkaw tan chenpui nuam leh thawhpui nuam an ni thina chutiang ang nun nei zirlai ni turin a chah a ni.

Minister chuan Zirlaite chu lehkha zir mangloa pass ṭhat tum zirlai nilo turin a chah a, kan zir ṭhat loh chuan pass ṭhat a har tih hretu kan nih angin zir tam a ṭul a, Lehkha zir tam apiangin zir nuam an ti a, Lehkha zir nuam tithei tur khawpa zir tam turin Zirlaite a fuih a ni.

He hunah hian zirlaite nen Interaction hun tawi hman a niin zirlaite pawn nuam an ti hle a ni.