Aizawl | August 28, 2026: Congress Bhawan-a vawiina Mizoram Pradesh Congress Committee Political Session-ah MPCC chuan Vice President C Ngunlianchunga MLA chuan thu sawiin, 'Congress ah pawl pawl a awm ve lo. Hruaitu kan nei ṭha' a ti.
.jpeg)
"Ram hruaina hna hi thusawi thiam avanga thawh chi a ni lo. Mosia pawh thusawi thiam a ni lo, a dang a awk a. Mahse thusawi tur a nau Arona a awm ang khan keini pawh pa ṭha tak, kan hotupa Lal Thanzara hi thusawi thiam a ni lo. Mahse a bulah IAS retired te, politics a tawnhriat nei dang hotute kan nei." tiin Ngunlianchunga chuan a sawi a.
"Ram hruaitu ni tur hian a pawimawh ber chu thusawi thiam ni lovin, hnathawk thei tur, thu dik sawi thin leh thutiama rinawm a ni. Chutiang hruaitu chu Congress in kan nei." a ti bawk.
Pathianin Congress hi he ram hruai leh turin mal a sawm dawn a, a dinthar leh dawn tih hi ka ring tlat a ni. He party hi Pathianin he ram tan mal a lo sawm tawh thin, thil tha tam tak a lo titawh thin, chakloh leh fuallaite pawh a tawng thin a. Mahse, Pathianin min kai tho leh ang. Mi tam tak ten Congress chu in beiseiawm 'mahse' a awm thin. Vawiinah hian 'mahse' a bo ta.
ZPM party chu loh theih lohin an inthlan turte pawh inthlang thei lovin an hotu turte VUC in ruat rawh se an ti a. Inrem awm taka lang inrem si lo an nia, thi reng sia nung hmingpu tih ang deuh khan inrem hauh si lovin inrem awm ang takin ankal mek a, hei hian kum 2028 ah nghawng a nei ngei ang.
MNF unau te pawh an fello e, an tha lo e kan ti lo va, an dinhmun erawh kan hria a ni. MLA 10 an nei a, a kang lam ai chuan a hniam lam an pan zel, a chhan chu high-level-ah hnawk a awm tlat niin an hria a. Chuvangin, phurna a awm lo a ni. Mihringah phurna a awm loh chuan taksa a chak tak tak theihloh.
ZPM leh MNF te hian NDA nih an inchuh mek a, Pu Modi leh Pu Shah te hian tu nge an pawm zawk dawn kan hre lo a ni.
Sorkar felloh leh thatlohna ngawr ngawr sawi tum ka ni lo. Tuna kan sorkar hrawn mek hi Zoram chauh ni lo khawvel puma Zofa ten kan hria a ni. Inthlan hma in thil tha zawng zawng min tiam a, mipui ten beiseina sang tak neiin vote an pe a, an sorkar ta reng a ni.
Ka sawi ve tlat chu kan ti ang an tih ang tih hi chu an la tifamkim hman lo a nih pawhin nghak ila, va vuak zawt zawt a la hun lo va.
Kan tilo ang an tih an tilai tak hi a pawi ka tia, kum 2023 inthlan dawn an boruak leh tuna an boruak chu mipuiah nasa takin a tlahniam a ni. Kan ti lo ang an tih nasat avangin anmahni vote tu ten ka vote tawh dawn lo ti hi an tam a ni.
Ruling lai an nia tha viau ah an inngaia a dik ang a, mahse, mi thinlung chhungril erawh kan hriatphak loh a nia, inthlan dawna thil tha min tiamna leh kan ti ang an tih kha mipuiin an ring a, chutiang roreltu chu a lawm kan mamawh tiin rorelna an pe a ni.
An sorkar ta cheng a, kan ti lo ang an tih chu kan ti ang tihah a inlet ta a. Thil reng reng hi a hmaa tha lo kan tih pawh, a lo tha ta a, a hmaa tha kan tih te pawh a lo tha lova tiin a phakual ta mai mai a. Chu chuan vote tling tute a hneh lovin ka hria.
Kan ti lo ang an tih an ti pawp pawp te, chhiah kan tipung lo ang an tia. Stamp duty te a bin tawpin an han tipung a, in hmun hming thlak tur ringawt pawhin sum chawi ngai a tam lutuk.
Electric bill kan tipung lo ang an tia, a thu chuan an tipung lo, mahse billing system ah an 'trick' ta a ni. Smart meter an tia mipui min ngai pawimawh lo khawp mai a, thingtlang bialtu tan phei chuan phurrit a nia. Buhfai man a letin an tipung phawt mai a. Aizawl tan chuan eng a ni lo ang thingtlang kuthnathawka awm te tan chuan phurrit a ni.
He sorkar kal mekah hian mipui dimna leh zahna nei lovin a let thawk thawkin kan chhiah chawi te leh buhfai man te an ti sang a ni. Ka sel ngawr ngawr a ni lo, an tihdikloh chu kan sawi ngam tur a ni.
Kan sorkar chuan kum 15 daih kawng kan siam ang an tia, kum thum an kal dawn ta, kawng siamna hun chu a awm ve tawh a ni. Tuna an siam lohin engtikah nge an siam ang?
Kan ti ang an tih, kan ti lo ang an tih sawi tur a tam lutuk, sawisen a ni lo. Restricted Tender kan sorkar hunah chuan a awm vak in ka ring lo tiin an sawi a. Mahse, vawiinah chuan sorkar kal tawh zawng zawngah Restricted Tender ti tam ber sorkar an ni lawi si a, a manganthlak a ni.
MUHCS te hi universal healthcare a nia mitin huap tur a nia, eng vangin nge MUCHS hian Aizawl khawpuia kan damdawi in tha private hospital te hi empanelled ah an dah duh ve tlat loh, anni aia rate sang daih zawk Delhi, Kolkata a damdawi In te rate sang tak tak empanelled ah an dah lawi si a.
Private hosipital te ka bia a, sorkar in an rate min 'offer' hi kan tan tihngaihna a awm lo an ti a. Eng vangin nge private hospital te hi rate inang tlang turin sorkarin a biak loh?
Phaia damdawi empanelled te hi Aizawla private Damdawi In cabin te aia nuam lo zawk mah leh man sang zawk fe an ni hlawm.
MUCHS hi Universal ti si hian enga ti nge kan doctor thiam te pan theih loh a an siam hi zawhna ka zawt a ni. Heng thilah hian hmaih neih lian tak a awm a, thil inphumru awm a awm em ni tiin zawhna ka zawt duh a ni.
Ngunlianchunga chuan, "Remna chung changa lal lukhum khum tur an awm a nih chuan Pu Lal Thanhawla a ni." a ti a. "Inremna thuthlung kan CM in a sawi dan hi a ṭullo hle in ka hria. India leh MNF inremna emaw, tute inremna pawh lo ni se, rambuai hreawmzia, zoram mangangin a rum a, kohhran, NGO, mipui kan rûm a, khami titawp tura remna awm kha a tawk mai. Kha inremnaah khan mipui, sorkar pawh kan tel vek a ni."
"Khang zoram mipui tawrhna titawp tura remna a awm theih nana MNF te hnena lal ṭhutthleng CM kiantu chu Pu Lal Thanhawla a ni" tiin "Remna leh muanna avanga lal lukhum khum tur an awm a nih chuan Pu Lal Thanhawla hi a ni" tiin Ngunlianchunga chuan a sawi bawk.
MPCC/Media/PR-2026/61
Dated: Aizawl, August 28, 2026
PRESS RELEASE
Congress ah pawl pawl a awm ve lo. Hruaitu kan nei ṭha
Vawiin August 28, 2026 Zirtawp hian Mizoram Pradesh Congress Committee chuan Political Session kan nei a, he hunah hian C. Ngunlianchunga MLA, Vice-President, MPCC chuan thu a sawi.
MPCC Vice-President C.Ngunlianchunga chuan, 'Congress ah pawl pawl a awm ve lo. Hruaitu kan nei ṭha' a ti.
"Ram hruaina hna hi thusawi thiam avanga thawh chi a ni lo. Mosia pawh thusawi thiam a ni lo, a dang a awk a. Mahse thusawi tur a nau Arona a awm ang khan keini pawh pa ṭha tak, kan hotupa Pu Lal Thanzara hi thusawi thiam a ni lo. Mahse a bulah IAS retired te, politics a tawnhriat nei dang hotute kan nei." tiin Ngunlianchunga chuan a sawi a.
"Ram hruaitu ni tur hian a pawimawh ber chu thusawi thiam ni lovin, hnathawk thei tur, thu dik sawi thin leh thutiama rinawm a ni. Chutiang hruaitu chu Congress in kan nei." a ti bawk.
Pathianin Congress hi he ram hruai leh turin mal a sawm dawn a, a dinthar leh dawn tih hi ka ring tlat a ni. He party hi Pathianin he ram tan mal a lo sawm tawh thin, thil tha tam tak a lo titawh thin, chakloh leh fuallaite pawh a tawng thin a. Mahse, Pathianin min kai tho leh ang. Mi tam tak ten Congress chu in beiseiawm 'mahse' a awm thin. Vawiinah hian 'mahse' a bo ta.
ZPM party chu loh theih lohin an inthlan turte pawh inthlang thei lovin an hotu turte VUC in ruat rawh se an ti a. Inrem awm taka lang inrem si lo an nia, thi reng sia nung hmingpu tih ang deuh khan inrem hauh si lovin inrem awm ang takin ankal mek a, hei hian kum 2028 ah nghawng a nei ngei ang.
MNF unau te pawh an fello e, an tha lo e kan ti lo va, an dinhmun erawh kan hria a ni. MLA 10 an nei a, a kang lam ai chuan a hniam lam an pan zel, a chhan chu high-level-ah hnawk a awm tlat niin an hria a. Chuvangin, phurna a awm lo a ni. Mihringah phurna a awm loh chuan taksa a chak tak tak theihloh.
ZPM leh MNF te hian NDA nih an inchuh mek a, Pu Modi leh Pu Shah te hian tu nge an pawm zawk dawn kan hre lo a ni.
Sorkar felloh leh thatlohna ngawr ngawr sawi tum ka ni lo. Tuna kan sorkar hrawn mek hi Zoram chauh ni lo khawvel puma Zofa ten kan hria a ni. Inthlan hma in thil tha zawng zawng min tiam a, mipui ten beiseina sang tak neiin vote an pe a, an sorkar ta reng a ni.
Ka sawi ve tlat chu kan ti ang an tih ang tih hi chu an la tifamkim hman lo a nih pawhin nghak ila, va vuak zawt zawt a la hun lo va.
Kan tilo ang an tih an tilai tak hi a pawi ka tia, kum 2023 inthlan dawn an boruak leh tuna an boruak chu mipuiah nasa takin a tlahniam a ni. Kan ti lo ang an tih nasat avangin anmahni vote tu ten ka vote tawh dawn lo ti hi an tam a ni.
Ruling lai an nia tha viau ah an inngaia a dik ang a, mahse, mi thinlung chhungril erawh kan hriatphak loh a nia, inthlan dawna thil tha min tiamna leh kan ti ang an tih kha mipuiin an ring a, chutiang roreltu chu a lawm kan mamawh tiin rorelna an pe a ni.
An sorkar ta cheng a, kan ti lo ang an tih chu kan ti ang tihah a inlet ta a. Thil reng reng hi a hmaa tha lo kan tih pawh, a lo tha ta a, a hmaa tha kan tih te pawh a lo tha lova tiin a phakual ta mai mai a. Chu chuan vote tling tute a hneh lovin ka hria.
Kan ti lo ang an tih an ti pawp pawp te, chhiah kan tipung lo ang an tia. Stamp duty te a bin tawpin an han tipung a, in hmun hming thlak tur ringawt pawhin sum chawi ngai a tam lutuk.
Electric bill kan tipung lo ang an tia, a thu chuan an tipung lo, mahse billing system ah an 'trick' ta a ni. Smart meter an tia mipui min ngai pawimawh lo khawp mai a, thingtlang bialtu tan phei chuan phurrit a nia. Buhfai man a letin an tipung phawt mai a. Aizawl tan chuan eng a ni lo ang thingtlang kuthnathawka awm te tan chuan phurrit a ni.
He sorkar kal mekah hian mipui dimna leh zahna nei lovin a let thawk thawkin kan chhiah chawi te leh buhfai man te an ti sang a ni. Ka sel ngawr ngawr a ni lo, an tihdikloh chu kan sawi ngam tur a ni.
Kan sorkar chuan kum 15 daih kawng kan siam ang an tia, kum thum an kal dawn ta, kawng siamna hun chu a awm ve tawh a ni. Tuna an siam lohin engtikah nge an siam ang?
Kan ti ang an tih, kan ti lo ang an tih sawi tur a tam lutuk, sawisen a ni lo. Restricted Tender kan sorkar hunah chuan a awm vak in ka ring lo tiin an sawi a. Mahse, vawiinah chuan sorkar kal tawh zawng zawngah Restricted Tender ti tam ber sorkar an ni lawi si a, a manganthlak a ni.
MUHCS te hi universal healthcare a nia mitin huap tur a nia, eng vangin nge MUCHS hian Aizawl khawpuia kan damdawi in tha private hospital te hi empanelled ah an dah duh ve tlat loh, anni aia rate sang daih zawk Delhi, Kolkata a damdawi In te rate sang tak tak empanelled ah an dah lawi si a.
Private hosipital te ka bia a, sorkar in an rate min 'offer' hi kan tan tihngaihna a awm lo an ti a. Eng vangin nge private hospital te hi rate inang tlang turin sorkarin a biak loh?
Phaia damdawi empanelled te hi Aizawla private Damdawi In cabin te aia nuam lo zawk mah leh man sang zawk fe an ni hlawm.
MUCHS hi Universal ti si hian enga ti nge kan doctor thiam te pan theih loh a an siam hi zawhna ka zawt a ni. Heng thilah hian hmaih neih lian tak a awm a, thil inphumru awm a awm em ni tiin zawhna ka zawt duh a ni.
Ngunlianchunga chuan, "Remna chung changa lal lukhum khum tur an awm a nih chuan Pu Lal Thanhawla a ni." a ti a. "Inremna thuthlung kan CM in a sawi dan hi a ṭullo hle in ka hria. India leh MNF inremna emaw, tute inremna pawh lo ni se, rambuai hreawmzia, zoram mangangin a rum a, kohhran, NGO, mipui kan rûm a, khami titawp tura remna awm kha a tawk mai. Kha inremnaah khan mipui, sorkar pawh kan tel vek a ni."
"Khang zoram mipui tawrhna titawp tura remna a awm theih nana MNF te hnena lal ṭhutthleng CM kiantu chu Pu Lal Thanhawla a ni" tiin "Remna leh muanna avanga lal lukhum khum tur an awm a nih chuan Pu Lal Thanhawla hi a ni" tiin Ngunlianchunga chuan a sawi bawk.
Friday Political Session hi Pu K. Lalchhuanawma, GS MPCC chuan a kaihruai a. Vanlalhmangaihzela, Secy, ADCC chuan report a pe bawk.
Sd/-
(PETER VANLALROPUIA)
Media Department
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: