Education Minister Dr Vanlalthlana'n, "a bial chhunga High School pakhat Provincialise chungchangah hian miin an bei nasa hle a. Mahse, a bial chhunga mite rilru an tina mai mai" a ti.

Aizawl | August 20, 2026: Education Minister Dr. Vanlalthlana chuan vawiin khan tun hnaia West Phailenga a School Provincialised tak Govt. Gospel Centenary High School leh Lumpsum Special Category - II a hlankai tak West Phaileng Higher Secondary School puala Upgradation Celebration Programme, MZP Sub-Headquarters, West Phaileng buatsaih chu Khuallian niin hun a hmanpui a, School Upgrade te hi a hmunah a tlawh nghal a ni.

Tun hnaia Provincialised a hlankai zingah Govt Gospel Centenary High School leh Lumpsump Special Category - II a hlankai West Phaileng Higher Secondary School chu Minister hian a hmunah tlawh a, Dinthar Community Hall, West phailengah MZP chuan School Upgradation Programme siamin, School Education Minister Dr Vanlalthlana chu Khuallian niin hun hlimawm tak an hmang a ni.

Khuallian hian thusawina neiin, Govt. Gospel Centenary High School Provicialised a hlankai an ni leh West Phaileng Higher Secondary School in Lumpsum Special Category - II an hmu chu a lawmpui thu a sawia, Upgrade an neih theih nana Zirtirtu, Khawtlang hruaitute leh nu leh pate tan lakna chu fakawm a ti a, School upgrade takte chu a hma aia tan an lak a ngaih zawk thu hrilhin, Provincialised hnua School tlahniam ta an awm thin tiin, Khawtlang hruaitute pawh School-a lenglut fo turin a chah a ni.

Aizawl North II bialtu MLA ni bawk, Dr Vanlalthlana chuan, a bial chhunga High School pakhat Provincialise chungchangah an bei viau a, a hma chuan he sikul hian zirlai 10 chauh an nei a, a building chu lei min avangin an sawn a, khawtlangin a bang dap leh a chhuat lei ringin an sa a, zirlai kal tha duh pawh an awm lo a ni a ti. Dr. Vanlalthlana chuan, ZPM kaihhruai Sorkar a din hnuah Ministry of Tribal Affiars hnuai atanga puihnain sikul chu an sa tha a, khawtlang nen tang hoin MLA fund pawh nuai 16 lai an seng tih a sawi a, building tha tak, chhawng hnih an sak bakah, smart board nen sikul chu tichangtlungin, zirlai 61-ah an kai nghal a, enrollment a that tak avangin provincialise a ni a, hemi chungchangah miin an bei nasa hle a ni a ti a. Mahse, an sikul a taka hretu leh hmutu a bial chhunga mite rilru an tina mai mai ni-a a hriat thu a sawi.

Minister chuan tun hnaiah surprise checking a kalpui thin thu leh, tun hnai thla khat chhungin School pariat a tlawha tawh thu a sawia, heng school-ah te hian an tih dik lohte hailan sak tura kal a nih loh thu leh, zirlai leh Zirtirtute fuih tura kal a nih thu a sawi a ni.

Khuallian hian zirlai naupangte hnenah fuihna thu tha tak sawiin, ' thutlukna diklo siam avangin mi an tlachhe thin" a ti a, thulukna siam turin zirchianna a pawimawh thute, thutlukna dik siam turin ngun taka in ngaihtuaj thin turin zirlaite a chah a ni.

Celebration Programme hi MZP Sub-Hqrs West Phaileng Vice President Vanlalduha'n a kaihruaia, MZP Sub-Hqrs Secretary C Lalliantluanga'n report pein, MZP Sub-Hqrs President Lalrinchhunga'n thu a sawi a, School Headmaster ten Lawmthusawina hun an hmang bawk a ni.

Celebration Programme hman zawhah Minister hian Govt. Gospel Centenary High School leh West Phaileng Higher Secondary School hi a hmunah a tlawh nghala, Classroom ah Zirlaite hnenah fuihna thu sawiin, Zirtirtute nen School dinhmun sawihonate an nei a ni.

ZPM THALAI GENERAL HEADQUARTERS

*PRESS RELEASE*

PR No. 49 of 2026

*Vawiin 20th August 2026 (Thursday ) hian Education Minister Dr. Vanlalthlana chuan tun hnaia West Phailenga a School Provincialised tak Govt. Gospel Centenary High School leh Lumpsum Special Category - II a hlankai tak West Phaileng Higher Secondary School puala Upgradation Celebration Programme, MZP Sub-Headquarters, West Phaileng buatsaih chu Khuallian niin hun a hmanpui a, School Upgrade te hi a hmunah a tlawh nghal a ni.*

Tun hnaia Provincialised a hlankai zingah Govt. Gospel Centenary High School leh Lumpsump Special Category - II a hlankai West Phaileng Higher Secondary School chu Minister hian a hmunah tlawh a, Dinthar Community Hall, West phailengah MZP chuan School Upgradation Programme siamin, School Education Minister Dr Vanlalthlana chu Khuallian niin hun hlimawm tak an hmang a ni.

Celebration Programme hi Pu Vanlalduha, Vice President MZP Sub-Hqrs chuan a kaihruaia, Pu C Lalliantluanga, Secretary, MZP Sub-Hqrs chuan report pein, Pu Lalrinchhunga, President, MZP Sub-Hqrs chuan thusawina hun a hmang bawk a, School Headmaster ten Lawmthusawina hun an hmang bawk a ni.

PR No. 49 of 2026

20th August 2026

Issued by:-

Sd/- C Hmangaihzuala

General Secretary

Media & Publicity Department

ZPM Thalai General Headquarters

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]