"Chittagong Hill Tracts hi Chakma ram bil a ni ngai lova, Tlabung pawh Chakma khua a ni ngai hek lo,"

Aizawl | August 26, 2026: Young Mizo Association (YMA), Sub-Headquarters, Lunglei chuan vawiin khan thuchhuah siamin, "Chittagong Hill Tracts hi Chakma ram bil a ni ngai lova, Tlabung pawh Chakma khua a ni ngai hek lo," an ti.

"Chittagong Hill Tracts hi Chakmate ram bil a ni ngai lo va, Zofate hi luah hmasa bertu an ni zawk a ni. Chutiangin, Tlabung pawh hi hmanlai atanga vawiin thlengin Chakma khua a ni ngai lo va, Zofate khawpui pawimawh a ni reng a ni," an ti bawk.

"Kum 1947-a India leh East Pakistan (Tuna Bangladesh) in then laia Chittagong Hill Tracts East Pakistan a beh tir chu thil tih sual lian tak a ni a, India ram chhungah rin luh leh ni rawh se, tiin Chakma hruaitu thenkhat ten Central Sorkarah an thlen, tih thu a awm lai a, Ex-Minister, West Tuipui Bial MLA hlui chuan Tlabung chu Chittagong Hill Tracts a bet thin a nih thu a sawi, tih thu kan hriat leh chung changah, YMA Sub-Headqarters Lunglei chuan thil nihphung sawifiah tha a ti a,"

"Chittagong Hill Tracts ah hian Zofate an cheng hmasa ber a, ram leh lui hming tam tak pawh Mizo hming vuah thin a ni. Zofate zinga Chittagong Hill Tracts luah hnuhnung ber chu Thangluah, Rivung leh Zadeng hnam an ni a, anni hi kum 1750 velah an lut thla a ni. AD 1862 Chittagong bial Annual Report, Superintendent ziahah chuan Kuki (Mizo) 25,980 vel an awm tawh. (Source; A Statistical Account of Bengal Vol. 6. 1876)"

"Mizo lal ropui, Rothangpuia Thangluah khan Mizoram chhim tawp thlengin a luah a. A ram chin chuan Lungsen leh Sirte tlangdung a huam vek a, Tlabung pawh a lalna ramchhung vek a ni, tihna a ni.

Chittagong Hill Tracts hi Chakmate ram bil a ni ngai lo va, Zofate hi luah hmasa bertu an ni zawk a ni. Chutiangin, Tlabung pawh hi hmanlai atanga vawiin thlengin Chakma khua a ni ngai lo va, Zofate khawpui pawimawh a ni reng a ni.

Kan Pi leh Pu te chhana kan ram hi tute mahin min hneh chhuh leh min nek zim sak hi YMA Sub-Headquarters Lunglei chuan kan phal lo a, engtik lai mahin kan remti ngai dawn bawk lo a ni," tiin vawiina an thuchhuah chuan a atarlang.

YOUNG MIZO ASSOCIATION

SUB-HEADQUARTERS, LUNGLEI

(Regn. No. S.R. 4 of 1977)

K LALFAKZUALA C LALRINDIKA

President Secretary

Phone: 9436157474 Phone: 9862682416

Thuvawn : YMA chu tanpui ngaite tanpuitu a ni

Memo No:A.11012/3/2026-2028/YMA(SHL)/29 Dated: 26th August, 2026

THUCHHUAH

(Chittagong Hill Tracts hi Chakma ram bil a ni ngai lova, Tlabung pawh Chakma khua a ni ngai hek lo)

Kum 1947-a India leh East Pakistan (Tuna Bangladesh) in then laia Chittagong Hill Tracts East Pakistan a beh tir chu thil tih sual lian tak a ni a, India ram chhungah rin luh leh ni rawh se, tiin Chakma hruaitu thenkhat ten Central Sorkarah an thlen, tih thu a awm lai a, Ex-Minister, West Tuipui Bial MLA hlui chuan Tlabung chu Chittagong Hill Tracts a bet thin a nih thu a sawi, tih thu kan hriat leh chung changah, YMA Sub-Headqarters Lunglei chuan thil nihphung sawifiah tha a ti a.

Chittagong Hill Tracts ah hian Zofate an cheng hmasa ber a, ram leh lui hming tam tak pawh Mizo hming vuah thin a ni. Zofate zinga Chittagong Hill Tracts luah hnuhnung ber chu Thangluah, Rivung leh Zadeng hnam an ni a, anni hi kum 1750 velah an lut thla a ni. AD 1862 Chittagong bial Annual Report, Superintendent ziahah chuan Kuki (Mizo) 25,980 vel an awm tawh. (Source; A Statistical Account of Bengal Vol. 6. 1876)

Mizo lal ropui, Rothangpuia Thangluah khan Mizoram chhim tawp thlengin a luah a. A ram chin chuan Lungsen leh Sirte tlangdung a huam vek a, Tlabung pawh a lalna ramchhung vek a ni, tihna a ni.

Kan Pi leh Pu te chhana kan ram hi tute mahin min hneh chhuh leh min nek zim sak hi YMA Sub-Headquarters Lunglei chuan kan phal lo a, engtik lai mahin kan remti ngai dawn bawk lo a ni.

(C LALRINDIKA)

Secretary,

Young Mizo Association,

Sub-Headquarters, Lunglei

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]