"Zalenna sang ber nei tura pen zel hi kan tum nghet tlat a ni," - C Lalramzauva

Aizawl | July 24, 2026: Mizo National Front chuan vawiin khan chhung Inkhawm Mizo Hnam Runah neiin, he hunah hian MNF PAC Member & MNF Legal Board Chairman C Lalramzauva,  chuan, 2017 atanga Zo Carbon chungchanga MNF Legal Board te hmalakna ah hnehna chan a nih tak thusawiin, Lengpui ram hralh chungchanga Pu Lalpianfela Chawngthu, Vice Chairman MNF Legal Board hminga thu thehluh kalzelah CBI in preliminary inquiry an tih mek thute, Lok Ayukta pawhin a bawhzui zel thu a sawi bawk.

MNF hian Constitutional goal leh ziakloh goal kan nei a, chu ziakloh goal chu ziak aimaha pawimawh zawk a nihna chen a awm a. Eng kan hmuh lam pana kalzel tur, Zalenna sang ber nei tura pen zel hi kan tum nghet tlat a ni a. Lehkha pheka ziak nilo, kan thinlung pheka nghet taka inziak reng a ni. Kan Constitutional goal te hlen tura kan thawh rualin, ziaka lang velo kan thinlunga awm zawk nei tur chuan mar patin, kan sawrkar emaw, sawrkar lo emaw, kan thawh zel a tul a. Tute sawrkar chetchhiat vang emaw ni lovin, kan tum rama kan chian zawk avangin tha thlah lova chechhuak a, infuih thar reng MNF te chu kan ni, a ti.

MNF PAC member Pu Ramzauva chuan, Mizo Nationalism hi Mizote rilrua riak reng a ni a, India rama State pakhat mai mah ni ila, nation khatah kan inchhiar a, 1966 atanga 1986(Pre 1986) inkar chhung khan Mizo Nationalism Movement nasa takin a lo kal tawh a. Hnam anga kan dinchhuahna turin engkim huamin kan mi hmasaten theihtawp an lo chhuah tawh. Kan do te nen inbeiin, hun a kal zel a, remna alo thleng ta a. Ralthuam hmanga inbeihna chu alo chawl ta a ni.

Hemi hnu lam 1986-2006(post 1986) alo ral leh a, kawng tam takah hmasawnna kan hmu chho a. Tunlai khawvela kan ram tana ngaihtuahna seng a, che vel mek te hi 1986-2006 inkara piang, an hmalam hun hre mumallo, Zofaten harsatna tam tak kan paltlang tawh chu a taka tem ve lemlo te an ni a, ram leh hnam tan an theihtawp chhuah an inhuamna erawh a fakawm hle a ni. An rilrua riak nationalism chu Mizo Nationalism huang chhunga nasa zawka an pen theih a duhawm hle a, an thiam leh finna, theihna hmanga hruaitu hmasate thawh rim rah chunga chuang an nih inhriain, hun lokal zel tura nasa leh zuala an penzel a duhawm takzet. Zirna hmasawnna tura sawrkar kal tawhte sulhnu chhuia dikna leh rinawmna nen kan ram hian kan thalaite tuihalna fah tura hma a sawn zel a pawimawh takzet a ni, a ti.

Kan sawrkar kal mek pawh hian zirna tih changtlun kawngah a hnungtawlh zawng ni lova, hmasawn zawnga an pen a tul a, Adhoc Grand-in-Aid school te thil beisei pawh ngaihtuah sak a, harsa tak kara sawrkar hmasaten thawhrimna nen zirtirtu tam tak an lo lak tawh te leh school tam tak dinhmun sang zawk a hlan kaite kha a titawp zawng ni lova, an chhunzawm zel a tul takzet. Henga thawktute beiseina hi tihhlawhtlin sak ngei turin kan sawrkar hi ka ngen a ni.

Kan thalai rualte hian, 'kan nationalism chhem alh turin hnamdangte aiin zirna kawngah kan tithain, kan sang zawk tur a ni', tih hi an vawn tlat a, an beih ngat ngat a tul a. Chu chu ram hmangaihna thinlung nena kan ram leh hnam tana an tihtheih sang berte zing ami a ni, Pu Ramzauva chuan a ti.

MNF Legal Board Chairman chuan, Kan sawrkar hnathawkte leh mahni eizawnna kawnga pen mekte, infiamna lam penchhuak mekte pawhin anmahni zawn theuha nasa lehzuala ram leh hnam hmangaihna thinlung nen kan thawh uar deuh deuh a tul a, inpekna nasa zawk nen hmalam thlira kan pen chuan hlawhtlinna sang zawk kan chang ngei a rinawm. Keimahni zawn theuha hnam rilru pu a kan neih tlatna hi a Nationalism niin, hnamdangte chunga kan chuan zel theihna kawngka lian ber a ni, a ti bawk.

He hunah hian MNF Siaha District President & MNF GHQ Adviser PP Thawla, chuan Siaha District chhunga hmalakna hrang hrang report pe in, beiseina sang tak an neih zel thu leh Pathian hruaina hnuaiah hma sawn zel beisei a nih thu a sawi bawk.

 Mizo National Front

General Headquarters

Aizawl, Mizoram

PRESS RELEASE

Zalenna sang ber nei tura pen zel hi kan tum nghet tlat a ni.

- C. Lalramzauva, PAC Member, MNF GHQ.

Vawiin ni 24, July 2026 Zirtawpni hian Mizo National Front chuan chhung Inkhawm Mizo Hnam Runah neiin, he hunah hian Pu C. Lalramzauva, PAC Member & Chairman, MNF Legal Board chuan, 2017 atanga Zo Carbon chungchanga MNF Legal Board te hmalakna ah hnehna chan a nih tak thusawiin, Lengpui ram hralh chungchanga Pu Lalpianfela Chawngthu, Vice Chairman MNF Legal Board hminga thu thehluh kalzelah CBI in preliminary inquiry an tih mek thute, Lok Ayukta pawhin a bawhzui zel thu a sawi bawk.

MNF hian Constitutional goal leh ziakloh goal kan nei a, chu ziakloh goal chu ziak aimaha pawimawh zawk a nihna chen a awm a. Eng kan hmuh lam pana kalzel tur, Zalenna sang ber nei tura pen zel hi kan tum nghet tlat a ni a. Lehkha pheka ziak nilo, kan thinlung pheka nghet taka inziak reng a ni. Kan Constitutional goal te hlen tura kan thawh rualin, ziaka lang velo kan thinlunga awm zawk nei tur chuan mar patin, kan sawrkar emaw, sawrkar lo emaw, kan thawh zel a tul a. Tute sawrkar chetchhiat vang emaw ni lovin, kan tum rama kan chian zawk avangin tha thlah lova chechhuak a, infuih thar reng MNF te chu kan ni, a ti.

MNF PAC member Pu Ramzauva chuan, Mizo Nationalism hi Mizote rilrua riak reng a ni a, India rama State pakhat mai mah ni ila, nation khatah kan inchhiar a, 1966 atanga 1986(Pre 1986) inkar chhung khan Mizo Nationalism Movement nasa takin a lo kal tawh a. Hnam anga kan dinchhuahna turin engkim huamin kan mi hmasaten theihtawp an lo chhuah tawh. Kan do te nen inbeiin, hun a kal zel a, remna alo thleng ta a. Ralthuam hmanga inbeihna chu alo chawl ta a ni.

Hemi hnu lam 1986-2006(post 1986) alo ral leh a, kawng tam takah hmasawnna kan hmu chho a. Tunlai khawvela kan ram tana ngaihtuahna seng a, che vel mek te hi 1986-2006 inkara piang, an hmalam hun hre mumallo, Zofaten harsatna tam tak kan paltlang tawh chu a taka tem ve lemlo te an ni a, ram leh hnam tan an theihtawp chhuah an inhuamna erawh a fakawm hle a ni. An rilrua riak nationalism chu Mizo Nationalism huang chhunga nasa zawka an pen theih a duhawm hle a, an thiam leh finna, theihna hmanga hruaitu hmasate thawh rim rah chunga chuang an nih inhriain, hun lokal zel tura nasa leh zuala an penzel a duhawm takzet. Zirna hmasawnna tura sawrkar kal tawhte sulhnu chhuia dikna leh rinawmna nen kan ram hian kan thalaite tuihalna fah tura hma a sawn zel a pawimawh takzet a ni, a ti.

Kan sawrkar kal mek pawh hian zirna tih changtlun kawngah a hnungtawlh zawng ni lova, hmasawn zawnga an pen a tul a, Adhoc Grand-in-Aid school te thil beisei pawh ngaihtuah sak a, harsa tak kara sawrkar hmasaten thawhrimna nen zirtirtu tam tak an lo lak tawh te leh school tam tak dinhmun sang zawk a hlan kaite kha a titawp zawng ni lova, an chhunzawm zel a tul takzet. Henga thawktute beiseina hi tihhlawhtlin sak ngei turin kan sawrkar hi ka ngen a ni.

Kan thalai rualte hian, 'kan nationalism chhem alh turin hnamdangte aiin zirna kawngah kan tithain, kan sang zawk tur a ni', tih hi an vawn tlat a, an beih ngat ngat a tul a. Chu chu ram hmangaihna thinlung nena kan ram leh hnam tana an tihtheih sang berte zing ami a ni, Pu Ramzauva chuan a ti.

MNF Legal Board Chairman chuan, Kan sawrkar hnathawkte leh mahni eizawnna kawnga pen mekte, infiamna lam penchhuak mekte pawhin anmahni zawn theuha nasa lehzuala ram leh hnam hmangaihna thinlung nen kan thawh uar deuh deuh a tul a, inpekna nasa zawk nen hmalam thlira kan pen chuan hlawhtlinna sang zawk kan chang ngei a rinawm. Keimahni zawn theuha hnam rilru pu a kan neih tlatna hi a Nationalism niin, hnamdangte chunga kan chuan zel theihna kawngka lian ber a ni, a ti bawk.

He hunah hian Pu PP Thawla, President, MNF Siaha District & Adviser, MNF GHQ chuan Siaha District chhunga hmalakna hrang hrang report pe in, beiseina sang tak an neih zel thu leh Pathian hruaina hnuaiah hma sawn zel beisei a nih thu a sawi bawk.

Chhung Inkhawm hi Pu Saihnuna Sailo, General Secretary chuan a kaihruai a, Pu F. Lalthankhuma, Secretary chuan hunserh a hmang bawk.

Sd/-

(B. LALHMANGAIHZUALA)

Secretary

Media & Publicity Department

MNF General Headquarters

No. 509/2026

Dr. 24.7.2026