Aizawl | July 9, 2026: Chamdur 'P' Insuamna thleng nia thu thang chungchangah Mizoram Police chuan thuchhuaah siamin, "A tuartu thusawi inmil tawk lo nia lang te, kut tawrhna hliam hmuh tur awm lo te, thuhretute thil sawi dan nena inpersan tak tak thil a awm avang leh thil chhui tawh chin atang hian he insuamna hi tun thleng chuan finfiah loh a la ni," an ti a. "Police te chuan uluk leh ngawrh takin he thil hi kan chhui zui zel dawn a ni," an ti.
Hemi chungchangah hian, Pang Zirlai Pawl (PZP) General headquarters, chuan thuchhuah siamin, a ram leilung fate tawrhna thleng thin hi an dem a, thlavang an lo hauh tawh a ni.
"July ni 7, 2026 khan Lalbiakzuala, Thingsai, Hnahthial District, tuna Salem Veng, Aizawl-a cheng, Chamdur-I Presbyterian biak in chei that hna thawk mektu (subcontractor) chu, Bolisora-a mamawh lam tura a kal haw lam, Chamdur 'P', Lawngtlai District daiah tu tih hriat loh ralthuam keng mi pariatin an lo suam thu Police-in an dawng a. Misualte kuttuartu Lalbiakzuala sawi danin, heng mite hi ramhnuai atanga lo chhuakin amah hi an dap a, a lo tan deuh avangin silai kawmin an chhu a, rakzu fun nga leh pawisa ₹600 laksakin an tlanbo ta a ni. A sawisatu zinga mi pathumte chuan AK rifle kengin midangte hian ulhbun bakah tualchher silai an keng a ni," tiin Mizoram Police chuan an tarlang bawk.
Ruah sur a chawlh loh avang leh kawng chhia a nasat avangin rang taka a hmun thlen theih a ni lova, chuvangin tualchhung NGO hruaitute awm laiin Lalbiakzuala hi video call hmangin thu zawh fiah a ni a. Hetah hian a sawisatute chuan thawmhnaw hring dal hain, boot an bun deuh vek a, an sam a sei a, "Shanti" tih thumal an lam ngun hle niin a sawi.
YMA-te ngenna angin, a tuartu hi Primary Health Centre-ah Medical examination tih a ni a, endiktu Health Worker te chuan a taksaah hliam hmuh theih, duk emaw pilh emaw engmah a awm loh thu an report a ni.
July ni 8, 2026 khan Vasei Police Station atangin Officer-in-Charge hovin Chamdur 'P'-ah hian kalin chipchiar takin thil awmdan chhui zui a ni a. Thil thlenna hmun nia sawi pawh tlawh niin, a tuartu leh he thil kaihhnawiha thuhretu hrang hrangte thu zawh fiah an nih bakah, finfiah zel a ni a. Rinhlelhawm deuh te pawh thu zawh fiah niin heng mite erawh hi chu an inhnamhnawih lo nia hriat chhawm leh an ni.
Chhui zui zelna atangin a tuartu (Lalbiakzuala) hian mi dang kaltlangin Bolisora-a mi hi zu a lei ngei tih finfiah a ni a. Hemi hnua zu lei belh tura Bolisora-a a kal nawn leh nia a insawi erawh a zuartute chuan an hriatpui loh thu leh hemi hun lai vel hian lo lamah hna an thawk a, tu hnenah mah zu an hralh loh thu an sawi thung.
Chhui chian a nih hnu hian a tuartu Lalbiakzuala thu leh a hmuna awm thuhretute sawi dan thil inmil lo a awm nual tih hriat a ni a. A chhungkhat hnai tak pakhat hnen atangin amah hi zuin a tihbuai leh zu in nasa a ni tih te hriat a ni a, Police leh NGO ten an zawh fiah lai te pawh hian a thawhpui that duh loh bakah tum hnih ngawt tlan bo a tum nghe nghe a ni.
Chamdur 'P' Insuamna thubuaia Mizoram Police thuchhuah
Aizawl the 9th July, 2026: July ni 7, 2026 khan Lalbiakzuala, Thingsai, Hnahthial District, tuna Salem Veng, Aizawl-a cheng, Chamdur-I Presbyterian biak in chei that hna thawk mektu (subcontractor) chu, Bolisora-a mamawh lam tura a kal haw lam, Chamdur 'P', Lawngtlai District daiah tu tih hriat loh ralthuam keng mi pariatin an lo suam thu Police-in an dawng a. Misualte kuttuartu Lalbiakzuala sawi danin, heng mite hi ramhnuai atanga lo chhuakin amah hi an dap a, a lo tan deuh avangin silai kawmin an chhu a, rakzu fun nga leh pawisa ₹600 laksakin an tlanbo ta a ni. A sawisatu zinga mi pathumte chuan AK rifle kengin midangte hian ulhbun bakah tualchher silai an keng a ni.
Ruah sur a chawlh loh avang leh kawng chhia a nasat avangin rang taka a hmun thlen theih a ni lova, chuvangin tualchhung NGO hruaitute awm laiin Lalbiakzuala hi video call hmangin thu zawh fiah a ni a. Hetah hian a sawisatute chuan thawmhnaw hring dal hain, boot an bun deuh vek a, an sam a sei a, "Shanti" tih thumal an lam ngun hle niin a sawi.
YMA-te ngenna angin, a tuartu hi Primary Health Centre-ah Medical examination tih a ni a, endiktu Health Worker te chuan a taksaah hliam hmuh theih, duk emaw pilh emaw engmah a awm loh thu an report a ni.
July ni 8, 2026 khan Vasei Police Station atangin Officer-in-Charge hovin Chamdur 'P'-ah hian kalin chipchiar takin thil awmdan chhui zui a ni a. Thil thlenna hmun nia sawi pawh tlawh niin, a tuartu leh he thil kaihhnawiha thuhretu hrang hrangte thu zawh fiah an nih bakah, finfiah zel a ni a. Rinhlelhawm deuh te pawh thu zawh fiah niin heng mite erawh hi chu an inhnamhnawih lo nia hriat chhawm leh an ni.
Chhui zui zelna atangin a tuartu (Lalbiakzuala) hian mi dang kaltlangin Bolisora-a mi hi zu a lei ngei tih finfiah a ni a. Hemi hnua zu lei belh tura Bolisora-a a kal nawn leh nia a insawi erawh a zuartute chuan an hriatpui loh thu leh hemi hun lai vel hian lo lamah hna an thawk a, tu hnenah mah zu an hralh loh thu an sawi thung.
Chhui chian a nih hnu hian a tuartu Lalbiakzuala thu leh a hmuna awm thuhretute sawi dan thil inmil lo a awm nual tih hriat a ni a. A chhungkhat hnai tak pakhat hnen atangin amah hi zuin a tihbuai leh zu in nasa a ni tih te hriat a ni a, Police leh NGO ten an zawh fiah lai te pawh hian a thawhpui that duh loh bakah tum hnih ngawt tlan bo a tum nghe nghe a ni.
A tuartu thusawi inmil tawk lo nia lang te, kut tawrhna hliam hmuh tur awm lo te, thuhretute thil sawi dan nena inpersan tak tak thil a awm avang leh thil chhui tawh chin atang hian he insuamna hi tun thleng chuan finfiah loh a la ni. Police te chuan uluk leh ngawrh takin he thil hi kan chhui zui zel dawn a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: