Sum chawi ngai lova Ex Servicemen te inenkawl theih nan ECHS leh Synod Hospital-in thawhhona thuthlung ziak

Aizawl | July 28, 2026: Ex-Servicemen te leh an chhungte tana Healthcare Scheme duan bik - Ex Servicemen Contributory Health Scheme (ECHS) chuan sum chawi ngai lo (Cashless) a an inenkawl theih nan Synod Hospital Durtlang nen thawhhona thuthlung (Memorandum of Agreement) an ziak fel.

He Memorandum ziahfel a nih hian, Synod Hospital a ECHS member damlote inenkawlna senso reng reng Cashless a kalpui tur a ni anga, hospital a inenkawl hun chhung pawh ECHS dan anga a tul dan anga pawhsei theih a ni.

Mizoram a awm Ex-Servicemen te leh an chhungte mi 13000 bawr vel te tan tangkai hle tura ngaih a ni. Inenkawlna hmun pana Phai lama an kal thin te chu he Memorandum hian a chhawk zangkhai hle tura ngaih a ni.

Synod Hospital hma hian Zoram Medical College & Hospital (ZMC&H) leh Mizoram State Cancer Institute (MSCI) te Memorandum of Agreement an lo sign pui tawh bawk a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]