Sorkara an thil ngiat tihhlawhtlin phutin MIGAHTA pungkhawm; "tun hmaa Sorkarin school provincialisation a kalpuiin, thingtlang leh khawpui sikul te enrollment hmangin khirh takin a teh ngai lo, khawtlangin an mamawh avang zawkin a provincialise mai thin," ~ F Vanlalchhuanga

"Khawtlang sikul dinhmun humhim tur leh thangthar lehkhathiam hna zawng mek leh zirlai te tana penchhuak kan ni," ~ F Vanlalchhuanga

Aizawl | July 29, 2026: Mizoram Govt. Adhoc-Aided High School Teachers’ Association (MIGAHTA) chuan an sikul Provincialised dinhmuna dah let leh an phutna leh dinhmun hniam zawka dah duh lohna lantira sorkar laka an lungawi lohna ‘Sit - in Demonstration’ neiin, vawiin khan Vanapa Hall kawtah pungkhawmin an lantir.

He hunah huan MIGAHTA President F Vanlalchhuanga chuan, tun hma zawnga Sorkarin school provincialisation a kalpui danah thingtlang leh khawpui school te enrollment hmangin khirh takin a teh ngai lova, khawtlangin an mamawh avang zawkin a provincialised mai thin," a ti a. "Vawiin hian khawtlang school dinhmun humhim tur leh thangthar lehkhathiam hna zawng mek leh zirlai te tana penchhuak kan ni," a ti bawk.

He hunah hian MIGAHTA Lunglei District President Malsawmtluanga Chawngthu kaihhruaina-in MIGAHTA member kalkhawm te chuan an dinhmun ngai Provincialised a dahlet an phut thu te, school provincialisation kalpui danah Power to relax rualkhai taka hman an duhthu te leh an school dinhmun Lump-sum-grand-in aid a tlakhniam an duh loh thu te au rualin an sawi.

Tin, he hunah hian Sorkar in provincialised an nih tawhna a Revoke na order te, tunhnaia school thenkhat a provinvincialised na order te leh Sawrkarin Lump-sum-grand-in aid a dahthlak tumna Rules te an hal bawk.

Vawiina MIGAHTA in Sit - in Demonstration-ah hian school 90 chuang atangin thawktu mi 600 vel an kalkhawm.

Adhoc High School-te hi Adhoc status-a kum 15 an awm hnuah, kum 2023-a Provincialised vek, thla 9 hnua Revoke leh an ni a. Revoke an nih hnu hian Provincialised leh vek an nih tur thu Minister tawngka vawi tam tak an dawng a ni. Amaherawhchu, Revoke an nih atanga kum 2 a liam tihah kum 20 kaltaa an awm tawhna, tuna an dinhmun aia hniam Lump-sum-grant-in aid dinhmunah dah an ni leh ta zawk a ni.

Hetianga Provincialised an nih tawhna hlih sak an nih mai bakah an sikul dinhmun a hma aia hniam zawka dah a ni hi pawi an ti a. Hetianga school dinhmun dah hniam a nih avang hian tuna thawk mekte an Retire hunah an aiawh tur zirtirtu chu hlawh tlemte hmanga lak an ni tawh tur hi zirtirtu dinhmun dahhniamnaah an ngai a, thalai lehkhathiam, hna zawng mekte beidawnna siamtu a ni tur hi an duh lova, an dodal zel dawn thu an sawi.

MIGAHTA member ten sorkara an thil phut a hlawhtlin theih nana lungawi lohna an lantir avang hian khaw hrang hrang 90 chuanga High School-ah te zirna a khaihlak hi pawi an tiin, hriatthiamna an ngen a. Heng an hmalaknate hi khawtlang school dinhmun tlahniam tur venna leh thangthar hna zawng mekte hmakhua a ni tih hriat sak turin mipui an ngen.

MIZORAM GOVT ADHOC AIDED HIGH SCHOOL TEACHERS’ ASSCOCIATION (MIGAHTA) CHUAN SORKAR LAKA KAN LUNGAWIH LOHNA KAN CHHUNZAWM.

Mizoram Govt. Adhoc-Aided High School Teachers’ Association (MIGAHTA) chuan kan school Provincialised dinhmuna dah let leh kan phutna leh dinhmun hniam zawka dah duh lohna lantira sorkar laka kan lungawi lohna chu Vanapa Hall kawtah ‘Sit - in Demonstration’ hmangin vawiin Dt.29.07.2026(Nilaini) hian kan chhun zawm leh.

Vawina hun kan hman na a thusawitu MIGAHTA President F Vanlalchhuanga chuan tunhma zawnga Sorkarin school provincialisation a kalpui danah thingtlang leh khawpui school te enrollment hmangin khirh takin a teh ngai lova, khawtlangin an mamawh avang zawkin a provinvincialised mai thin thu a sawi . Tin, vawin hian khawtlang school dinhmun humhim tur leh thangthar lehkhathiam hna zawng mek leh zirlai te tana penchhuak kan nih thu a sawi bawk.

Vawina MIGAHTA in Sit - in Demonstration kan huaihawt na ah hian school 90 chuang atangin thawktu mi 600 vel kan kalkhawm a ni.

Adhoc High School-te hi Adhoc status-a kum 15 kan awm hnuah, kum 2023-a Provincialised vek, thla 9 hnua Revoke leh kan ni a. Revoke kan nih hnu hian Provincialised leh vek kan nih tur thu Minister tawngka vawi tam tak kan dawng a ni. Amaherawhchu, Revoke kan nih atanga kum 2 a liam tihah kum 20 kaltaa kan awm tawhna, tuna kan dinhmun aia hniam Lump-sum-grant-in aid dinhmunah dah kan ni leh ta zawk a ni.

Hetianga Provincialised kan nih tawhna min hlih sak mai bakah kan school dinhmun a hma aia hniam zawka dah a ni hi pawi kan ti takzet a. Hetianga school dinhmun dah hniam a nih avang hian tuna thawk mekte kan Retire hunah kan aiawh tur zirtirtu chu hlawh tlemte hmanga lak an ni tawh tur hi zirtirtu dinhmun dahhniamnaah kan ngai a, thalai lehkhathiam, hna zawng mekte beidawnna siamtu a ni tur hi kan duh lova, kan dodal zel dawn a ni.

MIGAHTA member ten sorkara kan thil phut a hlawhtlin theih nana lungawi lohna kan lantir avang hian khaw hrang hrang 90 chuanga High School-ah te zirna a khaihlak hi pawi kan ti takzet a. Amaherawhchu, heng kan hmalaknate hi khawtlang school dinhmun tlahniam tur venna leh thangthar hna zawng mekte hmakhua a ni tih min hriat sak turin kan ngen a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]