Pang Zirlai Pawl-in insuamna thleng pawi ti; hma la vat turin thuneitute an phut

Aizawl | July 7, 2026:  Pang Zirlai Pawl chuan Bolisora leh Chamdur Project khaw kar kawng-a insuamna thleng pawi an ti a, hma la vat turin thuneitute an phut.

Pang Zirlai Pawl, General Headquarters thuchhuahin a tarlan danin, Mizoram Presbyterian Kohhran, Chamdur project, (Lawngtlai District) khua ina hna ṭul thawk tùra an rawih lai Pu Lalbiakzuala, Aizawl, Salem veng ami chu vawiin chawhma lam khan Bolisora khuaah Bazar tùrin a kal a, a let leh lamah Bolisora leh Chamdur Project khaw kar kawngah  tu tih hriat loh, hel nia rin mi pariat ten lo tibuaiin silai nen an vau bet a, a pawisa nei zawng zawng pawh an chhuhsak vek a ni. 

PZP chuan, "Mizoram chhûng ngeia a ram lei lung fate'n harsatna kan tâwk hi pawi a tiin a ngai thutak hle mai a; a rang thei ang bera thuneituten hma laa, tute nge an nih tih hi chiang taka chhui tùr leh an phu tâwk hremna hmu ngei tùrin kan phut tlat," an ti a.

"Vaṭhuampui khua leh a chhehvêl tân bâkah âwm nêm zâwk nunau naupang thlengin a him lo hle mai a, Mizoram sorkar hian helai area-a mipui himna atâna leh rang taka harsatna kan thlen zung zung theih nan Vasei Police Station chauh ni lovin Police Outpost dang pawh  dah ngei tùrin kan phut tlat bawk a ni," an ti bawk.

PZP chuan, "Hetiang thil hi tûn hnuah thleng tawh lo se tih hi kan duh tak zet zet a, Mizoram sawrkar leh thuneihtute hmalâkna kan thlir zui zêl dâwn bawk a ni," an ti bawk.

PANG ZIRLAI PAWL, GENERAL HEADQUARTERS:  VAṬHUAMPUI

PRESS RELEASE

Pu Lalbiakzuala, Aizawl, Salem veng chu Mizoram Synod Kohhran, Chamdur project, (Lawngtlai District) khua ina hnaṭul thawk tùra an rawih chu Vawiin date 7th July, 2026 chawhma lam khan Bolisora khuaah Bazar tùrin a kal a, a let leh lamah Bolisora leh Chamdur Project khaw kar kawngah  tu tih hriat loh, hel nia rin mi pariat ten lo tibuaiin silai nen an vau bet a, a pawisa nei zawng zawng pawh an chhuhsak vek a ni. 

Hetianga Mizoram chhûng ngeia a ram lei lung fate'n harsatna kan tâwk hi Pang Zirlai Pawl, General Headquarters' chuan pawi a tihin a ngai thutak hle mai a; a rang thei ang bera thu neihtu ten hma la-in, tute nge an nih tih hi chiang taka chhui tùr leh an phu tâwk hremna hmu ngei tùrin kan phut tlat a ni. Vaṭhuampui khua leh a chhehvêl tân bâkah âwm nêm zâwk nunau naupang thlengin a him lo hle mai a, Mizoram sorkar hian helai area-a mipui himna atâna leh rang taka harsatna kan thlen zung zung theih nan Vasei Police Station chauh ni lovin Police Outpost dang pawh  dah ngei tùrin kan phut tlat bawk a ni. Hetiang thil hi tûn hnuah thleng tawh lo se tih hi Pang Zirlai Pawl, General Hedquarters chuan a duh tak zet zet a, Mizoram sawrkar leh thuneihtute hmalâkna kan thlir zui zêl dâwn bawk a ni.

Issued by: Pang Zirlai Pawl, General Headquarters: Vaṭhuampui